1 Şamuwel 14:23 - Мукаддес Китап

²³ Шейдип, ол гүн Реб Ысрайыла еңиш гетирди. Сөвеш Бейтавене гечди ве Шавулың янындакы гошун хеммеси биле он мүң адама голайды. Сөвеш Эфрайым даглыгына яйрады.

Mukaddes Kitap

²³ Şeýdip, ol gün Reb Ysraýyla ýeňiş getirdi. Söweş Beýtawene geçdi we Şawulyň ýanyndaky goşun hemmesi bile on müň adama golaýdy. Söweş Efraýym daglygyna ýaýrady.

1 Şamuwel 14:23 ပူးပေါင်းရင်းမြစ်များ

2 Patyşalar 14:27

Йөне Реб Ысрайылың адыны гөклериң астындан өчүрҗек дийип айтманды. Реб ысрайыллары Еховашың оглы Яробгам аркалы халас этди.

1 Йыл язгылары 11:14

йөне Элгазар билен Давут мейданчаның ортарасында дуруп, шол ери горадылар ве пилиштлилери гырдылар. Реб олары улы еңиш билен халас этди.

2 Йыл язгылары 32:22

Шейдип, Реб Хизкияны хем Иерусалим илатыны Ашур патышасы Санхерибиң ве әхли душманларының элинден халас эдип, олары думлы-душдан горады.

Müsürden çykyş 14:30

Шейлеликде, Реб шол гүн ысрайыллары мүсүрлилериң элинден халас этди. Ысрайыллар деңзиң кенарында өлүп ятан мүсүрлилери гөрдүлер.

Hoşeýa 1:7

Яхуда өйүне велин рехим эдерин. Мен олары яй, гылыч, уруш, атлар я атлыларың үсти билен дәл-де, өзлериниң Худайы Реббиң гүйҗи билен халас эдерин».

Kanun taglymaty 20:4

Чүнки душманларыңызың гаршысына сөвешип, сизиң еңиш газанмагыңыз үчин, Худайыңыз Реб урша сизиң билен биле гидер“.

Ýeşuwa 7:2

Ешува Ериходан бирнәче адамы Ай галасына ичалылык этмек үчин иберди. Ай галасы Бейтелиң гүндогар тарапында, Бейтавениң янында ерлешйәрди. Иберилен адамлар Ай галасына гитдилер ве ол ерлери говы гөзден гечирдилер.

Ysraýyl serdarlary 2:18

Реб олар үчин ёлбашчы сердары чыкаранда, Реб сердар билен биле боларды, сердарың әхли яшан өмрүнде, Реб ысрайыллары душманларының элинден халас эдерди. Чүнки олар сүтемиң ве зулумың голы астында боланларында, Реб олара рехим эдерди.

1 Şamuwel 10:19

Эмма бу гүнки гүн өзүңизи зулумдан ве җебир-җепадан алып чыкан Худайыңызы сиз рет этдиңиз. Сиз: „Ёк, бизе патыша белле“ дийдиңиз. Инди тиреме-тире, уругма-уруг Реббиң хузурында хатара дүзүлиң».

1 Şamuwel 13:5

Үч мүң сөвеш арабалы, алты мүң сөвеш арабалы эсгерлери ве сансыз-саҗаксыз гошун болуп, Ысрайыл билен урушмак үчин, пилиштлилер башларыны җемледилер. Бейтавениң гүндогарындакы Микмаша барып, олар ол ерде өзлерине харбы дүшелге гурдулар.

1 Şamuwel 9:16

«Эртир шу вагтлар Мен сениң яныңа бенямин топрагындан бир адам иберерин. Сен онуң башына яг гуюп, оны Мениң халкым Ысрайыла хөкүмдар белләрсиң. Ол Мениң халкымы пилиштлилериң элинден халас эдер. Халкымың эҗир чекйәндигини Мен гөрдүм, чүнки оларың ахы-наласы Маңа етди».