2 Petrus 1:8 - Мукаддес Китап

⁸ Шу говы хәсиетлер сизде бар болса ве көпелсе, онда сиз Реббимиз Иса Месихи танамакда бикәр хем хасылсыз галмарсыңыз.

Mukaddes Kitap

⁸ Şu gowy häsiýetler sizde bar bolsa we köpelse, onda siz Rebbimiz Isa Mesihi tanamakda bikär hem hasylsyz galmarsyňyz.

2 Petrus 1:8 ပူးပေါင်းရင်းမြစ်များ

Süleýmanyň pähimleri 19:15

Ялталык гафлат укусына батыряр, ялта адам ачлык чекйәр.

Matta 13:22

Тикенлигиң арасына дүшен тохум болса сөзи эшидйәр, йөне дүнйәниң гайгылары, баямак хөвеси оны богяр ве сөз хасылсыз галяр.

Matta 20:3

Ир сагат докузларда дашары чыкан вагты, ол базарда бикәр дуран бирнәче адамлары гөрйәр.

Matta 20:6

Өйлән сагат бәшлерде айланмага чыкан вагты, башга бош дуранлары гөрүп, олардан: «Нәме үчин гүнузын бу ерде бош дурсуңыз?» дийип сораяр.

Matta 25:26

Хоҗайыны оңа шейле диййәр: „Эй, эрбет хем ялта хызматкәр! Сен мениң экмедик еримден оряндыгымы, сепмедик еримден йыгяндыгымы билйәрмидиң?

Ёханна 15:2

Ол Мениң миве бермейән хер бир шахамы кесип ташлаяр, миве берйәнини болса тәмиз болар ялы ве көп миве берер ялы тимарлаяр.

Ёханна 17:3

Бакы яшайыш болса, Сени, ягны еке-тәк хак Худайы ве Сениң иберен Иса Месихиңи танамакдыр.

Ёханна 5:42

Эмма Мен сизи танаярын, сизиң калбыңызда Худайың сөйгүси ёк.

Rimliler 12:11

Ыхласыңыз говшамасын, Мукаддес Рухуң берйән хыҗувы билен Реббе хызмат эдиң.

1 Korintoslylar 15:58

Шоңа гөрә-де, эй, эзиз доганларым, берк дуруң. Гой, сизи асла хич зат сарсдырмасын. Реббиң ишине ыхласлы япышың. Чүнки Реб угрунда чекен зәхметиңизиң бидерек дәлдигини өзүңиз-де билйәнсиңиз.

2 Korintoslylar 13:5

Иманда мәкәм дуруп-дурмаянлыгыңызы билмек үчин, өзүңизи сынап гөрүң. Эйсем сиз Иса Месихиң араңыздадыгыны билмейәңизми? Я-да сиз сынагдан гечмейәнлерденми?

2 Korintoslylar 8:2

Олар агыр мушакгатларда сыналса-да, җошгунлы шатлыкдан долуп-дашярлар. Гарыплыгы ченден агыр болса-да, сахылыга байдырлар.

2 Korintoslylar 8:7

Сизиң иманыңыз гүйчли; сиз нәдип вагыз этмелидигини билйәрсиңиз. Сизиң дүшүнҗәңиз, ыхласыңыз ве бизден өвренен сөйгиңиз долуп-дашяр. Хакыкы, сиз әхли зады шейле оңат башарярсыңыз. Шонуң үчин-де, сахылыкда-да шейле болмагыңызы ислейәрис.

2 Korintoslylar 9:14

Худайың сизе берен болдан-бол мерхеметини гөрүп, олар сизиң үчин дога-дилеглер эдерлер, сизиң билен дидарлашмагы күйсәрлер.

Filipililer 1:9

Мен сөйгиңизиң билимде ве йити дүшбүликде болелин долуп-дашмагыны Худайдан дилейәрин.

