2 Korintoslylar 1:19 - Мукаддес Китап

¹⁹ Мен, Силван ве Тимотеос дагы араңызда Худайың Оглы Иса Месих барада вагыз этдик. Бизиң вагыз эден Иса Месихимиз хем «хава», хем «ёк» диен дәлдир. Худай Иса Месих аркалы «хава» диййәндир.

Mukaddes Kitap

¹⁹ Men, Silwan we Timoteos dagy araňyzda Hudaýyň Ogly Isa Mesih barada wagyz etdik. Biziň wagyz eden Isa Mesihimiz hem «hawa», hem «ýok» diýen däldir. Hudaý Isa Mesih arkaly «hawa» diýýändir.

2 Korintoslylar 1:19 ပူးပေါင်းရင်းမြစ်များ

Zebur 2:7

Патыша: «Мен Реббиң перманыны ыглан эдейин» диййәр. «Сен Мениң оглумсың, – дийди Ол маңа – бу гүн Атаң болдум Мен.

Müsürden çykyş 3:14

Худай Муса: «Мен Мендирин. Ысрайылларың янына барып: „Сизиң яныңыза ‘Мендирин’ иберди“ дийип айт» дийди.

Matta 17:5

Ол энтек гепләп дурка, парлак бир булут оларың үстүни өртди. Булутдан: «Бу Мениң сөвер Оглумдыр, Мен Ондан гаты разыдырын. Оңа гулак асың» диен бир оваз гелди.

Matta 24:35

Асман билен ер өтер, эмма Мениң сөзлерим асла өтмез.

Matta 27:40

Олар: «Ханы, Сен ыбадатхананы йыкып, үч гүнде салҗакдың-а. Эгер Худайың Оглы болсаң, хачдан ашак дүш-де, Өзүңи халас эт-дә!» диййәрдилер.

Matta 27:54

Иса гаравуллык эдип дуран йүзбашы билен янындакы эсгерлер ер титремәни, болан бейлеки затлары гөренлеринде, горка дүшүп: «Хакыкатдан-да, бу Худайың Оглы экен!» дийдилер.

Matta 3:17

Шол вагт гөкден: «Бу Мениң сөвер Оглумдыр, Мен Ондан көп разыдырын» диен оваз гелди.

Matta 4:3

Шол вагт Онуң янына аздырыҗы шейтан гелип: «Эгер Сен Худайың Оглы болсаң, онда шу дашларың чөреге өврүлмегини буюр» дийди.

Mark 1:1

Бу Худайың Оглы Иса Месих хакдакы Хош Хабарың башлангыҗыдыр.

Luka 1:35

Перишде оңа: «Мукаддес Рух сениң үстүңе инер, Бейик Худайың гудраты сениң үстүңе көлеге салар. Шонуң үчин хем догулҗак чага Мукаддес сайылар, Оңа Худайың Оглы дийлер.

Ёханна 1:34

Мен муны гөрдүм ве Онуң Худайың Оглудыгына шаятлык эдйәрин».

Ёханна 1:49

Натанаел Оңа: «Мугаллым, Сен Худайың Оглусың! Сен Ысрайылың Патышасысың!» дийди.

Ёханна 19:7

Яхудыларың баштутанлары: «Бизиң бир канунымыз бар, шол канун боюнча Ол өлмели, себәби Ол Өзүни Худайың Оглы дийип атландыряр» дийдилер.

Ёханна 20:28

Томас Оңа: «Сен мениң Реббимсиң! Мениң Худайымсың!» дийди.

Ёханна 20:31

Йөне булар сизиң Исаның Худайың Оглы Месихдигине иман этмегиңиз үчин ве иман эдип, Онуң ады билен яшайша говушмагыңыз үчин язылды.

Ёханна 3:16

Худай дүнйәни өрән сөендиги себәпли Өзүниң еке-тәк Оглуны берди. Ол муны Оглуна иман эденлериң хич бири хеләк болман, бакы яшайша говушмагы үчин этди.

Ёханна 6:69

Биз Сениң Худайың Мукаддесидигиңе ынанярыс ве муны анык билйәрис» дийип җогап берди.

Ёханна 8:58

Иса олара: «Сизе догрусыны айдярын, Ыбрайым догулмазындан өң „Мен бардырын“» дийди.

Resul 15:22

Соңра ресуллар ве йыгнагың ёлбашчылары тутуш иманлылар йыгнагы билен бирликде бирнәче адамы сайлап, олары Павлус хем-де Барнап билен Антиёха ибермек карарына гелдилер. Олар ики адамы: Барсаба лакамлы Юдасы ве Силасы сайладылар, оларың икиси-де доганларың арасында ёлбашчыдылар.

