1 Şamuwel 16:1 - Мукаддес Китап

¹ Реб Шамувеле шейле дийди: «Сен хачана ченли Шавулың дердини чекип йөрҗек? Мен онуң Ысрайылың үстүнден патышалык этмегини рет этдим! Ханы бол, күйзәңи ягдан долдур-да, ёла дүш. Мен сени бейтуллахамлы Йышайың янына иберҗек, чүнки Мен онуң огулларының арасындан бирини Өзүм үчин патыша сайладым».

Mukaddes Kitap

¹ Reb Şamuwele şeýle diýdi: «Sen haçana çenli Şawulyň derdini çekip ýörjek? Men onuň Ysraýylyň üstünden patyşalyk etmegini ret etdim! Hany bol, küýzäňi ýagdan doldur-da, ýola düş. Men seni beýtullahamly Ýyşaýyň ýanyna iberjek, çünki Men onuň ogullarynyň arasyndan birini Özüm üçin patyşa saýladym».

1 Şamuwel 16:1 ပူးပေါင်းရင်းမြစ်များ

2 Patyşalar 9:1

Эляша пыгамберлер топарындан бирини чагырып, шейле дийди: «Билиңи гушап, элиңе шу зейтун яглы голчаны алып, Рамотгилгада гит.

2 Patyşalar 9:3

Онсоң яглы голчаны ал-да, оны Ехувың депесинден гуюп, Реб шейле диййәр дий: „Мен сени Ысрайыла патыша эдип беллейәрин“. Онсоң сен ол ерде хич хили эгленме-де, тиз гач».

2 Patyşalar 9:6

Шейдип, Еху туруп, яш пыгамбер билен биле ичери гирди. Яш пыгамбер хем онуң депесинден яг гуюп, шейле дийди: «Ысрайыл Худайы Реб шейле диййәр: „Мен сени Өз халкым болан Ысрайыла патышалыга беллейәрин.

1 Йыл язгылары 11:3

Шейдип, Ысрайылың әхли яшулулары Хеброна Давудың янына гелдилер. Шол ерде Реббиң хузурында Давут олар билен әхт эдишди. Ысрайылың яшулулары Реббиң Шамувелиң үсти билен айдан сөзүне лайыклыкда, Давудың башына яг гуюп, оны Ысрайыла патыша белледилер.

1 Йыл язгылары 28:4

Йөне эбедилик патыша болмагым үчин, Ысрайыл Худайы Реб какамың машгаласының арасындан мени сайлады. Ол Яхуданы баштутан сайлады, Яхуданың неслинден какамың машгаласыны сайлады. Бүтин Ысрайыла патыша этмекде какамың огулларының арасындан мен Онуң гөвнүнден турдум.

Işaýa 11:1

Йышайың көтүгинден бир пудак чыкар, көкүнден гөгерен Шаха миве берер.

Işaýa 11:10

Шол гүн Йышайың көки халклара нышан болар; миллетлер Оңа йүз тутарлар, Онуң месгени шөхратлы болар.

Işaýa 55:4

Ине, Мен оны халклара шаят, баштутан хем баш серкерде этдим.

Ýermeýa 11:14

Эй, Ермея, сен-де бу халк үчин дилег этме, олар үчин дады-перят этме, ялбарма, чүнки бетбагтчылыга учрап, Мени чагыранларында, олары диңлемерин.

Ýermeýa 15:1

Соңра Реб маңа шейле дийди: «Хатда Муса билен Шамувел хузурымда дуруп ялбарсалар-да, йүрегим бу халка тарап өврүлмез. Халкымы хузурымдан ков, гой, гитсин!

Ýermeýa 6:30

Олара „ялан күмүш“ дийлер, чүнки Реб олары рет этди».

Ýermeýa 7:16

Эй, Ермея, сен бу халк үчин дилег этме, олар үчин перят этме, ялбарма, хузурымда олара төвеллачы болма, барыбир Мен сени диңлемерин.

Закаря 4:14

Ол: «Булар башына яг чалнып сайланып, бүтин ер йүзүниң Таңрысына гуллук эдйән ики кишидир» дийип җогап берди.

Rimliler 15:12

Ишая пыгамбериң китабында хем шейле язылгыдыр: «Йышайың Көки пейда болар, Ол халклара Хөкүмдар болар, миллетлер Оңа умыт баглар».

Еврейлер 11:32

Башга ене нәме айдайын? Гидегон, Барак, Шимшон, Ефтах хакда, Давут, Шамувел ве бейлеки пыгамберлер хакда гүррүң бермәге вагтым ёк.

1 Ёханна 5:16

Эгер бири доганының өлүме элтмейән гүнә эдйәнини гөрсе, гой, онуң үчин Худая ялбарсын. Худай оңа яшайыш берер. Муны өлүме элтмейән гүнә эдйәнлер хакда айдярын. Өлүме элтйән гүнә-де бардыр. Бейле гүнә эдйән адам үчин Худая ялбарың диймейәрин.

1 Şamuwel 10:1

Соңра Шамувел яглы күйзәни алып, ягы Шавулың келлесинден гуйды-да, оны огшап, шейле дийди: «Өз сайлан халкына хөкүмдар болмагың үчин, Реб сени белледи.

1 Şamuwel 15:23

Чүнки топалаң палчылыга барабар гүнәдир. Текепбирлик шере ве бутпаразчылыга барабардыр. Реббиң сөзүни рет эдендигиң үчин Реб хем сениң патыша болмаклыгыңы рет этди».

1 Şamuwel 15:26

Шамувел Шавула шейле дийди: «Сениң билен гитмерин, чүнки сен Реббиң сөзүни рет этдиң, Реб хем сениң Ысрайыла патыша болмаклыгыңы рет этди».

1 Şamuwel 15:35

Шондан соң Шамувел өмри өтйәнчә Шавулы гайдып еке гезек гөрмесе-де, онуң дердини чекип гезди. Реб Шавулы Ысрайыла патыша эдендигине өкүнди.

1 Şamuwel 16:15

Хызматкәрлери Шавула шейле дийдилер: «Гөрйәңизми, Реб тарапындан иберилен җын-арвах сизи горкузяр.

1 Şamuwel 16:23

Реб тарапындан иберилен җын-арвах Шавулың үстүне инен вагты, Давут лирасыны алып чаларды, шонда җын-арвах ондан эл чекерди ве Шавул гутулып ынҗаларды.

1 Şamuwel 17:12

Давут Яхуданың Бейтуллахам галасындан эфратлы Йышай диен адамың оглуды. Йышайың секиз оглы барды. Шавулың дөврүнде Йышай эййәм гаррап, яшы бирчене баран адамды.

1 Şamuwel 9:16

«Эртир шу вагтлар Мен сениң яныңа бенямин топрагындан бир адам иберерин. Сен онуң башына яг гуюп, оны Мениң халкым Ысрайыла хөкүмдар белләрсиң. Ол Мениң халкымы пилиштлилериң элинден халас эдер. Халкымың эҗир чекйәндигини Мен гөрдүм, чүнки оларың ахы-наласы Маңа етди».