1 Petrus 1:12 - Мукаддес Китап

¹² Шонда бу хабарың пыгамберлер үчин дәл-де, сизиң үчиндиги аян болды. Хәзирки вагтда болса гөкден берлен Хош Хабар сизе Мукаддес Рухуң гудраты билен вагыз эдилйәр. Бу затлара хатда перишделер-де дүшүнмәге чалышдылар.

Mukaddes Kitap

¹² Şonda bu habaryň pygamberler üçin däl-de, siziň üçindigi aýan boldy. Häzirki wagtda bolsa gökden berlen Hoş Habar size Mukaddes Ruhuň gudraty bilen wagyz edilýär. Bu zatlara hatda perişdeler-de düşünmäge çalyşdylar.

1 Petrus 1:12 ပူးပေါင်းရင်းမြစ်များ

Müsürden çykyş 25:20

Керуплар ганатларыны гапагың депесинде яйып, онуң үстүне сая салып дурсун. Оларың йүзлери бири-бирине бакып, гөни гапага тарап середип дурсунлар.

Süleýmanyň pähimleri 1:23

Мениң кәйинҗиме үнс берсеңиз, рухумы үстүңизе дөкерин. Мен сөзүми сизе билдирерин.

Işaýa 32:15

Үстүмизе ёкардан Рух дөкүлйәнчә, чөл хасыллы мейдана өврүлйәнчә, мес топраклы ер токая дөнйәнчә шейле болар.

Işaýa 53:1

Бизиң хабарымыза ким ынанды? Реббиң гүйч-гудраты киме аян болды?

Даныел 10:1

Парс патышасы Курешиң патышалыгының үчүнҗи йылында Белтешасар, ягны Даныеле бир ылхам гелди. Бу ылхам хакыкатды ве бейик бир уршуң болҗакдыгы барадады. Ол бу гөрнүшден маны чыкарып, ылхама дүшүнди.

Даныел 12:13

Эмма сен өмрүңиң ахырына ченли өз ёлуң билен гидип, рахатлыкда гөзүңи юмарсың. Ахырзаман гүни тәзеден дирелип, сылаг-серпайыңы аларсың».

Даныел 12:9

Ол маңа шейле дийди: «Даныел, өз ёлуң билен гит. Бу сөзлер ахырзамана ченли гизлин сакланып мөхүрленер.

Даныел 2:19

Соңра бу сыр Даныеле гиҗеки гөрнүш аркалы аян болды. Даныел Гөгүң Худайына алкыш айтды.

Даныел 2:22

Чуң ве гизлин сырлары Ол ачяр, түмлүкде нәме боляныны Ол билйәр, Онуң Өзи нурда яшаяр.

Даныел 2:47

Патыша Даныеле: «Сен бу сыры ачып билдиң. Хакыкатдан-да, сениң Худайың худайларың Худайы, патышаларың Таңрысы ве сырлары аян эдйән Худайдыр» дийди.

Даныел 8:13

Онсоң мен бир перишдәниң гепләнини эшитдим. Башга бир перишде бу геплән перишдә шейле сораг берди: «Бу гөрнүшде гөрлен затлар хачана ченли довам эдеркә? Хачана ченли гүнделик якма гурбанлыгының ерини вейранчылык гетирйән гозгалаң тутҗакка ве мукаддес өй билен гошун аяк астына ташланып депеленҗеккә?»

Даныел 9:24

Җенаятчылыгы ёк эдип, гүнәлериң соңуна чыкмак үчин, этмишлерден сапланмак ве эбеди догручыллыгы беркарар этмек үчин, велилиги хем пыгамберлиги мөхүрлемек ве иң мукаддеси сечип-сайламак үчин сениң халкыңа ве мукаддес шәхериңе едийыллык етмиш мөхлет карар эдилди.

Ýowel 2:28

«Шондан соң Мен хер бир ынсан үстүне Өз Рухумы дөкерин. Пыгамберлик эдер огулдыр гызларыңыз, дүйшлер гөрер гаррыларыңыз, аянлык аларлар йигитлериңиз.

