2 Korintoslylar 6:16 - Мукаддес Китап

¹⁶ Худайың ыбадатханасы билен бутларың, хей-де, өзара ылалашыгы болармы? Чүнки биз дири Худайың ыбадатханасыдырыс. Худай: «Мен оларың арасында месген тутарын ве оларың арасында боларын. Мен оларың Худайы, олар хем Мениң халкым боларлар» дийипди ахырын.

Mukaddes Kitap

¹⁶ Hudaýyň ybadathanasy bilen butlaryň, heý-de, özara ylalaşygy bolarmy? Çünki biz diri Hudaýyň ybadathanasydyrys. Hudaý: «Men olaryň arasynda mesgen tutaryn we olaryň arasynda bolaryn. Men olaryň Hudaýy, olar hem Meniň halkym bolarlar» diýipdi ahyryn.

2 Korintoslylar 6:16 ပူးပေါင်းရင်းမြစ်များ

1 Patyşalar 18:21

Ыляс бүтин халка голай гелип, шейле дийди: «Сиз хачана ченли ики гөвүнли болуп, ыраң атып йөрҗексиңиз? Эгер Реб Худай болса, онда Онуң ызына эериң, эгер-де Багал худай болян болса, онда онуң ызына эериң». Халк оңа хич хили җогап гайтармады.

Zebur 90:1

Бейик Худайың пенасында яшаян ынсан Гудратыгүйчлиниң көлегесини месген эдинер.

Müsürden çykyş 20:3

Сениң Менден башга худайларың болмасын.

Müsürden çykyş 23:13

Мениң сизе айданларымың әхлисини ерине етириң. Башга худайлары чагырмаң, гой, оларың атлары-да агзалмасын».

Müsürden çykyş 25:8

Мен оларың арасында яшар ялы, Маңа мукаддес өй гурсунлар.

Müsürden çykyş 29:45

Мен ысрайылларың арасында яшарын ве оларың Худайы боларын.

Müsürden çykyş 34:14

Башга худая сежде этмәң, себәби Габанҗаң атлы Реб габанҗаң Худайдыр.

Ýermeýa 24:7

Оларың йүреклерине Мени танамак ислегини саларын, шонда олар Мениң Ребдигими билерлер. Олар Мениң халкым болар, Мен-де оларың Худайы боларын, чүнки олар тутуш калбы билен Маңа өврүлерлер“.

Ýermeýa 31:1

«Шол дөвүрде Мен әхли Ысрайыл тирелериниң Худайы боларын, олар-да Мениң халкым болар». Муны Реб айдяндыр.

Ýermeýa 31:33

Реб шуны айдяндыр: «Ине, ол гүнлерден соң, Мениң ысрайыл халкы билен баглашҗак әхтим шудур: Мен канунымы оларың аңына салып, йүреклерине язарын. Мен оларың Худайы боларын, олар-да Мениң халкым болар.

Ýermeýa 32:38

Олар Мениң халкым болар, Мен-де оларың Худайы боларын.

Эзекиел 11:20

Шонда олар парзларымы берҗай эдип, хөкүмлерими саклап, олары долы берҗай эдерлер. Шейле хем олар-а Мениң халкым, Менем оларың Худайы боларын.

Эзекиел 36:25

Онсоң үстүңизе тәмиз сувдан сеперин, сиз тәмиз боларсыңыз; сизи әхли харамлыгыңыздан, әхли бутларыңыздан тәмизләрин.

Эзекиел 36:28

Ата-бабаларыңыза берен юрдумда месген тутарсыңыз. Сиз Мениң халкым боларсыңыз, Мен-де сизиң Худайыңыз боларын.

Эзекиел 43:7

Ол маңа шейле дийди: «Эй, ынсан оглы! Мениң тагтымың ве аяк дабанымың ери, ысрайыл халкының арасында эбедилик отурҗак ерим бу ердир. Мундан бейләк ысрайыл халкы-да, оларың патышалары-да зына эдип, сеждегәхлеринде патышаларының хейкеллерини отуртмак билен Мениң мукаддес адымы харам этмезлер.

Эзекиел 43:9

Инди зыналарыны ве патышаларының хейкеллерини Менден узаклашдырсынлар, Мен хем эбедилик оларың арасында месген тутарын.

Hoşeýa 14:8

Олар доланып, Мениң саямда яшарлар. Бугдай кимин бол боларлар. Үзүм ялы гүлләрлер. Оларың ысы Ливан шерабы ялы болар.

Hoşeýa 2:23

Халкымы топракда Өзүм үчин экерин. „Рехим этмедиге“ рехим эдерин. „Халкым болмадыга“ сен Мениң халкым диерин. Ол болса „Сен мениң Худайымсың“ диер».

Lewiler 26:12

Мен сизиң араңызда болуп, сизиң Худайыңыз боларын, сизем Мениң халкым боларсыңыз.

Сепаня 1:5

Тамың үчегинде асман җисимлерине сежде эдйәнлери, Реббе сежде эдип, Ондан ант ичйәнлери, Молек бутундан ант ичйәнлери,

Закаря 13:9

Шол галан үчден бирини отдан гечирерин, олары күмүш кимин сапларын, алтының барланышы ялы сынарын. Олар Маңа дилег эдерлер, Мен олара җогап берерин, «Бу – Мениң халкым» диерин; Олар-да: «Реб – бизиң Худайымыз» диерлер.

Закаря 8:8

Мен олары ене Иерусалиме яшамага гетирерин. Олар Мениң халкым болар, Мен оларың вепалы хем адалатлы Худайы боларын» диййәр.

Matta 16:16

Симун Петрус: «Сен дири Худайың Оглы Месихсиң» дийип җогап берди.

