1 Timoteos 1:4 - Мукаддес Китап

⁴ Гой, олар гадымы роваятлара, түкениксиз несил шеҗерелерине йыкгын этмесинлер. Булар дава-җенҗеллериң дөремегине себәп болуп, Худайың табшырыгының иман аркалы амала ашырылмагына пәсгел берйәндир.

Mukaddes Kitap

⁴ Goý, olar gadymy rowaýatlara, tükeniksiz nesil şejerelerine ýykgyn etmesinler. Bular dawa-jenjelleriň döremegine sebäp bolup, Hudaýyň tabşyrygynyň iman arkaly amala aşyrylmagyna päsgel berýändir.

1 Timoteos 1:4 ပူးပေါင်းရင်းမြစ်များ

2 Korintoslylar 1:12

Ине, биз шуңа буйсанярыс: биз хер кес, ылайта-да сиз бабатда Худайың берен гөвначыклыгы ве пәк йүреклилиги билен херекет эдйәрис. Биз муны ынсан даналыгына дәл-де, Худайың мерхеметине даянып эдйәрис. Муңа бизиң ынсабымыз-да шаятдыр.

Efesliler 3:2

Өз мерхеметини сиз яхуды дәллере етирмек үчин, Худайың маңа айратын табшырык берендигини, элбетде, эшиденсиңиз.

1 Timoteos 3:16

Иман сырының чуңдугына асла шүбхе ёкдур: Иса Месих ынсан беденинде аян болуп, Мукаддес Рух аркалы тассыкланылды. Перишделер Оны гөрдүлер, Ол миллетлер арасында вагыз эдилди. Оңа бу дүнйәде иман эдилди, Ол шан-шөхрат ичинде гөге алынды.

1 Timoteos 4:7

Худайың халамаян геплерине ве кемпир эртекилерине улашма-да, говусы, Худайың ёлунда түргенлеш.

1 Timoteos 6:11

Эмма сен, эй, Худайың адамы, бу затлардан гач. Догрулык, таквалык, иман, сөйги, сабыр-такатлык ве юмшаклык йөрелгелерине эер.

1 Timoteos 6:20

Эй, Тимотеос, өзүңе ынанылып берлени гора. Бош гүррүңлерден ве «билим» сайылян гапма-гаршы пикирлерден йүз өвүр.

2 Timoteos 2:14

Бу затлары хеммелере ятладып дур. Сөзлериң манысы барада давалашмазлыгы олара Худайың хузурында берк табшыр. Себәби шейле давалар пейда гетирмән, диңлейәнлери хеләкчилиге учрадяндыр.

2 Timoteos 2:22

Яшлык хөвеслеринден гач. Пәк йүрекден Реббе ыбадат эдйәнлер билен бирликде догрулык, иман, сөйги ве парахатлык йөрелгелерине эер.

2 Timoteos 2:23

Бош ве самсык җеделлерден гача дур. Себәби даваларың шолардан дөрейәндигини өзүң билйәнсиң.

2 Timoteos 4:4

Олар хакыката гулак асман, тосламаларың ызында селпәрлер.

Titus 1:1

Худайың гулы ве Иса Месихиң ресулы мен Павлусдан догайы салам! Худай Өз сайлан адамларының иман гетирмеги ве Онуң йөрелгесине гөнүкдирйән хакыкаты билмеги үчин мени ресуллыга белледи.

Titus 1:14

Гой, олар яхуды роваятларына ве хакыкаты рет эдйәнлериң буйрукларына гулак габартмасынлар.

Titus 3:9

Бош чекелешиклерден, несил дарагтлары ве Мукаддес Канун хакдакы дава-җенҗеллерден гача дур. Себәби булар пейдасыз, бидерек затлардыр.

Еврейлер 13:9

Хер хили кесеки таглыматлара көңүл берип, ёлуңызы урдурмаң. Калбыңызың ийип-ичмек адатларындан дәл-де, Худайың мерхеметинден беркемеги оңатдыр. Себәби ийип-ичмек адатларына эерйәнлер мундан хич хили хайыр гөрен дәлдир.

2 Petrus 1:16

Сизе Реббимиз Иса Месихиң гудрат билен гелши хакда хабар беренимизде, биз тослама эртекилере эермедик. Биз Онуң шан-шөхратыны өз гөзүмиз билен гөрдүк.