2 Korintoslylar 1:12 - Мукаддес Китап

¹² Ине, биз шуңа буйсанярыс: биз хер кес, ылайта-да сиз бабатда Худайың берен гөвначыклыгы ве пәк йүреклилиги билен херекет эдйәрис. Биз муны ынсан даналыгына дәл-де, Худайың мерхеметине даянып эдйәрис. Муңа бизиң ынсабымыз-да шаятдыр.

Mukaddes Kitap

¹² Ine, biz şuňa buýsanýarys: biz her kes, ylaýta-da siz babatda Hudaýyň beren göwnaçyklygy we päk ýürekliligi bilen hereket edýäris. Biz muny ynsan danalygyna däl-de, Hudaýyň merhemetine daýanyp edýäris. Muňa biziň ynsabymyz-da şaýatdyr.

2 Korintoslylar 1:12 ပူးပေါင်းရင်းမြစ်များ

2 Şamuwel 22:22

Чүнки мен Реббиң ёлларындан йөредим, Худайымдан айрылмак ялы эрбет иши этмедим.

Eýýup 13:15

Ол мени өлдүрер, менде умыт ёк. Ёлларымың догрудыгыны Оңа субут эдерин.

Işaýa 38:3

«Саңа ялбарярын, я Реб, мениң Саңа бүтин калбым билен вепалы боланымы хем-де Сениң назарыңда догры ишлери эденими ятла» дийди. Хизкия соҗап-соҗап аглады.

Resul 23:1

Павлус ёкары меҗлисе дыкгат билен середип: «Эй, доганлар! Мен шу гүне ченли Худайың өңүнде арасса выждан билен яшадым» дийди.

Resul 24:16

Шонуң үчин хем Худайың ве ынсанларың өңүнде выжданымы хемише пәк сакламага чалышярын.

Rimliler 9:1

Мениң улы гайгым, йүрегимде дынгысыз агырым бар. Мунуң хакыкатдыгына, ялан сөзлемейәндигиме Иса Месихиң адындан гүвә гечйәрин. Сөзлериме Мукаддес Рух аркалы ынсабым-да шаятдыр.

1 Korintoslylar 1:17

Месих мени сува чүмдүрмәге дәл-де, Хош Хабары вагыз этмәге иберди. Эмма Иса Месихиң хачдакы өлүми пуҗа чыкмаз ялы, мен бу хабары ынсан даналыгының сөзлери билен вагыз этмели дәл.

1 Korintoslylar 12:8

Мукаддес Рух кимдир бирине даналык билен, ене бирине билим билен өвретмек пешгешини берйәр.

1 Korintoslylar 15:10

Эмма мен нәхили болсам-да, диңе Худайың мерхемети аркалы шейле болдум. Онуң маңа эден мерхемети пуҗа чыкмады: мен хеммелерден-де көп зәхмет чекдим. Аслында муны мен дәл-де, маңа яр болан Худайың мерхемети этди.

1 Korintoslylar 2:13

Биз булары ынсан даналыгының өвреден сөзлери билен дәл-де, Мукаддес Рухуң өвреден сөзлери билен айдярыс. Биз рухы хакыкаты рухы сөзлер билен дүшүндирйәрис.

1 Korintoslylar 4:4

Ынсабым пәк болса болуберсин, йөне бу барыбир мени акламаяр. Маңа Реб казылык эдйәндир.

1 Korintoslylar 5:8

Шоңа гөрә, байрамы көне хамырмая: гахар-газап ве пислик билен беллемәлиң. Терсине, оны петир хамыры: пәк йүреклилик ве хакыкат билен белләлиң.

2 Korintoslylar 1:17

Эйсем мен өз ниетләнлеримде дурнуксызлык этдимми? Я-да булары ниетләнимде бу дүнйәниң адамлары ялы икигөвүнли болуп, илки «хава, хава», соңра-да «ёк, ёк» диййәринми?