Resul 16:1

Павлус Дербе ве Листра шәхерлерине гелди. Листрада Тимотеос атлы Исаның бир шәгирди барды. Онуң эҗеси иманлы яхудыды, какасы болса грекди.

Resul 18:5

Силас билен Тимотеос Македониядан геленлеринден соң, Павлус тутуш вагтыны Иса хакдакы хабары вагыз этмәге багышлады. Ол яхудылара Исаның Месихдиги барада шаятлык этди.

Resul 8:36

Олар ёлда барярка, бир сувлы ериң үстүнден гелдилер. Агта: «Ине, бу ерде сув бар. Мениң чүмдүрилмегиме нәме пәсгел берйәр?» дийди.

Resul 9:20

Ол дессине синагогалара барып, Исаның Худайың Оглудыгы барада вагыз этмәге башлады.

2 Korintoslylar 1:1

Худайың ырадасы билен Иса Месихиң ресулы болан мен Павлусдан ве доганымыз Тимотеосдан Худайың Коринтосдакы йыгнагына, шейле-де тутуш Ахая велаятындакы Худайың халкының барына догайы салам!

1 Salonikliler 1:1

Атамыз Худайың ве Реббимиз Иса Месихиң Салоникидәки иманлылар йыгнагына Павлус, Силван ве Тимотеосдан догайы салам! Гой, мерхемет билен парахатлык сизе яр болсун!

2 Salonikliler 1:1

Атамыз Худайың ве Реббимиз Иса Месихиң Салоникидәки иманлылар йыгнагына Павлус, Силван ве Тимотеосдан догайы салам!

1 Timoteos 3:16

Иман сырының чуңдугына асла шүбхе ёкдур: Иса Месих ынсан беденинде аян болуп, Мукаддес Рух аркалы тассыкланылды. Перишделер Оны гөрдүлер, Ол миллетлер арасында вагыз эдилди. Оңа бу дүнйәде иман эдилди, Ол шан-шөхрат ичинде гөге алынды.

Еврейлер 1:11

Олар йитип гидер, Сен болса довам эдерсиң, олар көне эгинбаш кимин даргап гидерлер.

Еврейлер 13:8

Иса Месих дүйн хем, бу гүн хем, эбедилик Шолдур, Ол үйтгемейәндир.

1 Petrus 5:12

Бу гысга хатымы сизе садык доганым Силван аркалы яздым. Мунуң билен сизи рухландырып, Худайың хакыкы мерхеметине шаятлык этдим.

2 Petrus 1:17

Шан-шөхратлы Худайдан Оңа: «Бу Мениң сөвер Оглумдыр, Мен Ондан гаты разыдырын» диен сес геленде, Огул Атамыз Худайдан хормат ве шөхрат кабул этди.

1 Ёханна 1:3

Хава, сизиң-де бизиң билен якын гатнашыкда яшамагыңыз үчин, гөрүп-эшиденлеримизи сизе мәлим эдйәрис. Бизиң өзүмизиң хем Атамыз ве Онуң Оглы Иса Месих билен якын гатнашыгымыз бардыр.

1 Ёханна 5:20

Биз ене шуны билйәрис: хак Худайы танап билмегимиз үчин, Худайың Оглы гелип, бизе акыл-пайхас берди. Биз хак Худай ве Онуң Оглы Иса Месих билен яшаярыс. Иса Месих хак Худайдыр ве бакы яшайышдыр.

2 Ёханна 1:9

Ёлуны урдурып, Месих хакдакы таглыматдан дашлашан адамда Худай ёкдур. Эмма бу таглымат боюнча яшаян адамда Ата-да, Огул-да бардыр.

Аянлык 1:11

«Гөрйәнлериңи яз-да, оны еди йыгнага: Эфесе, Измире, Пергамона, Тиятира, Сардисе, Филаделфия ве Лаодикия ёлла» дийди.

Аянлык 1:17

Мен Оны гөрен бадыма өли кимин аякларына йыкылдым. Эмма Ол элини эгниме гоюп, шейле дийди: «Горкма! Илкинҗи ве Ахыркы Мендирин.

Аянлык 1:8

Хөкмүрован Реб шейле диййәр: «Алфа ве Омега Мендирин. Мен озал болан, хәзир бар, гелеҗекде хем болҗак Хөкмүрован Ребдирин».

Аянлык 2:18

«Тиятирадакы йыгнагың перишдесине шуны яз: Гөзлери алавлаян от ялы, аяклары мис ялы ялпылдаян Худайың Оглы шейле диййәр: