Amos 3:2 - Мукаддес Китап

² «Ер йүзүндәки әхли халкларың арасындан Мен диңе сизи сайладым. Шу себәпли әхли этмишиңиз үчин, Мен сизи җезаландырарын.

Mukaddes Kitap

² «Ýer ýüzündäki ähli halklaryň arasyndan Men diňe sizi saýladym. Şu sebäpli ähli etmişiňiz üçin, Men sizi jezalandyraryn.

Amos 3:2 ပူးပေါင်းရင်းမြစ်များ

Gelip çykyş 10:32

Нухуң огулларындан миллетлери боюнча эмеле гелен тирелер шулардыр. Силден соң олардан энчеме миллетлер дөрәп, олар тутуш ер йүзүне яйрадылар.

Gelip çykyş 18:19

Догручыллык хем адалатлылык билен Реббиң ёлундан йөремеклиги огулларына ве несиллерине табшырсын дийип, Мен Ыбрайымы сайладым. Эгер олар Мениң айданларымы берҗай этселер, онда Мен Ыбрайыма берен вадаларымың хеммесини ерине етирерин».

Müsürden çykyş 32:34

Инди бар, гит-де, халкы саңа айдан ериме әкит. Мениң перишдәм сениң өңүңден гитҗекдир. Эмма җеза гүни геленде, Мен оларың эден гүнәлерине гөрә җезасыны берерин» дийди.

Işaýa 63:19

Овалдан бәри үстлеринден Сен хөкүм сүрмедик, Сениң адың дакылмадык халка меңзедик биз.

Ýermeýa 1:15

Ине, Мен демиргазыкдакы әхли миллетлери чагырярын, муны Мен – Реб айдяндырын. Оларың патышаларының әхлиси гелип, өзлериниң тагтыны Иерусалим дервезелериниң гирелгесинде, онуң даш-төверегиндәки диварларының ве Яхуданың әхли шәхерлериниң гаршысында гурарлар.

Ýermeýa 10:25

Газабыңы дөк Сени танамаян миллетлериң, адыңы чагырмаян халкларың үстүнден. Чүнки олар Якубың неслини ялмадылар, оны ювудып, ёк этдилер, меканыны вейран этдилер.

Ýermeýa 11:22

Хава, Хөкмүрован Реб шейле диййәр: «Мен олары җезаландырарын. Оларың яш йигитлери гылычдан гечирилер, огулдыр-гызлары ачлыкдан өлерлер.

Ýermeýa 13:21

Ёлбашчы эдип етишдирен адамларыңы Реб өзүңе хоҗайын этсе, нәме диерсиң? Догурян аялың бургусы ялы сени-де санҗы тутмазмы?

Ýermeýa 14:10

Бу халк хакда Реб шейле диййәр: «Олар, хакыкатдан-да, айланып гезмеги халадылар, аякларына дынчлык бермедилер. Шонуң үчин Мен-Реб олардан хошал дәлдирин. Инди оларың этмишлерини ятларын, гүнәлери үчин җезаландырарын».

Ýermeýa 9:25

Шейле гүнлер гелер, тени сүннетли болуп-да, йүреги сүннетсиз адамлары җезаландырарын. Муны Реб айдяндыр.

Эзекиел 5:9

Әхли неҗис ишлериңиз үчин Мен сизе өң этмедик, индем этмеҗек затларымы эдерин.

Эзекиел 9:6

Гоҗалары, йигитлери, бой гызлары, чагалар билен аяллары өлдүриң, эмма маңлайында беллик боланлара голайлашмаң. Мениң мукаддес өйүмден башлаң» дийди. Олар-да өйүң өңүндәки яшулулардан башладылар.

Даныел 9:12

Башымыздан әпет бела-бетерлер индерҗекдиги барада Онуң бизе ве үстүмизден хөкүм сүрйән баштутанларымыза айдан сөзлери берҗай болды. Иерусалимиң башына инен бела гөгүң астындакы хич бир шәхериң үстүнден хич хачан инмәнди.

Hoşeýa 2:13

Багал бутуна түтетги якан гүнлери үчин, оны җезаландырарын. Шол вагт өзүни халкадыр йүзүклер билен безәп, ойнашының ызындан ковалады. Мени болса унутды». Муны Реб айдяндыр.

