2 Petrus 2:1 - Мукаддес Китап

¹ Өңлер халк арасында галп пыгамберлериң болшы ялы, сизиң араңызда-да галп мугаллымлар пейда болар. Олар хеләклейҗи ве ялан таглыматлар гетирмек билен, өзлерини есирликден бошадан Ребби-де инкәр эдерлер. Шейдип, өз башларындан дуйдансыз бела-бетер индерерлер.

Mukaddes Kitap

¹ Öňler halk arasynda galp pygamberleriň bolşy ýaly, siziň araňyzda-da galp mugallymlar peýda bolar. Olar heläkleýji we ýalan taglymatlar getirmek bilen, özlerini ýesirlikden boşadan Rebbi-de inkär ederler. Şeýdip, öz başlaryndan duýdansyz bela-beter indererler.

2 Petrus 2:1 ပူးပေါင်းရင်းမြစ်များ

1 Patyşalar 22:6

Онсоң Ысрайылың патышасы Ахап дөрт йүзе голай пыгамбери топлап, олардан: «Мен Рамотгилгада хүҗүм эдейинми я-да этмәйинми?» дийип сорады. Олар: «Хүҗүм эт, чүнки Реб оны сениң элиңе берер» дийдилер.

Müsürden çykyş 15:16

Сениң голуң гудратындан, оларың үстүне ховп ве горкы инйәр. Өз азат эден халкың гечип болянча, олар даш кимин доңярлар.

Işaýa 9:15

Яшулулар хем ат-абрайлы адамлар-а башдыр, ялан зады өвредйән пыгамберлер болса гуйрукдыр.

Ýermeýa 29:21

Мениң адым билен сизе яландан пыгамберлик эдйән Колаяның оглы Ахап билен Магасеяның оглы Сидкия хакда Ысрайыл Худайы Хөкмүрован Реб шейле диййәр: „Мен олары Бабыл патышасы Небукаднесарың элине табшырарын. Ол хем гөзүңизиң алнында олары өлдүрер.

Ýermeýa 37:19

„Бабыл патышасы сизиң үстүңизе, бу юрдуң үстүне чозмаз“ дийип, сизе велилик эден пыгамберлериңиз ханы ниреде?

Ýermeýa 6:13

«Улудан-кичә әхлиси харам газанҗың ышкында, пыгамберден рухана ченли хер кес гүн гөрйәр хиле билен.

Ермеяның агысы 2:14

Сен хакда пыгамберлериң галп, манысыз гөрнүшлер гөрдүлер. Өңки каддыңа дикелтмек үчин этмишиңи йүзүңе басмадылар. Гайтам, сени ёлдан чыкарян ялан гөрнүшлер гөрдүлер.

Hoşeýa 9:8

Пыгамбер мениң Худайымың Эфрайымда гоян гаравулыдыр. Йөне онуң угран ёлларында дузак гурдулар. Худайың өйүнде-де оңа йигренч бар.

Mika 2:11

Яланчы, кеззап бири гелип: «Сизе бол шерап ве чакыр хакында вагыз эдейин» дийсе, бу халк шейле пыгамбери кабул эдер.

Mika 3:11

Онуң баштутанлары пара алып, хөкүм чыкарярлар, руханылары төлегли сапак берйәрлер, пыгамберлери пул үчин палчылык эдйәрлер. Шонда-да олар Реббе даянып: «Реб бизиң билендир! Башымыза хич бела гелмез» диййәрлер.

Mika 3:5

Халкымы азашдырып, өзлерини доюрянлара асудалык диләп, доюрмаянлара-да уруш ыглан эдйән пыгамберлер хакында Реб шейле диййәр:

Malaky 3:5

Хөкмүрован Реб шейле диййәр: «Соңра Мен хөкүм чыкармак үчин яныңыза гелип, җадыгөйлере, зынагәрлере, ялан ере ант ичйәнлере гаршы ве талабаның, дул аялың, етимиң хакыны иййәнлере гаршы, гелмишеги хукугындан махрум эдйәнлере, Менден горкмаянлара гаршы деррев шаят боларын.

Matta 10:33

Ким Мени адамларың өңүнде рет этсе, Мен хем оны гөкдәки Атамың өңүнде рет эдерин.

Matta 24:11

Энчеме галп пыгамберлер дөрәп, көплери аздырарлар.

Matta 24:24

Чүнки галп месихлер ве галп пыгамберлер дөрәп, сайлананлары-да мүмкин болдугыча аздырҗак болуп, бейик аламатлардыр мугҗызалар гөркезерлер.

Matta 24:5

Көплер Мениң адым билен гелип: „Мен Месих“ дийип, энчеме адамлары алдарлар.

Matta 7:15

Галп пыгамберлерден әгә болуң! Олар сизиң яныңыза гоюн дерисине гирип гелерлер, эмма өзлери велин йыртыҗы мөҗеклердир.

Mark 13:22

Чүнки галп месихлер ве галп пыгамберлер дөрәп, мүмкин болдугыча сайлананлары-да аздырҗак болуп, аламатлардыр мугҗызалар гөркезерлер.

Luka 12:9

Ким Мени адамларың өңүнде рет этсе, онуң өзи-де Худайың перишделериниң өңүнде рет эдилер.

Luka 21:8

Иса: «Әгә болуң, хич ким сизи алдаймасын! Көплер Мениң адым билен гелип: „Мен – Шолдурын“ ве „Вагт голайлады!“ диерлер. Оларың ызына дүшмәң.

Luka 6:26

Әхли адамлар сизи тарыплан махалы вай халыңыза! Чүнки ата-бабалары-да галп пыгамберлере шейле этдилер.

Rimliler 16:18

Чүнки олар Реббимиз Иса Месихе дәл-де, өз гара гарынларына хызмат эдйәндирлер. Олар сүйҗи сөзлер ве яранҗаңлык билен гепләп, сада адамлары алдава саляндырлар.

1 Korintoslylar 11:19

Себәби араңызда агзалалыклар болмалы затдыр. Олар сизиң Худайың сынагындан гечип-гечмейәндигиңизи әшгәр эдйәр.

1 Korintoslylar 6:20

Сиз баха, онда-да улы баха сатын алнансыңыз. Шоңа гөрә-де, өз бедениңиз билен Худайы шөхратландырың.

1 Korintoslylar 7:23

Сиз улы баха сатын алындыңыз. Адамларың гулы болмаң!

Галатялылар 2:4

Сүннетленме меселеси кәбир догансумаклар зерарлы йүзе чыкыпды. Олар бизи гул этмек үчин, арамыза огрынча сүмлүп, Иса Месих аркалы алан азатлыгымызы гизлинликде аңтадылар.

Галатялылар 3:13

Месих Кануның ыглан эден нәлетини Өз үстүне алып, бизи шол нәлетден халас этди. Чүнки Төвратда: «агачдан асылан хер кес нәлетленендир» дийип язылгыдыр.

Галатялылар 4:17

Кәбир догансумаклар бетпәллерине эерип, сизи бизден айрып, өз тарапларына чекмәге җан эдйәрлер. Олар диңе өзлери бабатда ыхласлы болмагыңызы ислейәрлер.

Галатялылар 5:20

бутпаразлык ве дога-җадыгөйликдир; йигренч, агзалалык, гөриплик, гахар, бәсдешлик, җедел, бөлүнишик

Efesliler 1:7

Худай чуңңур бай мерхемети билен Оглуның дөкен ганы аркалы гүнәлеримизи багышлап, бизи азат этди.

Efesliler 4:14

Шейдип, мундан бейләк ынсанларың яланчылыгының ве өкделик билен дүзйән хер хили таглыматының шемалына ковлуп, эйләк-бейләк итекленйән чагалар ялы болмарыс.

Kanun taglymaty 32:6

Эй, акмак хем надан халк, шумы Реббе җогабыңыз? Сизи ярадып, беркарар эден, Ол – Атамыз дәлми?

Filipililer 3:19

Оларың соңы вейранчылыкдыр, оларың гара гарынлары худайларыдыр, олар өз масгаралыгына буйсаняндырлар. Олар диңе бу дүнйәниң затлары барада ойланяндырлар.

Колосиялылар 2:18

Яландан песпәлсирейән ве перишделере сежде эдйән адам сизи Худайың сылагындан махрум этмесин. Шейле адам гөрен гөрнүшлерине магтаняндыр, эмма бу бош ере паңкарян ынсан пикир йөретмесидир.

Колосиялылар 2:8

Хүшгәр болуң! Хич ким сизи бош хем ялан пелсепелер билен есир эдәймесин, себәби бейле геплер Месихе дәл-де, ынсан дәп-дессурларына ве паны дүнйәниң йөрелгелерине эсасланяндыр.

1 Timoteos 5:8

Кимде-ким өз доган-гарындашларының, ылайта-да өз машгаласының аладасыны этмейән болса, имандан дәндигидир. Шейле адам имансыздан хем бетердир.

