1 Petrus 5:12 - Мукаддес Китап

¹² Бу гысга хатымы сизе садык доганым Силван аркалы яздым. Мунуң билен сизи рухландырып, Худайың хакыкы мерхеметине шаятлык этдим.

Mukaddes Kitap

¹² Bu gysga hatymy size sadyk doganym Silwan arkaly ýazdym. Munuň bilen sizi ruhlandyryp, Hudaýyň hakyky merhemetine şaýatlyk etdim.

1 Petrus 5:12 ပူးပေါင်းရင်းမြစ်များ

Ёханна 21:21

Петрус оны гөрүп, Исадан: «Я Реб, онуң ыкбалы нәхили болар?» дийип сорады.

Resul 11:23

Барнап геленде, Худайың мерхеметиниң субутнамасыны гөрүп шат болды. Ол Реббе чын йүрекден садык болмагы хеммелере үндеди.

Resul 15:22

Соңра ресуллар ве йыгнагың ёлбашчылары тутуш иманлылар йыгнагы билен бирликде бирнәче адамы сайлап, олары Павлус хем-де Барнап билен Антиёха ибермек карарына гелдилер. Олар ики адамы: Барсаба лакамлы Юдасы ве Силасы сайладылар, оларың икиси-де доганларың арасында ёлбашчыдылар.

Resul 20:24

Муңа гарамаздан, җанымы өзүм үчин гымматлы хасапламаярын. Мен диңе пеллехана етмек ве Реббимиз Исаның табшыран ишини долы амала ашырмак ислейәрин. Бу иш Худайың мерхемети барадакы Хош Хабара шаятлык этмекдир.

Rimliler 5:2

Иса Месих бизе Худайың мерхеметиниң гапысыны ачып берди. Биз иман аркалы бу мерхемете улашып, берк дурус ве Худайың шөхратына шәрик болҗакдыгымыза умыт баглап бегенйәрис.

1 Korintoslylar 15:1

Инди болса, эй, доганлар, сизе вагыз эден Хош Хабарымы ятладып гечмекчи. Сиз оны кабул эдип, онда берк дурсуңыз.

2 Korintoslylar 1:19

Мен, Силван ве Тимотеос дагы араңызда Худайың Оглы Иса Месих барада вагыз этдик. Бизиң вагыз эден Иса Месихимиз хем «хава», хем «ёк» диен дәлдир. Худай Иса Месих аркалы «хава» диййәндир.

2 Korintoslylar 1:24

Биз сизиң иманыңызың үстүнден хөкүм сүрмекчи боламзок, терсине, шатлыгыңызың хатырасына сиз билен хызматдашлык эдйәрис. Чүнки сиз иманда берк дурсуңыз.

Efesliler 3:3

Сизе өң гысгача язышым ялы, Худай маңа Өз сырыны аян этди.

Efesliler 6:21

Мениң ягдайымы, нәме эдйәними сизиң-де билмегиңиз үчин, сөйгүли доганымыз, Реббиң садык хызматкәри Тихик сизе хемме зады гүррүң берер.

Колосиялылар 1:7

Сиз бу Хош Хабары сөйгүли ишдешимиз Эпафрадан өврендиңиз. Ол сизиң угруңызда Месихиң садык хызматкәридир.

Колосиялылар 4:7

Реббиң садык хызматкәри болан сөйгүли ишдешимиз хем доганымыз Тихик мен хакда сизе әхли зады хабар берер.

Колосиялылар 4:9

Онуң билен биле яныңыза өз шәхериңизден болан, садык ве сөйгүли доганымыз Онесим-де барар. Олар сизе бу ерде болуп гечйән әхли вакалары гүррүң берерлер.

1 Salonikliler 1:1

Атамыз Худайың ве Реббимиз Иса Месихиң Салоникидәки иманлылар йыгнагына Павлус, Силван ве Тимотеосдан догайы салам! Гой, мерхемет билен парахатлык сизе яр болсун!

2 Salonikliler 1:1

Атамыз Худайың ве Реббимиз Иса Месихиң Салоникидәки иманлылар йыгнагына Павлус, Силван ве Тимотеосдан догайы салам!

Еврейлер 13:22

Эй, доганлар, сизе язан бу гысга хатымдакы өвүт-үндевлерими чын йүрекден кабул этмегиңизи хайыш эдйәрин.

1 Petrus 1:13

Шонуң үчин хем әхли пикирлериңизи бир ере җемләп, хүшгәр болуң. Иса Месихиң гелмеги билен өзүңизе берилҗек мерхемете улы умыт баглаң.

1 Petrus 4:10

Худай сизиң хер бириңизе дүрли рухы пешгешлер берди. Олары бири-бириңизе хызмат этмек үчин уланың.

2 Petrus 1:12

Сиз бу затлары билсеңиз-де, өзүңиздәки хакыкатда берк дурсаңыз-да, мен булары сизе хемише ятладып дурарын.

2 Petrus 2:15

Олар Бегорың оглы Билгамың ызына эермек билен, догры ёлы терк эдип азашдылар. Билгам харам ёл билен пул газанмагы халады.

3 Ёханна 1:12

Деметрей болса хеммелер тарапындан сыланян адамдыр, хакыкатың өзи муңа шаятдыр. Биз хем ол хакда ягшы пикирдедирис, гепимизиң хакыкатдыгыны өзүң билйәнсиң.

Ýahuda 1:3

Эй, сөйгүли доганлар! Мен сизе Худайың мени ве сизи нәхили халас эдендиги барада язмагы җуда макул билйәрдим. Эмма муңа дерек Худайың Өз халкына бир гезекде мүдимилик табшыран иманы угрунда сизи гөрешмәге рухландырып язмагымың хас-да ваҗыпдыгына гөз етирдим.