Amos 3:7

Хакыкатдан-да Хөкмүрован Реб сырыны гуллары пыгамберлере аян этмезден хич зат этмез.

Закаря 12:10

Мен Давудың неслиниң хем-де Иерусалимиң халкының үстүне мерхемет ве ялбарыш рухуны дөкерин. Олар өзлериниң дешим-дешим эденине, ягны Маңа середерлер, ялңыз оглы үчин яс тутян ялы яс тутарлар, новбахар оглы үчин ахы-нала чекйән ялы аҗы гөзяш дөкерлер.

Matta 11:25

Шол вагт Иса сөзүни довам эдип, шейле дийди: «Эй, Атам, ериң ве гөгүң Хөкүмдары! Бу затлары акылдарлардан, дүшүнҗелилерден яшырып, чагалара аян эдениң үчин Саңа шүкүр эдйәрин!

Matta 11:27

Атам әхли зады Маңа табшырды. Оглы Атадан башга хич ким танаян дәлдир. Атаны-да Огулдан ве Оглуң Оны аян этмек ислейән адамларындан башга хич ким танаян дәлдир.

Matta 16:17

Иса Оңа шейле дийди: «Эй, Юнусың оглы Симун, сен нәхили багтлы! Бу сыры саңа аян эден ынсан дәл-де, гөкдәки Атамдыр.

Mark 16:15

Иса шәгиртлерине шейле дийди: «Бүтин дүнйә айланың-да, Хош Хабары хемме адамлара вагыз эдиң.

Luka 15:10

Мен сизе шуны айдярын: тоба эден екеҗе гүнәли үчин, Худайың перишделериниң арасында эдил шунуң ялы улы шатлык болар».

Luka 2:26

Оңа Реббиң Месихини гөрмезден өң өлмеҗекдиги Мукаддес Рух тарапындан аян болупды.

Luka 9:6

Шейдип, олар ёла дүшдүлер, хер бир баран еринде Хош Хабары вагыз эдип, хассалары сагалдып, обама-оба айландылар.

Ёханна 15:26

Мениң сизе Атамдан иберҗек Хемаятчым, ягны Атамдан чыкан Хакыкат Рухы геленде, Мен хакда шаятлык эдер.

Resul 10:44

Петрус бу сөзлери хениз айдып дурка, оны диңлейәнлериң хеммесиниң үстүне Мукаддес Рух инди.

Resul 16:10

Павлус бу гөрнүши гөренсоң, Худай бизи олара Хош Хабары вагыз этмәге чагыряр диен нетиҗә гелип, биз дессине Македония тарап ёла дүшдүк.

Resul 2:33

Инди Иса бейгелдилди ве Ол Худайың сагында отыр. Ол вада эдилен Мукаддес Рухы Ата Худайдан кабул эдип, Оны бизиң үстүмизе ягдырды. Муны сизиң өзүңиз гөрүп ве эшидип дурсуңыз.

Resul 4:31

Дога-дилег эдип боланларындан соң, оларың үйшүп дуран ери сарсды. Хеммелер Мукаддес Рухдан долуп, батыргайлык билен Худайың Хош Хабарыны айтмага башладылар.

Resul 4:8

Шонда Петрус Мукаддес Рухдан долуп, олара шейле дийди: «Эй, халкың ёлбашчылары ве яшулулары!

Resul 8:25

Петрус билен Ёханна шаятлык эдип, Реббиң Хош Хабарыны вагыз этдилер. Соңра олар Самарияның көп обасында Хош Хабары ыглан эдип, Иерусалиме доланып гелдилер.

Rimliler 1:15

Шонуң үчин-де, сизе, Римдәкилере хем Хош Хабары вагыз этмеги күйсейәрин.