2 Timoteos 4:3

Чүнки адамларың сагдын таглыматы диңләси гелмеҗек заманасы гелер. Шонда олар өз хөвеслерине ярашыклы, гулакларына-да якымлы сөзлери айтҗак өвредиҗилери гөзләрлер.

Titus 1:11

Оларың агзыны багламак герек. Чүнки олар йыгнакларда өвретмесиз затлары өвредип, машгалалары бүтинлей даргадярлар. Иң эрбеди-де, олар булары пул газанмак үчин өвредйәрлер.

Titus 3:10

Агзалалык дөредйән адама бирки гезек өвүт-несихат бер. Эмма шонда-да пәлинден гайтмаса, ондан гача дур.

Еврейлер 10:29

Шейле болса, Худайың Оглуны аяк астына салана ондан-да агыр җезаның гарашяндыгыны гөз өңүне гетирип гөрүң! Месихиң әхт ганы билен пәкленип, соңам муны мурдар хасаплаяның ве мерхемет Рухуны рысва эдйәниң халы ничик болар?

1 Petrus 1:8

Сиз Месихи гөрмедик болсаңыз хем, Оны сөййәрсиңиз. Хатда Оны гөрмесеңиз-де, Оңа иман эдйәрсиңиз ве сөз билен тарыплап болмаҗак бейик шатлыкдан долуп-дашярсыңыз.

2 Petrus 2:3

Ачгөзлүкден яңа бу галп мугаллымлар өз тослама хекаятлары билен сизиң пулуңызы үтерлер. Шонуң үчин оларың җезасы гадымдан тайяр дурандыр, хеләкчилиги болса гиҗикмез.

1 Ёханна 2:26

Бу затлары сизи аздырҗак болян адамлардан хабардар болмагыңыз үчин яздым.

1 Ёханна 4:1

Мәхрибанларым, өзүнде Худайың Рухуның бардыгыны айдян хер бир адама ынанып йөрмәң. Оларың Худайдандыгыны я-да дәлдигини билмек үчин сынагдан гечириң. Себәби дүнйәде энчеме галп пыгамберлер пейда болды.

Ýahuda 1:18

Олар сизе: «Дүнйәниң ахыркы гүнлеринде өз тен хөвеслерини канагатландырян яңсылайҗылар пейда болар» дийипдилер.

Ýahuda 1:4

Себәби кәбир худайсызлар огрынча араңыза сүмлүп гирдилер. Олар Худайың аҗайып мерхемети бизе азгынлык этмәге ыгтыяр берйәр дийип өвредйәрлер ве еке-тәк Хоҗайынымыз ве Реббимиз Иса Месихи рет эдйәрлер. Шейле адамларың җезасы гадымдан бәри язылып гойландыр.

Аянлык 13:14

Бу җандар биринҗи җандарың адындан аламатлар гөркезип, ер йүзүниң илатыны алдава салярды. Ол гылыч билен өлүм ховплы яра салнандыгына гарамаздан, дирелен җандарың хейкелини ясамагы илата буюрды.

Аянлык 2:13

„Сениң ниреде яшаяныңы билйәрин, шейтаның тагты хем шол ердедир. Эмма муңа гарамаздан, сен Маңа садык болуп галансың. Сен хатда өз шәхериңде, хава, шейтаның яшаян шәхеринде садык гүвәм Антибиң өлдүрилен гүнлеринде-де Маңа болан иманыңдан дәнен дәлсиң.

Аянлык 2:9

„Мен сениң мушакгатларыңы ве гарыплыгыңы билйәрин, аслында велин сен байсың! Мен өзлерини яхуды сайянларың саңа дил етирйәндиклерини хем билйәрин. Йөне олар яхудылар дәл-де, шейтаның үйшмелеңидир.

Аянлык 3:8

„Сениң әхли эденлериңи билйәрин. Ине, өңүңде бир гапыны ачып гойдум, оны хич ким япып билмез. Гүйҗүңиң аздыгыны хем билйәрин. Йөне муңа гарамаздан, Мениң сөзүми берҗай этдиң, адымдан дәнмедиң.

Аянлык 5:9

Олар тәзе бир айдым айдярдылар: Сен мынасыпсың бу кагызы алмага, хем-де онуң мөхүрлерини дөвмәге. Чүнки Сен дамагың чалнып, Өз ганың билен, хер тиреден, хер дилден, хер халкдан хем-де миллетден Худай үчин адамлары сатын алансың.

Аянлык 6:10

Олар батлы сес билен гыгырып: «Эй, мукаддес ве хакыкы Реб! Сен ер йүзүниң илатыны хачан хөкүм этҗек? Бизиң ганымызы олардан хачан сораҗак?» дийип сорадылар.