2 Petrus 1:4 - Мукаддес Китап

⁴ Худай бизе җуда гымматлы бейик вадалары берди. Ол бу вадалар аркалы сизиң бу дүнйәдәки эрбет хөвеслерден дөрейән азгынчылыкдан гача дуруп, Өзүниң тебигатына шәрик болмагыңызы ниет этди.

Mukaddes Kitap

⁴ Hudaý bize juda gymmatly beýik wadalary berdi. Ol bu wadalar arkaly siziň bu dünýädäki erbet höweslerden döreýän azgynçylykdan gaça durup, Özüniň tebigatyna şärik bolmagyňyzy niýet etdi.

2 Petrus 1:4 ပူးပေါင်းရင်းမြစ်များ

2 Korintoslylar 1:20

Чүнки Худайың берен вадаларының әхлиси Иса Месих аркалы «хавадыр». Худайы шөхратландырып айдян «омын» сөзүмиз-де Иса Месих аркалыдыр.

2 Korintoslylar 3:18

Биз хем йүзүмизи басырман, Реббиң шөхратының ялкымыны гөрйәрис. Реббиң Рухы әхлимизи гитдигисайы нурландырып, бизи Өз кешбине өзгердйәр.

2 Korintoslylar 6:17

«Шоңа гөрә-де, оларың арасындан чыкың-да, олардан айрылың». Муны Реб диййәр. «Харам затлара эл дегирмәң, шонда Мен сизи кабул эдерин».

Галатялылар 3:16

Худай Ыбрайым билен әхт баглашды. Ол бу әхти берҗай этҗекдиги барада Ыбрайыма ве онуң неслине вада берди. Мукаддес Язгыларда «сениң несиллериңе» дийип көпчүлик барада дәл-де, «сениң хут өз неслиңе» дийип, еке-тәк Бири барада вада берлендир. Бу хем Иса Месихдир.

Галатялылар 6:8

Өз хөвеслерини канагатландырмак ислейән өзүни вейран эдер. Эмма Мукаддес Рухы канагатландырмак ислейән бакы яшайшы алар.

Efesliler 4:13

Мунуң нетиҗесинде хеммәмиз иманда бир болуп, Худайың Оглы Месихи танап-билип, Ол ялы долы кәмиллиге етерис.

Колосиялылар 3:10

Инди Яраданың кешбине меңземекде ве Оны танамакда тәзе ярадылыша беслениң.

Еврейлер 12:10

Аталарымыз бизе өз билишлерине гөрә, гысга вагтлык тербие берипдилер. Худай болса бизиң хем Онуң ялы пәк болуп билмегимиз үчин бизе тербие берилйәр.

Еврейлер 9:15

Шу себәпли хем чагырыланлары Худайың вада эден эбеди мирасына говшурмак үчин, Иса Месих тәзе әхтиң Бинятчысы болды. Олары овалкы әхт дөврүнде эден гүнәлериниң җезасындан азат этмек үчин Ол гурбан болды.

Ýakup 1:27

Атамыз Худайың назарында пәк хем ногсансыз диндарлык етимлериң ве дулларың кын гүнүнде аладасыны этмекден ыбаратдыр. Шейле хем бу дүнйәниң пислигинден өзүңи пәк сакламакдыр.

2 Petrus 1:1

Иса Месихиң гулы ве ресулы мен Симун Петрусдан Худайымыз хем Халасгәримиз Иса Месихиң догрулыгы аркалы бизиң иманымыз ялы гымматлы имана эе боланлара догайы салам!

2 Petrus 3:13

Эмма биз Худайың вадасына эсасланып, догрулыгың меканы болан тәзе асмана ве тәзе ере гарашярыс.

2 Petrus 3:9

Кәбирлери Реб Өз берен вадасыны берҗай этмеги гиҗикдирйәр дийип хасап этселер-де, Ол гиҗикдирмез. Реб сизиң үчин сабыр эдйәндир, себәби Ол хич кимиң хеләк болман, хеммелериң тоба этмегини ислейәр.

1 Ёханна 2:25

Чүнки Месих бизе бакы яшайшы вада берди.

1 Ёханна 3:2

Мәхрибанларым, биз инди Худайың перзентлеридирис. Бизиң нәхили өзгерҗекдигимиз энтек белли дәл, эмма Месихиң гелҗек пурсадында Оңа меңзеҗекдигимизи билйәрис, себәби Оны болшы ялы гөрерис.