1 Korintoslylar 7:34 - Мукаддес Китап

³⁴ Шейдип, онуң калбы икә бөлүнендир. Әрсиз аял я-да дурмуша чыкмадык гыз Реббиң ишлериниң аладасыны эдип, өзүни җан-тенден Реббе багыш эдендир. Эмма әрли аял өз әриниң гөвнүнден турҗак болуп, бу дүнйәниң ишлерини алада эдйәндир.

Mukaddes Kitap

³⁴ Şeýdip, onuň kalby ikä bölünendir. Ärsiz aýal ýa-da durmuşa çykmadyk gyz Rebbiň işleriniň aladasyny edip, özüni jan-tenden Rebbe bagyş edendir. Emma ärli aýal öz äriniň göwnünden turjak bolup, bu dünýäniň işlerini alada edýändir.

1 Korintoslylar 7:34 ပူးပေါင်းရင်းမြစ်များ

Ёханна 10:13

Ол адам гачып гидер, себәби ол хакына тутуландыр. Ол гоюнлар хакда хич хили алада этмез.

Rimliler 6:13

Беден агзаларыңызы яманлык гуралы хөкмүнде гүнәниң ыгтыярына табшырмаң. Терсине, өлүмден дирелен хөкмүнде өзүңизи Худая табшырың. Гой, бедениңизиң хер бир агзасы Худайың догрулык гуралы болсун.

1 Korintoslylar 6:20

Сиз баха, онда-да улы баха сатын алнансыңыз. Шоңа гөрә-де, өз бедениңиз билен Худайы шөхратландырың.

1 Korintoslylar 7:33

Эмма өйленен киши өз аялының гөвнүнден турҗак болуп, бу дүнйәниң ишлерини алада эдйәндир.

1 Korintoslylar 7:35

Мен булары сизи чәклендирмек үчин айтмаярын. Терсине, тутуш калбыңызы Реббе багыш эдип, догры яшарыңыз ялы, сизиң пейдаңыза айдярын.

2 Korintoslylar 11:28

Булардан башга-да, әхли йыгнаклар барадакы гайгы-аладалар гүнде үстүми басмарлаяр.

2 Korintoslylar 8:16

Худая мүң-де бир шүкүр! Ол Титусың-да йүрегине сизе болан ыхласы салды.

Filipililer 1:20

Чүнки мен асла утанҗа галмаҗакдыгыма, хемишеким ялы шинди хем мертлик билен херекет этҗекдигиме ынанярын. Мен яшасам-да, өлдүрилсем-де, мениң беденим аркалы Месих бейгелдилер.

1 Salonikliler 5:23

Гой, парахатлыгың гөзбашы болан Худай сизи хемметараплайын пәклесин. Реббимиз Иса Месих геленде рухуңыз, җаныңыз ве бедениңиз айыпсыз болсун.

1 Timoteos 3:5

Себәби өз өйүни доландырып билмейән адам, хей-де Худайың йыгнагының аладасыны эдип билерми?!

1 Timoteos 5:5

Ялңыз галан дул аял әхли умыдыны Худая баглаяндыр. Худайдан ярдам сорап, гиҗе-гүндиз дилег эдйәндир.

Titus 3:8

Бу сөзлериң бары хакыкатдыр. Худая иман эденлериң ягшылык этмекде илерлемеклери үчин, бу затлары ныгтамагыңы ислейәрин. Бу затлар ынсанлар үчин оңат ве пейдалыдыр.