Filipililer 2:5

Иса Месихиң гарайышлары сизде хем болсун:

Filipililer 3:8

Хава, мен Реббим Иса Месихи танамагың аҗайып белентлигиниң хатырасына әхли зады бидерек сайярын. Мен Онуң хатырасына әхли затдан гечип, буларың барыны чөп-чөр сайярын. Мен Месихи газанасым ве Онуң билен мәкәм биригесим гелйәр. Мен Мукаддес Кануна даянян өз догрулыгыма дәл, эйсем Месихе болан имана даянян, иман аркалы Худайдан болан догрулыга эе боласым гелйәр.

Колосиялылар 1:10

Шейле хем Реббе мынасып дурмушда яшап, Оны хер бабатда хошал этмегиңиз үчин дилег эдйәрис. Гой, сизиң әхли оңат ишлериңиз миве берсин. Гой, Худай Оны танамакда сизи хас-да өсдүрсин.

Колосиялылар 2:7

Алкышлар билен долуп-дашып, Месихде көк уруң ве бина эдилиң, өзүңизе өвредилиши ялы, иманда берк дуруң.

Колосиялылар 3:16

Гой, Месихиң сөзи калбыңызың төрүнде орнашсын. Бүтин акылдарлык билен бири-бириңизе тәлим ве өвүт-несихат бериң. Мезмурлар, өвги айдымлар, рухы нагмалар айдып, Худая йүрекден миннетдарлык билдириң.

1 Salonikliler 3:12

Бизиң сизи сөйшүмиз ялы, гой, Реб бири-бириңизе, әхли адамлара болан сөйгиңизи артдырып, пүрепүр этсин.

1 Salonikliler 4:1

Эй, доганлар, биз Худайы разы этмек үчин нәхили яшамалыдыгыны сизе өвретдик. Сиз хакыкатдан хем шейле яшаярсыңыз. Инди болса шейле яшамакда хас-да илерлемегиңизи Реб Исаның адындан сизе үндейәрис.

2 Salonikliler 1:3

Эй, доганлар! Сизиң иманыңыз гитдигисайы өсйәр, бири-бириңизе болан сөйгиңиз долуп-дашяр. Шоңа гөрә-де, биз элмыдама Худая шүкүрлер этмелидирис. Бу өрән ерликлидир.

1 Timoteos 5:13

Мундан башга-да, олар өйден-өе айланып, бикәр гезмәге эндик эдерлер. Бикәрликлери билен хем чәкленмән, гелшиксиз геплери агза алып, башгаларың ишине гатышян гыбаткешлер боларлар.

Titus 3:14

Бизиңкилер хем мивесиз өмүр сүрмез ялы, мәтәчлере ярдам бермек аркалы ягшылык этмеги адат эдинсинлер.

Filimun 1:6

Мен бизи бирикдирйән имана гөрә херекет этмегиңи Худайдан дилейәрин. Шонда сен Иса Месихе хызмат этмек үчин эдилмели ягшы ишлере дүшүнерсиң.

Еврейлер 6:12

Ялталыга йүз урмаң, гайтам, иман хем сабыр-такат аркалы Худайың вадаларына говшанларың гөрелдесине эериң.

2 Petrus 1:2

Худайы ве Реббимиз Исаны танамакда бол мерхемет хем парахатлык сизе яр болсун!

2 Petrus 1:3

Худайың йөрелгеси боюнча яшамагымыз үчин Ол Өз гүйҗи аркалы бизе герек болан әхли зады берди. Ол муны ягшылык ве шөхрат билен бизи Чагыраны танамагымыз үчин этди.

2 Petrus 2:20

Адамлар Реббимиз хем Халасгәримиз Иса Месихи танамак аркалы дүнйәниң писликлеринден гачып гутулдылар. Эгер олар мундан соңам ене шунуң ялы ишлере баш гошуп, гүнәниң гулы болсалар, онда оларың соңкы ягдайы өңки ягдайындан-да бетер болар.

2 Petrus 3:18

Реббимиз ве Халасгәримиз Иса Месихиң мерхеметинде өсүң, Оны танамакда хас-да илерләң. Шиндиден эбедә ченли Оңа шан-шөхрат болсун! Омын.