1 Petrus 5:3 - Мукаддес Китап

³ Гол астыңыздакылара агалык этмезден, ягшы гөрелде гөркезиң.

Mukaddes Kitap

³ Gol astyňyzdakylara agalyk etmezden, ýagşy görelde görkeziň.

1 Petrus 5:3 ပူးပေါင်းရင်းမြစ်များ

Zebur 33:12

Гелиң, эй, огулларым, диңләң сиз мени, өвредейин сизе Ребден горкмагы.

Zebur 74:2

Эй, Худай, Саңа шүкүр эдйәрис, Сен Өз барлыгыңы аян эдйәң, шүкүр эдйәрис, Биз Сениң гудратларың хакда айдярыс.

Эзекиел 34:4

Сиз эҗизи кувватландырмадыңыз, сыркавы беҗермедиңиз, яралының ярасыны даңмадыңыз, азашаны ызына гетирмедиңиз ве йитиги идемедиңиз; гайтам, зорлук хем рехимсизлик билен оларың үстүнден агалык этдиңиз.

Mika 7:14

Я Реб, Өз мирасың болан бу сүрә, Өз халкыңа хасаң билен чопанчылык эт! Олар токайларда, гөк яйлаларда еке яшаярлар; гадымкылар дей Башанда, Гилгатда отлат олары.

Çölde 18:7

Эмма сен огулларың билен гурбанлык сыпасына, иң мукаддес отага дегишли ишлериң әхлисини ыхлас билен берҗай этмелисиң. Руханылыгы сизе Мен пешгеш бердим. Сизден башга оңа ким голайлашса, онуң җезасы өлүмдир».

Ёханна 13:15

Мениң сизе эденими, сиз хем бири-бириңизе эдерсиңиз дийип, Мен сизе гөрелде гөркездим.

Resul 20:28

Өзүңизе ве Мукаддес Рухуң сизиң гөзегчилигиңизе берен әхли сүрүсине гөз-гулак болуң. Худайың йыгнагына чопанчылык эдиң. Ол бу йыгнагы Өз Оглуның ганы билен сатын алды.

1 Korintoslylar 11:11

Йөне хер нәхили болса-да, Реббиң халкының арасында аял эркеге, эркек-де аяла гарашлыдыр.

1 Korintoslylar 3:5

Аполло ким? Павлус ким? Булар сизиң Иса Месихе иман гетирмегиңизе ярдам берен хызматчылар ахырын. Реббиң беллейши ялы, бизиң херимиз өз ишимизи ерине етирдик.

1 Korintoslylar 3:9

Чүнки биз Худайың ишдешидирис; сиз Худайың экини, Онуң ымаратысыңыз.

2 Korintoslylar 1:24

Биз сизиң иманыңызың үстүнден хөкүм сүрмекчи боламзок, терсине, шатлыгыңызың хатырасына сиз билен хызматдашлык эдйәрис. Чүнки сиз иманда берк дурсуңыз.

2 Korintoslylar 4:5

Биз өзүмиз барада дәл-де, Иса Месихиң Ребдиги барада вагыз эдйәрис. Өзүмизи болса Исаның хатырасына сизиң гулларыңыз дийип хасаплаярыс.

Kanun taglymaty 32:9

Өз халкыдыр Реббиң пайы, өз пайы үчин Якубы мирас алды Ол.

Filipililer 3:17

Эй, доганлар! Мениң гөрелдәме эерйәнлере гошулың. Бизиң гөрелдәмизе гөрә яшаянлара үнс берип, олардан өврениң.

Filipililer 4:9

Менден өвренен, кабул эден, эшиден ве гөрен затларыңызы амал эдиң. Шонда парахатлык берйән Худай сизиң билен болар.

1 Salonikliler 1:7

Шейдип, Македония билен Ахаядакы иманлыларың әхлисине гөрелде болдуңыз.

2 Salonikliler 3:9

Бизиң сизден ярдам алмага хакымыз болса-да, оны талап этмедик. Себәби гөрелдәмизе эерип билериңиз ялы, муны сизе нусга болмак үчин этдик.

1 Timoteos 4:12

Яшдыгың үчин саңа хич ким әсгермезлик этмесин. Сен хем сөзде, яшайышда, сөйгүде, иманда ве пәкликде иман гетиренлере гөрелде бол.

Titus 2:7

Ягшы ишлериң билен олара әхли затда гөрелде бол. Таглыматы сап йүрекден аграслык билен өврет,

1 Petrus 2:9

Эмма сиз бейле дәлсиңиз, чүнки сиз сайланып-сечилен халксыңыз. Сиз патышаның руханылары, мукаддес миллет, Худая дегишли халксыңыз. Худай сизи гараңкылыкдан Өзүниң аҗайып нуруна чагырды. Сиз Онуң шан-шөхратыны ыглан этмек үчин сайланып-сечиленсиңиз.