2 Korintoslylar 13:4 - Мукаддес Китап

⁴ Иса Месих эҗизликде хача чүйленен болса-да, инди Худайың гудраты аркалы яшаяндыр. Биз хем Месихиң эҗизлигине шәрик болмак билен, сизиң угруңызда Худайың гудраты аркалы Месихиң яшайшына хем шәрикдирис.

Mukaddes Kitap

⁴ Isa Mesih ejizlikde haça çüýlenen bolsa-da, indi Hudaýyň gudraty arkaly ýaşaýandyr. Biz hem Mesihiň ejizligine şärik bolmak bilen, siziň ugruňyzda Hudaýyň gudraty arkaly Mesihiň ýaşaýşyna hem şärikdiris.

2 Korintoslylar 13:4 ပူးပေါင်းရင်းမြစ်များ

Ёханна 10:18

Җанымы Менден хич ким алмаяр, Өзүм пида эдйәрин. Мениң җанымы пида этмәге-де, оны гайтадан алмага-да ыгтыярым бар. Мен бу буйругы Атамдан алдым».

Resul 2:36

Шонуң үчин хем, эй, тутуш ысрайыл халкы, шуны анык билип гой: Худай сизиң хача чүйлән бу Исаңызы хем Реб, хем Месих эдип белледи».

Resul 3:16

Ине, сизиң гөрйән хем танаян бу адамыңыз Исаның адына болан иманы аркалы гөзүңизиң алнында бүтинлей сагалды. Сизиң хеммәңизиң гөршүңиз ялы, Иса болан бу иман оны сагалтды.

Rimliler 1:4

Худай Реббимиз Иса Месихи өлүмден дирелдип, Оны Мукаддес Рухдан долдурды. Шейдип, Онуң Худайың гудратлы Оглудыгы тассыкланды.

Rimliler 14:9

Себәби Иса Месих өлүлериң-де, дирилериң-де Ребби болмак үчин өлүп, дирелди.

Rimliler 6:4

Хава, биз сува чүмдүрилиш аркалы Месих билен өлүп, җайландык. Шоңа гөрә-де, Атаның шөхратлы гудраты аркалы Месихиң өлүмден дирелиши ялы, биз хем тәзе яшайша эе болуп билерис.

1 Korintoslylar 1:25

Чүнки Худайың «акмаклыгы» ынсан даналыгындан данадыр. Худайың «эҗизлиги» хем ынсан гүйҗүнден гүйчлүдир!

1 Korintoslylar 15:43

Абрайсызлыкда җайланып, шан-шөхратда дирелйәр. Эҗизликде җайланып, гүйч-кувватда дирелйәр.

1 Korintoslylar 2:3

Мен яныңыза баранымда эҗиздим, горкудан яңа галпылдаярдым.

1 Korintoslylar 6:14

Худай Өз гүйҗи аркалы Реб Исаны дирелтди. Ол бизи хем дирелдер.

2 Korintoslylar 10:10

Кәбир адамлар: «Павлусың хатлары ёвуз ве гүйчли болса-да, онуң өзи арамыза геленде эҗиз гөрүнйәр. Онуң гепи-де дерексиз!» дийип айдярлар.

2 Korintoslylar 12:10

Шу себәпден мен Месихиң хатырасына эҗизликлере, сөгүнчлере, мәтәчликлере, ызарланмалара, мушакгатлара разыдырын. Чүнки мен эҗизкәм гүйчлүдирин!

2 Korintoslylar 13:9

Биз өзүмиз эҗиз, сиз-де гүйчли боланыңызда шатланярыс. Шонуң үчин-де, сизиң кәмиллешмегиңиз үчин дога-дилег эдйәрис.

Filipililer 3:10

Мен Иса Месихиң Өзүни, Онуң дирелишиниң гүйҗүни билесим гелйәр. Иса Месихиң җебир-җепаларына шәрик болуп, Оңа Онуң өлүминде меңзәп, өлүмден дирелише етесим гелйәр.

Еврейлер 5:7

Месих бу дүнйәде яшан вагтында гөзяш дөкүп, Өзүни өлүмден халас этмеги башарян Худая дога-дилеглер хем ялбарышлар билен перят этди. Ол Худайдан хедер эдендиги үчин, Онуң хайышы хасыл болды.

1 Petrus 3:18

Иса Месих хем бизи Худая гетирмек үчин, бизиң гүнәлеримиз себәпли бир гезек өлди. Өзи догры болса-да, гүнәкәрлер үчин өлди. Ынсан ялы өлдүрилсе-де, Худайың Рухы аркалы Ол дирелдилди.

1 Petrus 3:22

Иса Месих гөге чыкып, Худайың сагында отурды, әхли перишделер, ыгтыярлылар ве гүйчлер Оңа табын болды.