2 Petrus 1:3 - Мукаддес Китап

³ Худайың йөрелгеси боюнча яшамагымыз үчин Ол Өз гүйҗи аркалы бизе герек болан әхли зады берди. Ол муны ягшылык ве шөхрат билен бизи Чагыраны танамагымыз үчин этди.

Mukaddes Kitap

³ Hudaýyň ýörelgesi boýunça ýaşamagymyz üçin Ol Öz güýji arkaly bize gerek bolan ähli zady berdi. Ol muny ýagşylyk we şöhrat bilen bizi Çagyrany tanamagymyz üçin etdi.

2 Petrus 1:3 ပူးပေါင်းရင်းမြစ်များ

Zebur 110:3

Онуң иши дабарадан, шөхратдан долы, Онуң догрулыгы довам эдйәр эбеди.

Zebur 84:11

Сөйги билен вепадарлык бирлешер, догрулык парахатлык билен биригер.

Süleýmanyň pähimleri 12:4

Мынасып аял әриниң башының тәҗидир, бинамыс аял болса сүегиңи чүйредер.

Süleýmanyň pähimleri 31:10

Башарҗаң аялы ким тапып билйәр? Онуң гадыр-гымматы җөвхерден ёкарыдыр.

Süleýmanyň pähimleri 31:29

«Башарҗаңлык билен ишлейән зенан көпдүр, йөне сен оларың барындан ёкарысың».

Matta 28:18

Иса хем оларың янына гелип: «Гөкде ве ерде әхли ыгтыярлык Маңа берилди.

Rimliler 8:32

Худай хатда Өз Оглуны аяман, Оны бизиң гүнәлеримиз үчин өлүме табшыран болса, онда Онуң билен бирликде бейлеки затларың барыны хем эчилмезми нәме?!

Rimliler 9:24

Худайың шейле мерхемет эденлериниң ве чагыранларының арасында диңе яхудылар дәл, эйсем башга миллетлер хем бардыр. Хава, буларың арасында биз хем бардырыс.

1 Korintoslylar 1:9

Сизи Өз Оглы Иса Месих билен якын гатнашыкда болмага чагыран Худай ынамдардыр.

2 Korintoslylar 12:9

Эмма Реб шейле дийди: «Саңа берен мерхеметим бесдир, себәби Мениң гудратым эҗизликде кәмиллешйәндир». Шонуң үчин-де, Иса Месихиң гүйҗи менде месген тутсун дийип, өз эҗизликлерим барада хөвес билен магтанарын.

Efesliler 4:1

Реббиң угрунда туссаглыкда болан мен сизден Худайдан алан чагырылышыңыза мынасып яшамагыңызы хайыш эдйәрин.

Efesliler 4:4

Сиз бир Бедене, бир Руха шәрик болярсыңыз; Худай хеммәңизи бир умыда чагырандыр.

Filipililer 3:8

Хава, мен Реббим Иса Месихи танамагың аҗайып белентлигиниң хатырасына әхли зады бидерек сайярын. Мен Онуң хатырасына әхли затдан гечип, буларың барыны чөп-чөр сайярын. Мен Месихи газанасым ве Онуң билен мәкәм биригесим гелйәр. Мен Мукаддес Кануна даянян өз догрулыгыма дәл, эйсем Месихе болан имана даянян, иман аркалы Худайдан болан догрулыга эе боласым гелйәр.

Filipililer 4:8

Умуман, эй, доганлар, хакыкы, хормата мынасып, догры, пәк, якымлы, аҗайып нәме бар болса, шол барада ойланың. Хава, ягшы ве өвгә мынасып затлар барада ойланың.

Колосиялылар 1:16

Чүнки әхли затлар Ол аркалы ярадыландыр. Гөкдәки ве ердәки, гөрүнйән хем гөрүнмейән затлары: тагтлардыр хәкимиетлери, хөкүмдарлары ве эрк-ыгтыярлылары – барыны Ол яратды. Хемме зат Ол аркалы ве Онуң үчин ярадылды.

1 Salonikliler 4:7

Чүнки Худай бизи харамлыга дәл-де, халал яшамага чагырды.

2 Salonikliler 2:14

Ол Реббимиз Иса Месихиң шөхратына шәрик болуп билериңиз ялы, вагыз эдйән Хош Хабарымыз аркалы сизи булара чагырды.

