Amos 4:5 - Мукаддес Китап

⁵ Хамырмаялы чөрекден шүкүр садакасыны хөдүрләң, мейлетин садакаларыңызы җар эдип мәлим эдиң, шейле этмекден сен леззет аляң-а, эй, ысрайыл халкы! Муны Хөкмүрован Реб айдяндыр.

Mukaddes Kitap

⁵ Hamyrmaýaly çörekden şükür sadakasyny hödürläň, meýletin sadakalaryňyzy jar edip mälim ediň, şeýle etmekden sen lezzet alýaň-a, eý, ysraýyl halky! Muny Hökmürowan Reb aýdýandyr.

Amos 4:5 ပူးပေါင်းရင်းမြစ်များ

Işaýa 1:1

Яхуда патышалары Узыяның, Ётамың, Ахазың ве Хизкияның дөврүнде Амозың оглы Ишаяның Яхуда ве Иерусалим бабатда гөрен гөрнүшлери.

Işaýa 1:11

Реб шейле диййәр: «Көп гурбанлыкларыңызың Маңа хайры нә? Гочлардан берлен якма гурбанлыкларындан, бага бакылан малларың ягындан дойдум. Өкүзлериң, гузуларың ве эркечлериң ганындан леззет алмаярын.

Ýermeýa 7:10

Соңра шу неҗис ишлери этмек үчин Мениң адым дакылан өе гелип, хузурымда дуруп, ‘Биз халас болдук!’ диййәрсиңизми?

Ýermeýa 7:9

Сиз огурлык эдйәрсиңиз, адам өлдүрйәрсиңиз, зына эдйәрсиңиз, яландан ант ичйәрсиңиз, Багал бутуна садака хөдүр эдйәрсиңиз, танамаян башга худайларыңызың ызына эерйәрсиңиз.

Hoşeýa 9:1

«Эй, Ысрайыл, шатланма, бейлеки халклар ялы җошма. Чүнки сен зына эдип, Худайыңдан узаклашдың. Хемме харман ерлеринде сен зынаның муздуна гөвүн бердиң.

Hoşeýa 9:10

Чөлде үзүм тапан ялы, Мен Ысрайылы тапдым. Илкинҗи миве берен инҗир агаҗыны гөрен ялы, Мен ата-бабаларыңызы гөрдүм. Йөне олар Багалпегор дагындакы бутуна сежде эденлеринде, өзлерини рысвачылыга урдулар. Гөвүн берен затлары ялы йигренҗи болдулар.

Lewiler 23:17

Сиз яшаян ерлериңизден ики чөреги Реббе гөтерме садакасы хөкмүнде хөдүр эдиң. Оларың хер бири ондан ики батмана барабар сайлама бугдай унуна югрулып, илкинҗи миве хөкмүнде хамырмаялы биширилен болсун.

Amos 5:21

Мен байрамларыңызы йигренйәрин, әсгермейәрин, мукаддес йыгнанышыкларыңызы асла халамаярын.

Amos 5:22

Хатда якма гурбанлыгыңыздыр галла садакаңызы хөдүр этсеңиз-де, Мен олары кабул этмерин. Семиз малларыңыздан саламатлык гурбанлыгыңызы берсеңиз-де, Мен олара бакмарын.

Matta 15:9

Бидерек ере Маңа сежде эдйәрлер, таглымат дийип өвредйәнлери ынсан буйрукларыдыр“».

Matta 23:23

Вай халыңыза, Төврат мугаллымлары ве фарисейлер! Эй, икийүзлүлер! Сиз нарпыздан, арпабадыядан ве зиреден ондан бир бөлеги берйәрсиңиз, эмма Мукаддес Кануның хас ваҗып ишлерини: адыллыгы, рехимдарлыгы, иманы ташлаярсыңыз. Буларың бирини берҗай эдип, бейлекилерини ташламалы дәлсиңиз.

Matta 6:2

Шонуң үчин хем мәтәҗе садака берениңизде, өңүңизде сурнай чалдырып, муны улы иле җар этмәң. Адамларың өвгүсини газанҗак болуп, икийүзлүлер синагогаларда, көчелерде шейле эдйәрлер. Сизе догрусыны айдярын: олар эййәм өз сылагыны аландырлар.

Rimliler 1:28

Бу адамлар Худайы танамалыдыр өйтмедилер. Шоңа гөрә-де, Худай олары азгын хөвеслерине табшырып, эдилмесиз затлары этмеклерине ёл берди.