Matta 6:24

Хич ким ики хоҗайына хызмат эдип билмез. Ол я бирини йигренип, бейлекисини сөер, я-да бирине вепалы болуп, бейлекисини әсгермезлик эдер. Сиз хем Худая, хем байлыга хызмат эдип билмерсиңиз.

Luka 5:36

Иса олара шу тымсалы айдып берди: «Хич ким тәзе эшикден йыртып, көне эшиге яма салмаз. Бейтсе, тәзе эшик хем йыртылар, тәзе эшикден алнан яма-да көне эшиге гелишмез.

Ёханна 14:23

Иса оңа шейле җогап берди: «Ким Мени сөййән болса, сөзүми берҗай эдер. Атам хем оны сөер. Мен Атам билен ол адамың янына барып, онуң билен яшарыс.

Ёханна 6:56

Мениң беденими ийип, ганымы ичйән Менде яшар, Мен хем онда.

Rimliler 8:11

Эгер Иса Месихи өлүмден Дирелдениң Рухы калбыңызда яшаян болса, онда Ол калбыңызда яшаян Өз Рухы аркалы Иса Месихи дирелдиши ялы, сизиң-де паны тениңизи өлүмден дирелдер.

Rimliler 8:9

Эгер Худайың Рухы догрудан-да калбыңызда месген тутан болса, сиз ынсан хөвеслериниң ыгтыярында дәлсиңиз, сиз Мукаддес Рухуң ыгтыярындасыңыз. Кимде Месихиң Рухы болмаса, ол Месихе дегишли дәлдир.

Rimliler 9:26

Олара: „Сиз Мениң халкым дәлсиңиз“ дийлен ерде, „Сиз дири Худайың огулларысыңыз“ дийлер».

1 Korintoslylar 10:21

Сиз хем Реббиң кәсесинден, хем-де җынларың кәсесинден ичип билмерсиңиз. Сиз хем Реббиң сачагына, хем-де арвах-җынларың сачагына шәрик болуп билмерсиңиз.

1 Korintoslylar 6:19

Эйсем сиз өз бедениңизиң Мукаддес Рухуң яшаян ыбадатханасыдыгыны билмейәрсиңизми? Сиз бу Рухы Худайдан алдыңыз. Сиз диңе өзүңизиңки дәлсиңиз.

Efesliler 2:20

Сиз берк бинядың үстүнде бина эдиленсиңиз. Бу бинят ресуллар ве пыгамберлердир. Онуң бурч дашы болса Иса Месихиң Өзүдир.

Efesliler 2:22

Сиз хем яхудылар ялы Худайың Мукаддес Рухуның месгени болмак үчин, хеммәңиз бирликде Месихде бина эдилйәрсиңиз.

Efesliler 3:17

Иса Месих иманыңыз аркалы йүреклериңизде яшасын. Шейле-де, мен сөйгиниң сизде көк уруп орнашмагыны, Месихиң сөйгүсиниң нәхили гиң, узын, белент ве чуңңурдыгына Худайың әхли халкы билен бирликде дүшүнмегиңизи Худайдан дилейәрин.

Kanun taglymaty 5:7

Сениң Менден башга худайларың болмасын.

1 Timoteos 3:15

Йөне барды-гелди эгленмели болайсам, сен Худайың машгаласының, ягны хакыкатың биняды ве диреги болан дири Худайың йыгнагындакы адамларың өзлерини нәхили алып бармалыдыгыны билмелисиң.

2 Timoteos 1:14

Өзүңе табшырылан оңат таглыматы бизде месген тутан Мукаддес Рух аркалы гора.

Еврейлер 3:6

Эмма Месих Худайың өйүне Огул хөкмүнде садыкдыр. Эгер гайратымызы ве магтанян умыдымызы сакламагы башарсак, биз Худайың өйүдирис.

Еврейлер 8:10

Ине, ол гүнлерден соң Мениң ысрайыл халкы билен баглашҗак әхтим шудур: Мен канунымы оларың аңына салып, йүреклерине язарын. Мен оларың Худайы боларын, олар-да Мениң халкым болар. Муны Реб айдяндыр.

Ýakup 4:5

Сиз Мукаддес Язгылардакы Худайың бизе берен ынсанлык рухы өрән габанҗаңдыр дийлен сөзлер бош ере айдыландыр өйдйәрсиңизми?

1 Petrus 2:5

Шонуң үчин сиз хем дири дашлар ялы рухы бина болуп гурлуң. Шонда Иса Месих аркалы Худайың халаян рухы гурбанлыкларыны хөдүрлейән мукаддес руханылар боларсыңыз.

1 Ёханна 4:12

Хич ким хич хачан Худайы гөрен дәлдир. Эмма биз бири-биримизи сөййән болсак, онда Худбьай бизиң билен яшаяндыр, Онуң сөйгүси калбымыза орнашандыр.

1 Ёханна 4:15

Исаның Худайың Оглудыгыны ыкрар эдйән хер бир адам Худай билен, Худай хем онуң билен яшаяндыр.

Аянлык 2:1

«Эфесдәки йыгнагың перишдесине шуны яз: Еди йылдызы саг элинде Саклаян, еди алтын чыраданың арасында Гезйән шейле диййәр:

Аянлык 21:3

Мен тагтдан батлы бир сесиң шейле диенини эшитдим: «Худайың месгени инди ынсанларың арасындадыр! Ол инди ынсанларың арасында месген тутар. Олар Онуң халкы боларлар, Ол хем олар билен болуп, оларың Худайы болар.

Аянлык 21:7

Еңен, ине, буларың барыны мирас алар. Мен онуң Худайы боларын, ол хем Мениң перзендим болар.