Hoşeýa 5:3

Мен Эфрайымы танаярын, Ысрайылам Менден гизлин дәлдир. Чүнки сен зына этдиң, эй, Эфрайым. Ысрайыл хем харамдыр.

Hoşeýa 8:13

Маңа гурбанлыклар гетирйәрлер, гурбан кесйәрлер, йөне эти өзлери иййәрлер. Реб олардан разы дәлдир. Инди оларың гүнәлери ятланар. Этмишлерине гөрә җеза берлер. Олар Мүсүре доланарлар.

Hoşeýa 9:9

Гибга гүнлеринде болшы ялы, Олар агыр хеләкчилиге дүшдүлер. Ол этмишлерини ятлар. Оларың этмишлерине гөрә җеза бар.

Amos 2:4

Реб шейле диййәр: «Мен Яхуданы гүнә үстүне гүнә эдендиги үчин җезасыз галдырмарын. Чүнки Реббиң кануныны рет этдилер, Онуң парзларыны тутмадылар, ата-бабаларының ялан худайларың ызына эериши ялы инди булар-да олар билен аздылар.

Amos 3:3

Хей, беллешмезден ики адам биле ёла дүшерми?

Amos 6:1

Дат гүнүңизе, эй, Сионда асуда яшаянлар, Самария дагында ховпсуз отуранлар, ысрайыл халкының йүз тутмага барян иң бейик миллетиң мешхур адамлары!

Mika 2:3

Шонуң үчин Реб шейле диййәр: «Мен бу халка гаршы бела тайынлаярын, ондан боюн гачырып билмерсиңиз. Башыңызы дик тутуп гезмерсиңиз, чүнки бу пис замана болар.

Nahum 3:4

Буларың бары зынахорлык эдендигиң үчин, җадыгөйлигиң билен халклары хеләкчилиге элтендигиң үчин, җадылык билен миллетлери гул эдендигиң үчин, гөзбагчылык билен халклары өзүңе чекендигиң үчин болды.

Resul 17:26

Худай әхли миллетлери бир адамдан ярадып, олары бүтин ер йүзүне яйратды. Оларың яшаҗак вагтыны ве чәгини өңүнден белләп берди.

Rimliler 2:9

Худай яманлык эдйән хер бир адама: илки билен яхудылара, соңра яхуды дәллере мушакгат ве хасрат берер.

1 Korintoslylar 8:3

Эмма ынсан Худайы сөййән болса, ол эййәм Худай тарапындан таналяндыр.

Kanun taglymaty 10:15

Реб диңе сизиң ата-бабаларыңызы йүрекден сөйди ве бу гүнки гөршүңиз ялы, әхли халкларың арасындан оларың соңкы несиллери болан сизи сайлады.

Kanun taglymaty 26:18

Бу гүн Реб сөз берши ялы, Ол сизи Өзүниң гымматлы халкы хөкмүнде сайландыгыны ве Онуң буйрукларыны ерине етирмелидигиңизи мәлим этди.

Kanun taglymaty 32:9

Өз халкыдыр Реббиң пайы, өз пайы үчин Якубы мирас алды Ол.

Kanun taglymaty 4:32

Догулмазыңыздан өңки гечен асырлардан бәри, Худай тарапын ер йүзүнде адамзадың ярадыланындан тә шу гүне ченли гечен замандан сораң. Гөгүң бу уҗундан ол уҗуна ченли сорап чыкың, хей, шунуң ялы бейик вака өң болдумыка? Я шунуң ялы вака хакында эшидипмидиңиз?

Kanun taglymaty 7:6

Чүнки сиз Худайыңыз Реб үчин мукаддес халксыңыз. Худайыңыз Реб Өзүниң гымматлы халкы болмагыңыз үчин ер йүзүндәки әхли халкларың арасындан сизи сайлады.

1 Petrus 4:17

Чүнки хөкүмиң Худайың машгаласындан башланмалы вагты гелип етди. Хөкүм өңүрти бизден башланса, онда Худайың Хош Хабарына табын болмаянларың соңы нәме болар?