Rimliler 1:17

Хош Хабар Худайың адамлары аклаяндыгыны аян эдйәр. Ол иман эдйәнлери, хава, диңе иман эдйәнлери аклаяр. Чүнки Мукаддес Язгыларда: «Догручыл иман билен яшар» дийип язылгыдыр.

Rimliler 10:15

Эгер вагызчылар иберилмесе, нәдип вагыз эдилсин? Вагызчылар барада Мукаддес Язгыларда шейле язылгыдыр: «Хош Хабары ыглан эдйәниң гелши не гөзелдир!».

Rimliler 15:19

аламатлар, мугҗызалар ве Мукаддес Рухуң гүйҗи аркалы амал этди. Шейлеликде, мен Иерусалимден Иллирия велаятына ченли айланып, Иса Месих барадакы Хош Хабары долы яйратдым.

1 Korintoslylar 2:10

Бизе болса Худай бу даналыгы Өз Рухы аркалы аян этди. Чүнки Мукаддес Рух әхли зады, хатда Худайың чуң пикирлерине дүшүнйәндир.

2 Korintoslylar 1:22

мөхүрләп, буларың кепили хөкмүнде йүрегимизе Мукаддес Рухуны берди.

2 Korintoslylar 6:6

Биз муны пәклик, билим, тутанъерлилик, рехим-шепагат, Мукаддес Рухуң барлыгы, чын сөйги,

Галатялылар 1:12

Мен оны ынсандан кабул этмедим я-да өвренмедим. Маңа оны Иса Месихиң хут Өзи аян этди.

Efesliler 3:10

Өзүниң чуңңур бай акылдарлыгы иманлылар йыгнагы аркалы гөкдәки рухы хөкүмдарлара ве эрк-ыгтыярлылара билдирилсин дийип, Худай шейле этди.

1 Salonikliler 2:9

Эзиз доганларым! Бизиң чекен агыр зәхметимиз, гөрен гөргүлеримиз ядыңыздадыр. Хош Хабары сизе вагыз эден дөврүмизде хич киме аграм салмаҗак болуп, гиҗе-гүндиз ишледик.

1 Timoteos 3:16

Иман сырының чуңдугына асла шүбхе ёкдур: Иса Месих ынсан беденинде аян болуп, Мукаддес Рух аркалы тассыкланылды. Перишделер Оны гөрдүлер, Ол миллетлер арасында вагыз эдилди. Оңа бу дүнйәде иман эдилди, Ол шан-шөхрат ичинде гөге алынды.

Еврейлер 11:13

Бу адамларың хеммеси иң соңкы демине ченли Худая иман эдип яшадылар. Олар вада эдилен юрда говушмасалар-да, ол ери узакдан гөрүп шатландылар. Өзлериниң ер йүзүнде гелмишек хем ятдыкларыны боюн алдылар.

Еврейлер 2:4

Худайың Өзи хем аламатлар, мугҗызалар, хер дүрли гудратлар гөркезмек билен бу хабары тассыклады ве Өз ислегине гөрә Мукаддес Рухуң пешгешлерини пайлады.

Еврейлер 4:2

Эдил ысрайыл халкына вагыз эдилиши ялы, Хош Хабар бизе-де вагыз эдилди. Оларың эшиден хабарының олара хич бир пейдасы болмады, себәби олар муны иман билен кабул этмедилер.

1 Petrus 1:25

эмма Реббиң сөзи эбеди галар». Сизе вагыз эдилен хабар, ине, шудур.

1 Petrus 4:6

Шонуң үчин хем Хош Хабар хатда өлүлере-де вагыз эдилди. Олар хем әхли ынсанлар ялы дурмушында эден ишлери үчин хөкүм эдилен болсалар-да, Худайың Рухы аркалы яшап билерлер.

Аянлык 5:11

Онсоң мен тагтың, җанлы махлукларың хем-де яшулуларың төверегиндәки перишделери гөрдүм ве оларың сеслерини эшитдим. Олар санардан көпди, мүңлерче мүңди, он мүңлерче он мүңди.