Amos 9:13 - Мукаддес Китап

^13-15 Ине, шейле гүнлер гелер – Хөкмүрован Реб диййәр, ер сүрйән орак оряның ызындан етер, үзүм сыкян экиш дөврүне ченли ишини гутармаз, ширин шерап даглардан дамар, бүтин депелерден-де җошуп акар. Халкым Ысрайыла өңки абаданчылыгыны гайтарарын, юмрулан шәхерлери дикелдип, оларда месген тутарлар, үзүм багларыны отурдып, оларың шерабыны ичерлер, баг-бакҗалар экип, оларың мивесини иерлер. Мен олары өз топрагында отурдарын, Мениң өзлерине берен топрагымдан инди олар хич хачан чыкарылмаз. Муны Худайыңыз Реб айдяндыр.

Mukaddes Kitap

^13-15 Ine, şeýle günler geler – Hökmürowan Reb diýýär, ýer sürýän orak orýanyň yzyndan ýeter, üzüm sykýan ekiş döwrüne çenli işini gutarmaz, şirin şerap daglardan damar, bütin depelerden-de joşup akar. Halkym Ysraýyla öňki abadançylygyny gaýtararyn, ýumrulan şäherleri dikeldip, olarda mesgen tutarlar, üzüm baglaryny oturdyp, olaryň şerabyny içerler, bag-bakjalar ekip, olaryň miwesini iýerler. Men olary öz topragynda oturdaryn, Meniň özlerine beren topragymdan indi olar hiç haçan çykarylmaz. Muny Hudaýyňyz Reb aýdýandyr.

Amos 9:13 ပူးပေါင်းရင်းမြစ်များ

Gelip çykyş 49:11

Эшегини үзүм агаҗына, күрресини үзүм агаҗының иң говусына даңяндыр ол, шераба ювяндыр эгинбашыны, үзүм ширесине ювяндыр донуны ол.

Zebur 97:5

Реббе лирада, лирада овазлы алкышлар айдың.

Işaýa 16:10

Шатлык хем бегенч айрылды хасыллы баглардан; үзүмчиликлерде не айдым айдыляр, не-де хешелле какыляр; үзүм сыкянчы үзүм сыкмаяр, кесдим оларың шагалаң шовхуныны.

Işaýa 55:13

Тикенекли гырымсы агаҗың ерине серви, читчити ерине нар битер; бу Реббе шөхрат гетирер, өлмез-йитмез эбеди аламат болар.

Эзекиел 28:26

Ол ерде ховпсуз яшап, өйлер гурарлар, үзүм багларыны отурдарлар. Даш-төверекдәки олары йигренйәнлере хөкүмлер чыкаранымдан соң, олар ховпсуз яшарлар. Шонда олар Мениң өзлериниң Худайы Ребдигими билерлер».

Эзекиел 36:35

Шонда олар шейле диерлер: „Бей-бә! Озал чоларып галан юрт Эрем багы ялы болупдыр-ов! Хараба болуп, вейран эдилен гала дикелдилип, илатлы ере өврүлипдир!“ диерлер.

Ýowel 2:24

Харманлар долар галладан, челеклер хем долуп-дашарлар тәзе шерап билен зейтун ягындан.

Ýowel 3:18

Шол гүн шейле болар: Даглардан тәзе шерап дамар, байырлардан сүйт акар, Яхуда җарларының әхлиси сувдан долар. Реббиң өйүнден гөзбаш ярылып, Шитим җүлгесиниң гуры җарларыны гандырар.

Ýowel 3:20

Йөне бакы месген болар Яхуда, Иерусалим-де болар несилден-несле.

Lewiler 26:5

Экинлериңиз шейле бир көп хасыл гетирер велин, дөвегиңиз үзүм йыгымына ченли довам эдер. Үзүм йыгымы галла экишине ченли довам эдер, чөрегиңизи доюп иерсиңиз, юрдуңызда ховпсузлыкда яшарсыңыз.

Amos 9:5

Гудратыгүйчли-Хөкмүрован Реб элини ере дегирйәр ве ер сарсяр, ерде яшаян хер кес яс тутяр. Бүтин ер йүзи Нил кимин толкун атяр, Мүсүриң Нил дерясы дей ене песе дүшйәр.

Ёханна 4:35

Сиз орага ене дөрт ай бар диймейәрсиңизми? Эмма Мен сизе диййәрин, башыңызы галдырың-да, экин мейданларына середиң, олар эййәм орага тайяр.

Ysraýyl serdarlary 5:5

Синай дагында Реббиң өңүнде, Ысрайыл Худайы Реббиң өңүнде даглар сарсып лерзана гелди.