2 Korintoslylar 11:3

Йөне йыланың Хов энәни кеззаплык билен алдайшы ялы, сизиң-де алданмагыңыздан горкярын. Мен пикирлериңизиң булашдырылып, Месихе болан пәк садыклыгыңыздан айрылармыкаңыз дийип горкярын.

2 Korintoslylar 2:17

Биз гара небислерине чапян адамлар кимин Худайың Хош Хабарыны ёймаярыс. Терсине, Худай тарапындан иберилен ве Месихе хызмат эдйән кишилер ялы Худайың хузурында пәк йүрекден вагыз эдйәрис.

2 Korintoslylar 4:2

Биз айыплы боланы үчин гизлинликде эдилйән ишлери рет этдик. Кеззаплык этмейәрис, Худайың Хош Хабарыны ёймаярыс. Терсине, хакыкаты ач-ачан ыглан эдип, Худайың хузурында хеммелериң өңүнде җогап бермәге тайындырыс.

2 Korintoslylar 8:8

Ёк, бу буйрук дәл. Бейлеки йыгнакларың ыхласы барада айтмак билен, сизиң сөйгиңизиң нәдереҗеде хакыкыдыгыны барласым гелйәр.

Галатялылар 6:4

Хер ким өз эдйән херекетлерини дерңесин. Хер кес өзүне дүшен йүки өзи гөтерсин. Шонда ол өзүни башгалар билен деңешдирмезден, өзүне гуванып билер.

Efesliler 6:14

Шейлеликде, хакыкаты билиңизе гушак эдип дакының, догрулыгы эгниңизе совут эдип гейиң.

Filipililer 1:10

Чүнки мен сизиң мөхүм затлары сайгарып, Иса Месихиң гелҗек гүнүнде пәк ве мүйнсүз болмагыңызы ислейәрин.

1 Salonikliler 2:10

Сиз иманлылар бабатда бизиң ахлак тайдан пәк, догручыл ве хич бир айыпсыз боландыгымыза өзүңиз шаятсыңыз. Муңа Худай-да шаятдыр.

1 Timoteos 1:5

Буйругымың эсасы максады иманлылара бири-бирини сап йүрекден, пәк выждандан, хакыкы имандан дөрейән сөйги билен сөймегине ярдам бермекдир.

Titus 2:7

Ягшы ишлериң билен олара әхли затда гөрелде бол. Таглыматы сап йүрекден аграслык билен өврет,

Еврейлер 13:18

Бизиң үчин Худая дилег эдиң. Биз выжданымызың арассадыгына ынанярыс ве хемме тарапдан хемише хормата мынасып болуп яшамак ислейәрис.

Ýakup 4:6

Эмма Худай бизе хас бейик мерхемет берйәр. Шоңа гөрә Мукаддес Язгылар шейле диййәр: «Худай текепбирлере гаршыдыр, эмма песпәл адамлара мерхемет эдйәндир».

Ýeşuwa 24:14

Шонуң үчин хем инди сиз Ребден горкуң, Оңа ак йүрекден ыхлас билен гуллук эдиң. Сиз ата-бабаларыңызың Евфрат дерясының аңырсында ве Мүсүрде сежде эден худайларыны ташлаң. Диңе Реббе гуллук эдиң.

1 Petrus 3:16

Муны мылайымлык ве эдеплилик билен берҗай эдиң. Выжданыңызы арасса саклаң, шонда сизиң Месихе дегишли догры яшайшыңыз барада гыбат эденлер сизи яманлап айдан геплеринден утанарлар.

1 Petrus 3:21

Ине, бу сув хәзирки сизи халас эдйән чүмдүрилишиң нышаныдыр. Сиз сува чүмдүрилениңизде бедениңизиң кири ювландыгы үчин дәл-де, Иса Месихиң дирелмеги аркалы пәк выждан билен Худая тарап өврүлендигиңиз үчин халас эдилдиңиз.