1 Petrus 2:4 - Мукаддес Китап

⁴ Сиз ынсанлар тарапындан рет эдилен, эмма Худайың назарында сайланан ве гымматлы сайылан дири Даша, ягны Иса Месихе якынлашярсыңыз.

Mukaddes Kitap

⁴ Siz ynsanlar tarapyndan ret edilen, emma Hudaýyň nazarynda saýlanan we gymmatly saýylan diri Daşa, ýagny Isa Mesihe ýakynlaşýarsyňyz.

1 Petrus 2:4 ပူးပေါင်းရင်းမြစ်များ

Işaýa 28:16

Шонуң үчин Хөкмүрован Реб шейле диййәр: «Ине, Мен Сионда бина дашыны, сыналан дашы, гымматбаха бурч дашыны, ынамдар бина гойярын; Оңа бил баглан ховсала дүшмез.

Işaýa 42:1

Ине, Мениң голдаян бендәм, гөвнүхош болуп сайланым; Рухумы оңа бердим, ол миллетлере адалат гетирер.

Işaýa 55:3

Гулак асың, Маңа гелиң, диңләң, яшарсыңыз, сиз билен бакы әхт эдишерин, Давуда вада берен садык сөйгими берерин.

Ýermeýa 3:22

«Доланың, эй, бивепа перзентлер, Мен бивепалыгыңыза шыпа берерин». Халк диер: «Ине, биз Сениң яныңа гелйәрис, чүнки Худайымыз Реб Сенсиң!»

Даныел 2:34

Сен середип дуркаң, ынсан эли дегмезден бир даш гопуп гачды, ол хейкелиң демирден ве тоюндан болан аякларына урулды-да, олары чым-пытрак этди.

Даныел 2:45

Сениң өзүңиң гөршүң ялы, адам эли дегмезден дагдан гопан даш демри, бүрүнҗи, тойны, күмши ве алтыны чым-пытрак этди. Бейик Худай мундан соң нәмелериң болҗагыны патыша аян этди. Бу дүйш догрудыр ве онуң ёргуды-да хакыкатдыр!»

Закаря 3:9

Ине, Ешуваның өңүнде гоян еди гөзли дашым. Мен онуң йүзүне оюп хат язҗак. Мен бир гүнүң ичинде шу юрдуң гүнәсини айрып ташларын. Муны Хөкмүрован Реб айдяндыр.

Закаря 4:7

Сен киммишиң, эй, бейик даг? Сен Зерубабылың өңүнде теп-текиз боларсың. Ол ыбадатхананың иң соңкы дашыны гойярка, халк „Не гөзел, не аҗап!“ дийип гыгырар».

Matta 11:28

Эй, аргынлар, агыр йүклүлер, Мениң яныма гелиң, Мен сизе дынчлык берейин.

Matta 12:18

«Ине, Мениң сайлан Бендәм, гөвнүхош болуп, Оны сөеним; Рухумы Онуң үстүне гоярын, Ол миллетлере адалаты ыглан эдер.

Matta 21:42

Иса олардан: «Сиз нәме Мукаддес Язгыларда: „Уссаларың рет эден дашы, бинаның бурч дашы болды. Муны Реб этди, бу назарымызда тәсин сайылды“ диен сөзлери окамадыңызмы?» дийип сорады.

Ёханна 14:19

Аз салымдан соң дүнйә Мени гөрмез, эмма сиз гөрерсиңиз. Мениң яшаяндыгым үчин, сиз-де яшарсыңыз.

Ёханна 14:6

Иса оңа: «Ёл, хакыкат ве яшайыш Мендирин, Менсиз хич ким Атаның янына барып билмез.

Ёханна 5:26

Чүнки Атаның яшайыш берип билши ялы, Ол Огла-да яшайыш бермек ыгтыярыны берди.

Ёханна 5:40

Эмма сиз яшайша эе болар ялы, Маңа гелмек ислемейәрсиңиз.

Ёханна 6:37

Атамың Маңа берен адамларының бары Маңа гелер, Мен яныма геленлери асла ковмарын.

Ёханна 6:57

Мени Дири Ата иберди ве Мен Ол аркалы яшаярын. Эдил шунуң ялы, Менден иймитленйән-де Мен аркалы яшар.

Rimliler 5:10

Чүнки душманкак Оглуның өлүми аркалы Худай билен ярашан болсак, онда Онуң өмри аркалы халас эдилҗегимиз хем гүррүңсиздир.

1 Korintoslylar 3:11

Хич ким эййәм тутулан бинятдан, ягны Иса Месихден башга бир биняды тутуп билмез.

Колосиялылар 3:4

Месих сизиң дурмушыңыздыр. Ол аян боланда, сиз хем Онуң билен биле шөхратда аян боларсыңыз.

1 Petrus 1:19

Терсине, Худайың шикессиз хем тегмилтсиз гурбанлык Гузусы болан Месихиң гымматлы ганы аркалы халас эдиленсиңиз.

1 Petrus 1:7

бу сынагларың сизиң иманыңызы беркидйәндигини билиң. Хатда паны алтын хем отда сапланып сыналяндыр. Шейлеликде, алтындан хас гымматлы болан иманыңыз сынагдан гечип, Иса Месих аян боланда, сизе өвги ве шан-шөхрат гетирер.

1 Petrus 2:7

Хава, иман эден сизиң үчин бу даш гымматлыдыр. Эмма иман этмедиклер үчин, «Уссаларың рет эден дашы, бинаның бурч дашы болды».

2 Petrus 1:1

Иса Месихиң гулы ве ресулы мен Симун Петрусдан Худайымыз хем Халасгәримиз Иса Месихиң догрулыгы аркалы бизиң иманымыз ялы гымматлы имана эе боланлара догайы салам!

2 Petrus 1:4

Худай бизе җуда гымматлы бейик вадалары берди. Ол бу вадалар аркалы сизиң бу дүнйәдәки эрбет хөвеслерден дөрейән азгынчылыкдан гача дуруп, Өзүниң тебигатына шәрик болмагыңызы ниет этди.