2 Korintoslylar 11:23 - Мукаддес Китап

²³ Месихиң хызматкәрлерими? Акмаклыга салып шуны диййәрин: мен олардан-да артыкдырын! Мен олардан көп зәхмет чекдим, зынданлара-да олардан көп дүшдүм. Енҗилмекде-де олардан көп урлуп-енҗилдим. Олара гараныңда аҗал билен хас көп гезек йүзбе-йүз болдум.

Mukaddes Kitap

²³ Mesihiň hyzmatkärlerimi? Akmaklyga salyp şuny diýýärin: men olardan-da artykdyryn! Men olardan köp zähmet çekdim, zyndanlara-da olardan köp düşdüm. Ýenjilmekde-de olardan köp urlup-ýenjildim. Olara garanyňda ajal bilen has köp gezek ýüzbe-ýüz boldum.

2 Korintoslylar 11:23 ပူးပေါင်းရင်းမြစ်များ

Ýermeýa 36:5

Ермея Баруга шейле буйрук берди: «Маңа Реббиң өйүне бармак гадаган.

Resul 14:19

Эмма Антиёхдан, Икониядан гелен яхудылар халкы өҗүкдирип, Павлусы дашладылар ве өлендир өйдүп, оны шәхерден сүйрәп чыкардылар.

Resul 20:23

Эмма Мукаддес Рух маңа хер шәхерде зынҗырлара ве мушакгатлара дучар болҗакдыгымы дуйдуряр.

Resul 21:11

Ол бизиң янымыза гелип, Павлусың гушагыны алды-да, өз эл-аягыны баглап: «Мукаддес Рух шейле диййәр: „Иерусалимдәки яхудылар шу гушагың эесини шейле баглап, кесеки миллетлериң элине берерлер“» дийди.

Resul 25:14

Олар көп вагт ол ерде галанларындан соң, Фестус Павлусың ишини патыша гүррүң берди: «Феликсиң туссаг эдип гоян бир адамы бар.

Resul 27:1

Бизи деңиз аркалы Италия ибермеги карар этдилер. Шонда Павлус билен ене-де бирнәче туссагы Империя гошунындакы Юлий диен йүзбаша табшырдылар.

Resul 28:16

Биз Риме геленимизден соң, Павлуса бир эсгериң гөзегчилиги астында өзбашдак яшамага ругсат берилди.

Resul 28:30

Павлус кирейине алан җайында тутуш ики йыл яшады ве янына геленлериң хеммесини кабул этди.

Resul 9:16

Мениң адым угрунда нәхили азап чекмелидигини Мен оңа гөркезерин» дийди.

Rimliler 8:36

«Биз хер гүн Сениң үчин өлдүрилйәрис, дамагы чалынҗак гоюн сайылярыс».

1 Korintoslylar 15:10

Эмма мен нәхили болсам-да, диңе Худайың мерхемети аркалы шейле болдум. Онуң маңа эден мерхемети пуҗа чыкмады: мен хеммелерден-де көп зәхмет чекдим. Аслында муны мен дәл-де, маңа яр болан Худайың мерхемети этди.

1 Korintoslylar 3:5

Аполло ким? Павлус ким? Булар сизиң Иса Месихе иман гетирмегиңизе ярдам берен хызматчылар ахырын. Реббиң беллейши ялы, бизиң херимиз өз ишимизи ерине етирдик.

1 Korintoslylar 4:1

Адамлар бизе, гой, Месихиң хызматчылары, Худайың сырларыны аян эдйән хызматчылар хөкмүнде гарасынлар.

1 Korintoslylar 4:11

Биз хениз хем ач-сувсуз, эшиклеримиз сал-салдыр. Биз енҗилйәрис, өйсүз-өвзарсыз сергездандырыс.

1 Korintoslylar 4:9

Худай бизи, ягны ресуллары, дабаралы йөришде иң соңкы хатарда гояйды өйдйән. Биз мәрекәниң гөз алнында өлдүрилҗеклер кимин болдук. Хава, биз тутуш әлем-җахана: перишделере-де, ынсанлара-да томаша болдук.

2 Korintoslylar 10:7

Месе-мәлим гөрнүп дурана середиң-ә! Эгер кимдир бириниң өзүниң Месихе дегишлидиги барада берк ынамы бар болса, гой, шуңа дүшүнсин: биз хем эдил шонуң ялы Месихе дегишлидирис.

2 Korintoslylar 11:5

Йөне мен сизиң шол «бейик ресулларыңыздан» асла кем дәлдирин!

2 Korintoslylar 3:6

Ол бизе тәзе әхтиң хызматчылары болмак укыбыны берди. Бу әхт язылан Канун аркалы дәл-де, Мукаддес Рух аркалы беркидилендир. Чүнки язылан Канун өлүме хөкүм эдйәр, Мукаддес Рух болса яшайыш берйәр.

2 Korintoslylar 4:11

Бизиң паны беденимизде Иса Месихиң яшайшы аян болсун дийип, бизи, ягны дирилери элмыдама Онуң хатырасына өлүме табшырярлар.

2 Korintoslylar 6:9

Биз таналсак-да, рет эдилйәрис; аҗал якамыздан тутса-да, диридирис; җезаландырылсак-да, өлдүрилен дәлдирис;

Галатялылар 6:17

Мундан бейләк хич ким маңа шу затлар бабатда азар бермесин! Себәби мениң беденимде Иса Месихе дегишлидигими гөркезйән яра ызлары бардыр.

Efesliler 3:1

Шу себәпли Иса Месихиң угрунда туссаглыкда отуран мен-Павлус сиз яхуды дәллер үчин Худая дилег эдйәрин.

Efesliler 4:1

Реббиң угрунда туссаглыкда болан мен сизден Худайдан алан чагырылышыңыза мынасып яшамагыңызы хайыш эдйәрин.

Efesliler 6:20

Себәби мен Хош Хабарың зынҗырлар билен багланан илчисидирин. Муны горкман, болмалысы ялы ыглан эдип билмегим үчин дилег эдиң.

Filipililer 1:13

Шунлукда, мениң Месих себәпли туссаг эдилендигим көшк горагчыларына ве бейлекилериң барына мәлим болды.

Filipililer 2:17

Сизиң Реббе эдйән иманыңыз ве хызматыңыз Оңа багыш эдилен гурбанлык киминдир. Эгер-де мениң шинди чекйән җебирлерим бу гурбанлыга гошулса, мен шатдырын. Мен хеммәңизиң шатлыгыңыза шәрикдирин.

Колосиялылар 1:24

Мен сизиң угруңызда гөрйән гөргүлериме бегенйәрин. Шейле-де мен Иса Месихиң Өз бедени, ягны иманлылар йыгнагының хатырасына чекен эҗирлериниң өз беденимде довам эдйәндигинден хошалдырын.

Колосиялылар 1:29

Шу максат билен җанымы аяман зәхмет чекйәрин, Месихиң өзүме тәсир эдйән гудратлы гүйҗүне даянярын.

1 Salonikliler 3:2

Сизиң яныңыза болса Месихиң Хош Хабарыны яйратмак үчин Худайың хызматында эгиндешимиз болан Тимотеос доганымызы ибердик. Биз муны сизи иманыңызда беркитмек, рухландырмак үчин,

1 Timoteos 4:6

Эй, оглум, сен булары доганлара өвретсең, өз эерен иманың барадакы хакыкат таглыматының сөзлери билен етишдирилерсиң. Шейдип, Иса Месихиң оңат хызматчысы боларсың.

2 Timoteos 1:16

Гой, Реббимиз Онисифорың өй-ичерсине рехимдарлык этсин. Себәби ол энчеме гезек маңа гөвүнлик берип, мениң туссаглыгымдан утанмады.

2 Timoteos 1:8

Шонуң үчин-де, Реббимиз барада шаятлык этмәге утанма. Онуң хатырасына туссаг эдиленлигимден-де утанма. Терсине, Худайың берйән гүйҗи билен Хош Хабарың угрунда гөрйән гөргүлериме шәрик бол.

2 Timoteos 2:9

Мен Хош Хабарың угрунда гөрги барыны гөрүп, җенаятчы кимин туссаг эдилдим. Эмма Худайың Хош Хабарыны туссаг эдип болян дәлдир!

2 Timoteos 3:11

Антиёх, Икония ве Листра шәхерлериндәки ызарланмалар зерарлы гөрен гөргүлерими, олара нәдереҗеде чыдандыгымы хем билйәнсиң. Реб мени бу гөргүлериң барындан халас этди.

Filimun 1:9

йөне сөйгиниң хатырасына саңа ялбарярын. Хава, Иса Месихиң угрунда туссаглыкда отуран мен гоҗа Павлус,

Еврейлер 10:34

Туссагдакыларың-да дертлерини дең чекишдиңиз, өзүңизде хас оңат хем бакы байлыгың бардыгыны билип, эмләгиңизиң алынмагыны шатлык билен кабул этдиңиз.