2 Korintoslylar 11:3 - Мукаддес Китап

³ Йөне йыланың Хов энәни кеззаплык билен алдайшы ялы, сизиң-де алданмагыңыздан горкярын. Мен пикирлериңизиң булашдырылып, Месихе болан пәк садыклыгыңыздан айрылармыкаңыз дийип горкярын.

Mukaddes Kitap

³ Ýöne ýylanyň How enäni kezzaplyk bilen aldaýşy ýaly, siziň-de aldanmagyňyzdan gorkýaryn. Men pikirleriňiziň bulaşdyrylyp, Mesihe bolan päk sadyklygyňyzdan aýrylarmykaňyz diýip gorkýaryn.

2 Korintoslylar 11:3 ပူးပေါင်းရင်းမြစ်များ

Gelip çykyş 3:1

Худайымыз Реб тарапындан ярадылан хайванларының арасында иң мекири йыланды. Йылан аялдан: «Догруданам, Худай сизе багдакы агачларың хич биринден иймәң дийдими?» дийип сорады.

Gelip çykyş 3:13

Худайымыз Реб аялдан: «Бу нәме этдигиң болды?!» дийип сорады. Аял: «Йылан маңа алдап ийдирди» дийди.

Gelip çykyş 3:20

Адам аялына Хов дийип ат дакды, себәби Хов әхли яшаянларың энеси болды.

Gelip çykyş 3:4

Йылан аяла шейле дийди: «Ёк, ёк! Өлмерсиңиз.

Matta 24:24

Чүнки галп месихлер ве галп пыгамберлер дөрәп, сайлананлары-да мүмкин болдугыча аздырҗак болуп, бейик аламатлардыр мугҗызалар гөркезерлер.

Ёханна 8:44

Сизиң атаңыз иблисдир, сиз онуң ислегини берҗай этмек ислейәрсиңиз. Ол овалдан ганхорды, хич вагт хакыкатың тарапдары болманды, себәби онда хакыкат ёк. Ол ялан сөзләнде, өз-өзүнден сөзлейәр, чүнки ол яланчы, яланың атасыдыр.

Rimliler 12:8

Эгер несихатчы болса, несихат берсин; мәтәчлере хайыр-сахават эдиҗи болса, муны сахылык билен этсин. Эгер баштутанлык берлен болса, муны ыхлас билен ерине етирсин, рехим-шепагат этмеклик берлен болса, муны гөвүнҗеңлик билен этсин.

2 Korintoslylar 1:12

Ине, биз шуңа буйсанярыс: биз хер кес, ылайта-да сиз бабатда Худайың берен гөвначыклыгы ве пәк йүреклилиги билен херекет эдйәрис. Биз муны ынсан даналыгына дәл-де, Худайың мерхеметине даянып эдйәрис. Муңа бизиң ынсабымыз-да шаятдыр.

2 Korintoslylar 11:20

Хава, сиз гул эдилйәндигиңизе, хакыңызың ийилйәндигине, өзүңизе зулум эдилйәндигиңизе, текепбирлере, шапбатлара шейле чыдамлы ахырын!

2 Korintoslylar 11:29

Кимдир бири эҗизләнде, мен хем эҗизлемейәринми? Кимдир бири гүнә итеклененде, йүрек-багрым көймейәрми?

2 Korintoslylar 2:17

Биз гара небислерине чапян адамлар кимин Худайың Хош Хабарыны ёймаярыс. Терсине, Худай тарапындан иберилен ве Месихе хызмат эдйән кишилер ялы Худайың хузурында пәк йүрекден вагыз эдйәрис.

2 Korintoslylar 4:2

Биз айыплы боланы үчин гизлинликде эдилйән ишлери рет этдик. Кеззаплык этмейәрис, Худайың Хош Хабарыны ёймаярыс. Терсине, хакыкаты ач-ачан ыглан эдип, Худайың хузурында хеммелериң өңүнде җогап бермәге тайындырыс.

Галатялылар 1:6

Мен Иса Месихиң мерхемети билен сизи чагыран Худайдан бейле тиз дәнип, башга бир «хош хабары» кабул эдишиңизе өрән хайран галярын.

Галатялылар 2:4

Сүннетленме меселеси кәбир догансумаклар зерарлы йүзе чыкыпды. Олар бизи гул этмек үчин, арамыза огрынча сүмлүп, Иса Месих аркалы алан азатлыгымызы гизлинликде аңтадылар.

Галатялылар 3:1

Эй, акмак галатялылар! Сизиң гөзүңизи ким баглады? Мен сизе Хош Хабары вагыз эденимде, хача чүйленен Иса Месихи хут өз гөзүңиз билен гөрйән ялыдыңыз ахырын!

Галатялылар 4:11

Мен сиз бабатда улы алада галярын. Эйсем мениң зәхметим бидерек болаярмыка?

Efesliler 4:14

Шейдип, мундан бейләк ынсанларың яланчылыгының ве өкделик билен дүзйән хер хили таглыматының шемалына ковлуп, эйләк-бейләк итекленйән чагалар ялы болмарыс.

Efesliler 4:22

Өң өвредилиши ялы, өңки дурмушыңызы, яланчы хөвеслер билен ёлдан чыкаран көне ярадылышыңызы чыкарып ташлаң.

Efesliler 6:24

Реббимиз Иса Месихи өлмез-йитмез сөйги билен сөййәнлериң барына Худайың мерхемети яр болсун!

Колосиялылар 2:18

Яландан песпәлсирейән ве перишделере сежде эдйән адам сизи Худайың сылагындан махрум этмесин. Шейле адам гөрен гөрнүшлерине магтаняндыр, эмма бу бош ере паңкарян ынсан пикир йөретмесидир.

Колосиялылар 2:4

Муны хич ким сизи сүйҗи сөзлер билен алдамасын дийип айдярын.

Колосиялылар 2:8

Хүшгәр болуң! Хич ким сизи бош хем ялан пелсепелер билен есир эдәймесин, себәби бейле геплер Месихе дәл-де, ынсан дәп-дессурларына ве паны дүнйәниң йөрелгелерине эсасланяндыр.

1 Salonikliler 3:5

Шоңа гөрә-де, мундан артык чыдап билмән, иманыңыздан хабар алмак үчин, мен Тимотеосы яныңыза ибердим. Чүнки аздырыҗы шейтаның хайсыдыр бир ёл билен сизи аздырып, азабымызың бидерек боларындан горкдум.

1 Timoteos 1:3

Мен Македония угранымда, Эфес шәхеринде галмагыңы хайыш эдипдим. Сен ол ердәки адамларың кәбирине ялан таглыматлары яйратмазлыгы буюр.

1 Timoteos 2:14

Алдананам Адам ата дәлди. Аял алданып, гүнә газанды ве нәлетленип, догрум бургуларына сезевар эдилди. Эмма аял иман эдип, сөйги ве халаллык йөрелгелерине эерсе, бу нәлете гарамаздан халас эдилер.

2 Timoteos 3:13

Пислер ве кеззаплар болса алдап, алданып, өз писликлеринде барха илерләрлер.

Titus 1:10

Себәби питнечилер, яңралар ве кеззаплар дийсең көпдүр. Шейле адамлар, эсасан-да, халас болмак үчин сүннет эдилмелидигини үндейәнлериң арасында бардыр.

Еврейлер 13:9

Хер хили кесеки таглыматлара көңүл берип, ёлуңызы урдурмаң. Калбыңызың ийип-ичмек адатларындан дәл-де, Худайың мерхеметинден беркемеги оңатдыр. Себәби ийип-ичмек адатларына эерйәнлер мундан хич хили хайыр гөрен дәлдир.

2 Petrus 3:17

Шонуң үчин хем, эй, сөйгүли доганлар, бу затлары өңден билйәндигиңиз үчин, хүшгәр болуң! Имандан дәнмезиңиз ялы, азгын адамлар сизи ёлдан чыкармасын.

2 Petrus 3:3

Әхли затдан өңүрти шуны билиң: ахыркы гүнлерде өз бетнебислерине чапян бихая яңсылайҗылар пейда болар.

1 Ёханна 2:18

Эй, балалар, бу дүнйәниң ахыркы гүнлери етип гелендир. Сиз Месихиң душманының гелҗекдигини эшиденсиңиз. Хут шу вагт хем Месихе гаршы чыкянларың энчемеси пейда болды. Ине, бу вакалардан биз дүнйәниң ахыркы гүнлериниң етип гелендигини билйәрис.

1 Ёханна 4:1

Мәхрибанларым, өзүнде Худайың Рухуның бардыгыны айдян хер бир адама ынанып йөрмәң. Оларың Худайдандыгыны я-да дәлдигини билмек үчин сынагдан гечириң. Себәби дүнйәде энчеме галп пыгамберлер пейда болды.

Ýahuda 1:4

Себәби кәбир худайсызлар огрынча араңыза сүмлүп гирдилер. Олар Худайың аҗайып мерхемети бизе азгынлык этмәге ыгтыяр берйәр дийип өвредйәрлер ве еке-тәк Хоҗайынымыз ве Реббимиз Иса Месихи рет эдйәрлер. Шейле адамларың җезасы гадымдан бәри язылып гойландыр.

Аянлык 12:15

Йылан болса аялы силе гарк этмек үчин, агзыны ачып, онуң ызындан деря ялы сув акдырды.

Аянлык 12:9

Улы аждарха өз перишделери билен ере ташланды. Хава, бүтин дүнйәни аздырып, иблис я-да шейтан дийип атландырылян бу гадымы йылан ере ташланды.

Аянлык 20:2

Перишде аждарханы, ягны иблис я-да шейтан дийип атландырылян гадымы йыланы тутды-да, оны мүң йыл мөхлет билен зынҗырлады.