2 Korintoslylar 3:18 - Мукаддес Китап

¹⁸ Биз хем йүзүмизи басырман, Реббиң шөхратының ялкымыны гөрйәрис. Реббиң Рухы әхлимизи гитдигисайы нурландырып, бизи Өз кешбине өзгердйәр.

Mukaddes Kitap

¹⁸ Biz hem ýüzümizi basyrman, Rebbiň şöhratynyň ýalkymyny görýäris. Rebbiň Ruhy ählimizi gitdigisaýy nurlandyryp, bizi Öz keşbine özgerdýär.

2 Korintoslylar 3:18 ပူးပေါင်းရင်းမြစ်များ

Zebur 84:7

Халкыңың Сенде шатланып билери ялы, Сен бизи гайтадан дикелтҗек дәлми?

Ёханна 1:14

Сөз ынсан болуп, арамызда яшады. Ол мерхеметден ве хакыкатдан долуды. Биз Онуң шөхратыны, ягны Атадан гелен Еке-тәгиң шөхратыны гөрдүк.

Ёханна 12:41

Ишая Исаның шөхратыны гөрүп, бу сөзлери Ол хакда айдыпдыр.

Ёханна 17:22

Маңа берен шөхратыңы олара бердим. Бизиң бир болшумыз ялы, олар-да бир болсун.

Ёханна 17:24

Эй, Ата, Сениң Маңа берен ынсанларың-да Мениң билен бир ерде болмакларыны ислейәрин. Шейле хем, гой, олар Мениң шөхратымы ве Сениң Маңа берен шөхратыңы гөрсүнлер. Чүнки Сен Мени дүнйә ярадылмаздан өң сөййәрдиң.

Rimliler 12:2

Бу дүнйәниң йөрелгелерине уйгунлашҗак болмаң. Терсине, пикирлериңизи тәзеләп, өзгериң. Шейтсеңиз, Худайың ислегине дүшүнмеги, ягны Оны нәмәниң хошал эдйәндигини, нәмәниң оңат ве кәмилдигини билмеги башарарсыңыз.

Rimliler 13:14

Ынсан хөвеслериңизи нәдип канагатландыраркам дийип ойланмаң-да, гайтам, Реббимиз Иса Месихе беслениң.

Rimliler 8:29

Чүнки Худай олары эзелден сайлап-сечди ве Оглуна меңзетмеги овалдан карар этди. Ол муны Иса Месихиң көп санлы доганларының арасында новбахар болмагы үчин амал этди.

Rimliler 8:7

Ынсан хөвеслеринден дөрейән пикирлер Худая душмандыр. Себәби олар Худайың Канунына табын дәлдир, аслында табын болмагы башарян хем дәлдир.

1 Korintoslylar 13:12

Шинди әхли зады өчүгси айнадан гөрен ялы гөрйәрис. Эмма соңра әхли зады йүзбе-йүз гөрерис. Мен шинди бөлеклейин билйәрин, йөне шонда Худайың мени билши ялы долы билерин.

1 Korintoslylar 15:49

Биз топракдан ярадылан ынсана нәхили меңзән болсак, гөклерден Болана хем шейле меңзәрис.

2 Korintoslylar 3:17

Реб Рухдур. Реббиң Рухы ниреде болса, азатлык хем шол ердедир.

2 Korintoslylar 4:4

Бу дүнйәниң хөкүмдары шейтан иман этмедиклериң аңыны баглады. Шонуң үчин-де олар Худайың кешби болан Иса Месихиң шөхратының Хош Хабарының нуруны гөрүп билмейәрлер.

2 Korintoslylar 4:6

Чүнки «Түмлүкде нур парласын» диен Худай бизиң-де йүреклеримизи ягтыландырып, Иса Месихиң йүзүнде парлаян Өз шөхратыны бизе танатды.

2 Korintoslylar 5:17

Шоңа гөрә-де, ким Иса Месихе дегишли болса, ол тәзе ярадылышдыр. Көнеси гечип гитди, инди тәзеси гелди!

Галатялылар 6:15

Чүнки не сүннетлилигиң, не-де сүннетсизлигиң әхмиети бардыр. Диңе тәзе ярадылыш әхмиетлидир.

Колосиялылар 3:10

Инди Яраданың кешбине меңземекде ве Оны танамакда тәзе ярадылыша беслениң.

1 Timoteos 1:11

Хава, бейик ве шөхратлы Худайың маңа ынанан Хош Хабары хут шейле өвредйәндир.

Titus 3:5

биз догрулыга даянып эден ишлеримиз аркалы дәл-де, Онуң рехим-шепагаты аркалы халас эдилдик. Худай бизи Мукаддес Рух аркалы өзгердип, гайтадан доглуш аркалы тәмизледи.

Ýakup 1:23

Ким сөзи диңләп, оны берҗай этмейән болса, ол айнада йүзүни гөрйән адам ялыдыр.

1 Ёханна 3:2

Мәхрибанларым, биз инди Худайың перзентлеридирис. Бизиң нәхили өзгерҗекдигимиз энтек белли дәл, эмма Месихиң гелҗек пурсадында Оңа меңзеҗекдигимизи билйәрис, себәби Оны болшы ялы гөрерис.