1 Petrus 4:6 - Мукаддес Китап

⁶ Шонуң үчин хем Хош Хабар хатда өлүлере-де вагыз эдилди. Олар хем әхли ынсанлар ялы дурмушында эден ишлери үчин хөкүм эдилен болсалар-да, Худайың Рухы аркалы яшап билерлер.

Mukaddes Kitap

⁶ Şonuň üçin hem Hoş Habar hatda ölülere-de wagyz edildi. Olar hem ähli ynsanlar ýaly durmuşynda eden işleri üçin höküm edilen bolsalar-da, Hudaýyň Ruhy arkaly ýaşap bilerler.

1 Petrus 4:6 ပူးပေါင်းရင်းမြစ်များ

Matta 24:9

Соңра сизи ызарланмалара сезевар эдерлер, өлдүрерлер, Мен себәпли әхли миллетлер сизи йигренерлер.

Rimliler 8:2

Себәби яшайыш берйән Мукаддес Рух мени Иса Месих аркалы гүнәниң ве өлүмиң ыгтыярындан азат этди.

Галатялылар 2:19

Мукаддес Кануның өзи мени өлүме хөкүм этди. Шоңа гөрә-де, мен Мукаддес Канун үчин өли болуп, инди онуң гөзегчилигинде дәлдирин. Мен инди Худай үчин яшаяндырын. Мен Месих билен хача чүйлендим:

Галатялылар 5:25

Мукаддес Рух бизе тәзе яшайыш берйәр. Шоңа гөрә-де, гелиң Оңа эерелиң.

1 Petrus 1:12

Шонда бу хабарың пыгамберлер үчин дәл-де, сизиң үчиндиги аян болды. Хәзирки вагтда болса гөкден берлен Хош Хабар сизе Мукаддес Рухуң гудраты билен вагыз эдилйәр. Бу затлара хатда перишделер-де дүшүнмәге чалышдылар.

1 Petrus 3:18

Иса Месих хем бизи Худая гетирмек үчин, бизиң гүнәлеримиз себәпли бир гезек өлди. Өзи догры болса-да, гүнәкәрлер үчин өлди. Ынсан ялы өлдүрилсе-де, Худайың Рухы аркалы Ол дирелдилди.

1 Petrus 3:19

Ол туссагдакы рухлара барып, вагыз этди.

Аянлык 14:18

Соңра гурбанлык сыпасындакы ода гөзегчилик эдйән башга бир перишде сыпадан чыкып, өтгүр оракла батлы сес билен шейле дийди: «Сен-де өтгүр орагыңы ишлет. Ердәки үзүм агаҗындакы салкымлары йыг, чүнки үзүм бишипдир».