2 Timoteos 3:8 - Мукаддес Китап

⁸ Яннис билен Ямбрисиң Муса гаршы чыкышы ялы, бу адамлар хем хакыката гаршы чыкяндырлар. Оларың пикири бозук, иманлары болгусыздыр.

Mukaddes Kitap

⁸ Ýannis bilen Ýambrisiň Musa garşy çykyşy ýaly, bu adamlar hem hakykata garşy çykýandyrlar. Olaryň pikiri bozuk, imanlary bolgusyzdyr.

2 Timoteos 3:8 ပူးပေါင်းရင်းမြစ်များ

Müsürden çykyş 7:11

Фараон хем өз акылдарларыны, җадыгөйлерини йыгнады. Олар хем өзлериниң гизлин усуллары билен шейле этдилер.

Müsürden çykyş 7:22

Эмма Мүсүр җадыгөйлери хем өзлериниң гизлин усуллары билен шейле этдилер. Шейдип, фараоның йүреги доңлугына галды. Реббиң айдышы ялы, фараон олары диңлемеди.

Müsürden çykyş 8:18

Җадыгөйлер хем өз гизлин усуллары билен чиркей дөретмәге сынанышдылар, эмма олар муны башармадылар. Шейлеликде, чиркейлер адамларың ве хайванларың үстүнде гезишип йөрдүлер.

Müsürden çykyş 8:7

Эмма җадыгөйлер хем өзлериниң гизлин усуллары билен шейле этдилер, олар хем Мүсүрде гурбагалар чыкардылар.

Resul 15:24

Бизиң эшидишимизе гөрә, арамыздан кәбирлери барып, өз сөзлери билен сизи ховсала салып, аңыңызы булашдырыпдырлар. Эмма олары биз ибермедик.

Rimliler 1:28

Бу адамлар Худайы танамалыдыр өйтмедилер. Шоңа гөрә-де, Худай олары азгын хөвеслерине табшырып, эдилмесиз затлары этмеклерине ёл берди.

Rimliler 16:18

Чүнки олар Реббимиз Иса Месихе дәл-де, өз гара гарынларына хызмат эдйәндирлер. Олар сүйҗи сөзлер ве яранҗаңлык билен гепләп, сада адамлары алдава саляндырлар.

Efesliler 4:14

Шейдип, мундан бейләк ынсанларың яланчылыгының ве өкделик билен дүзйән хер хили таглыматының шемалына ковлуп, эйләк-бейләк итекленйән чагалар ялы болмарыс.

1 Timoteos 1:19

иманда берк дуруп, ынсабыңы пәк сакла. Кәбир адамлар ынсапларыны ювудандыгы үчин, иманлары гая урлан гәми кимин чым-пытрак болды.

1 Timoteos 4:2

Бу таглыматлар ынсапларыны ювудан икийүзли яланчылар тарапындан яйрадыляр.

1 Timoteos 6:5

Булар зерарлы пикирлери заяланан адамларың арасында агзалалыклар йүзе чыкяр. Олар хакыкаты ёюп, Худайың йөрелгеси газанч ёлудыр өйдйәрлер.

2 Timoteos 4:15

Сен хем ондан әгә бол, себәби ол бизиң айдянларымызың барына бүтинлей гаршы чыкыпды.

Titus 1:10

Себәби питнечилер, яңралар ве кеззаплар дийсең көпдүр. Шейле адамлар, эсасан-да, халас болмак үчин сүннет эдилмелидигини үндейәнлериң арасында бардыр.

Titus 1:16

Олар Худайы танаярыс дийселер-де, эдйән ишлеринде Оны рет эдйәндирлер. Олар неҗис, боюнегмезек болуп, ягшылык этмәниң нәмедигини-де билмейәрлер.

2 Petrus 2:14

Оларың зынадан гөзлери доймаяр, хич вагт гүнәни бес этмейәрлер. Олар дурнуксыз кишилери дузага дүшүрип аздырярлар. Оларың калбы ачгөзлүге югрулып, нәлетленен адамлардыр.

1 Ёханна 2:18

Эй, балалар, бу дүнйәниң ахыркы гүнлери етип гелендир. Сиз Месихиң душманының гелҗекдигини эшиденсиңиз. Хут шу вагт хем Месихе гаршы чыкянларың энчемеси пейда болды. Ине, бу вакалардан биз дүнйәниң ахыркы гүнлериниң етип гелендигини билйәрис.

1 Ёханна 4:1

Мәхрибанларым, өзүнде Худайың Рухуның бардыгыны айдян хер бир адама ынанып йөрмәң. Оларың Худайдандыгыны я-да дәлдигини билмек үчин сынагдан гечириң. Себәби дүнйәде энчеме галп пыгамберлер пейда болды.

Аянлык 2:20

Эмма сенде оңламаян бир задым бар: сен өзүни пыгамбер сайян Изебел атлы аялың эденлерине гечиримлилик эдйәрсиң. Ол Мениң бенделерими өз таглыматы билен аздырып, олара зынахорлык этдирҗек боляр, бута хөдүрленен гурбанлыклардан ийдирҗек боляр.

Аянлык 2:6

Йөне шу эдйәнлериңи велин оңлаярын: сен николачыларың эдйән ишлерини йигренйәрсиң. Мен хем олары йигренйәрин.