1 Timoteos 4:8

Бедени түргенлешдирмегиң пейдалы тараплары бардыр. Йөне өзүңи Худайың ёлунда түргенлешдирмек хемметараплайын пейдалыдыр. Себәби мунда хәзирки ве гелҗекки яшайшың вадасы бардыр.

2 Timoteos 1:9

Худай бизи эден ишлеримизе гөрә дәл-де, Өз максадына ве мерхеметине гөрә халас эдип, Онуң мукаддес халкы болмага чагырды. Бу мерхемет дүнйә ярадылмаздан өң Иса Месих аркалы берлип,

Еврейлер 1:3

Огул Худайың шөхратының ялкымыдыр, Онуң барлыгының кешбидир. Ол бүтин әлем-җаханы гудратлы сөзи билен саклап, бизи гүнәлерден пәкләнден соң, гөкде бейик Худайың сагында отурды.

1 Petrus 1:15

Өзүңизи чагыран Худайың мукаддес болшы ялы, сиз хем әхли эдйән ишлериңизде мукаддес болуң.

1 Petrus 1:5

Сиз иманыңыз аркалы Худайың гудраты билен тә халас эдилйәнчәңиз горалянсыңыз. Бу гутулыш ахыркы гүнлерде аян болмага тайярдыр.

1 Petrus 2:21

Ине, сиз шунуң үчинем чагырылдыңыз, себәби Месих сизиң үчин эҗир чекди. Өз ызына эермегиңиз үчин, Ол сизе гөрелде болды.

1 Petrus 2:9

Эмма сиз бейле дәлсиңиз, чүнки сиз сайланып-сечилен халксыңыз. Сиз патышаның руханылары, мукаддес миллет, Худая дегишли халксыңыз. Худай сизи гараңкылыкдан Өзүниң аҗайып нуруна чагырды. Сиз Онуң шан-шөхратыны ыглан этмек үчин сайланып-сечиленсиңиз.

1 Petrus 3:9

Яманлыга яманлык, сөгүнҗе сөгүнч билен гайтаргы бермән, терсине, алкыш билен җогап бериң, себәби сиз шунуң ялы яшамага чагырылансыңыз.

1 Petrus 5:10

Бол мерхемет эчилйән Худай сизи Месих аркалы Өз эбеди шөхратына чагырды. Сиз дурмушда эҗир чекйән болсаңыз хем, Ол сизи дикелдер, беркидер, гүйчлендирер ве сарсмаз бина эдип гурар.

2 Petrus 1:10

Шонуң үчин хем, эй, доганлар, Худай тарапындан чагырыланларың ве сайлананларың арасындадыгыңызы субут этмәге ыхлас эдиң. Шейле этсеңиз, асла имандан дәнмерсиңиз.

2 Petrus 1:2

Худайы ве Реббимиз Исаны танамакда бол мерхемет хем парахатлык сизе яр болсун!

2 Petrus 1:5

Шоңа гөрә-де, иманыңызда хас хем беркемәге җан эдиң. Шейдип, иманыңызда ахлак пәклигини, ахлак пәклигинде билими, билимде өзерклилиги, өзерклиликде чыдамлылыгы, чыдамлылыкда худайхонлыгы, худайхонлыкда мәхрибанлыгы, мәхрибанлыкда Худайың сөйгүсини артдырмага дырҗашың.

2 Petrus 1:8

Шу говы хәсиетлер сизде бар болса ве көпелсе, онда сиз Реббимиз Иса Месихи танамакда бикәр хем хасылсыз галмарсыңыз.

2 Petrus 2:20

Адамлар Реббимиз хем Халасгәримиз Иса Месихи танамак аркалы дүнйәниң писликлеринден гачып гутулдылар. Эгер олар мундан соңам ене шунуң ялы ишлере баш гошуп, гүнәниң гулы болсалар, онда оларың соңкы ягдайы өңки ягдайындан-да бетер болар.

2 Petrus 3:18

Реббимиз ве Халасгәримиз Иса Месихиң мерхеметинде өсүң, Оны танамакда хас-да илерләң. Шиндиден эбедә ченли Оңа шан-шөхрат болсун! Омын.

Rut 3:11

Гызым, горкма; мен сениң соран затларыңы эдерин. Обамызың әхли адамлары сениң пәк аялдыгыңы билйәр.