1 Korintoslylar 4:15 - Мукаддес Китап

¹⁵ Месихиң ёлунда сизиң мүңлерче тербиечиңиз болса-да, аталарыңыз аздыр. Мен Хош Хабар аркалы сизиң Иса Месихдәки атаңыз болдум.

Mukaddes Kitap

¹⁵ Mesihiň ýolunda siziň müňlerçe terbiýeçiňiz bolsa-da, atalaryňyz azdyr. Men Hoş Habar arkaly siziň Isa Mesihdäki ataňyz boldum.

1 Korintoslylar 4:15 ပူးပေါင်းရင်းမြစ်များ

Çölde 11:12

Бу гиден халкы гарнымда гөтерип, мен догрупмыдым нәме? Сен маңа: „Олары сүйтден айрылмадык чаганы энекесиниң гөтериши дей, гуҗагыңда гөтер“ диер ялы, оларың ата-бабаларына ант ичип сөз берен юрдуңа ченли мениң гөтерип бармагымы ислейәрмиң?

Rimliler 15:20

Мениң гөвүн арзувым башга бириниң тутан бинядының үстүнде гурман, Месихиң ады хениз эшидилмедик ерлерде Хош Хабары вагыз этмекдир.

1 Korintoslylar 1:30

Чүнки сиз Иса Месих билен диңе Худай аркалы биригенсиңиз. Иса Месих бизиң үчин Худайың даналыгыдыр. Биз Ол аркалы акланып пәклендик. Иса Месих бизи Өзүне мукаддес халк эдинип, гүнәлеримизиң җезасындан гутарды.

1 Korintoslylar 15:1

Инди болса, эй, доганлар, сизе вагыз эден Хош Хабарымы ятладып гечмекчи. Сиз оны кабул эдип, онда берк дурсуңыз.

1 Korintoslylar 3:10

Мен Худайың өзүме берен мерхемети аркалы уссат бинагәр кимин ымаратың бинядыны тутдум. Башга бири болса бинаны гуряр. Йөне хер кес өз гуряны бабатда үнсли болмалыдыр.

1 Korintoslylar 3:6

Мен тохум экдим, Аполло суварды. Эмма өсдүрен Худайдыр.

1 Korintoslylar 3:8

Экйәниң-де, суваряның-да максады бирдир. Оларың херси өз чекен зәхметине гөрә сылагланар.

1 Korintoslylar 9:12

Эгер башгалар сизден мадды көмеги алмага хаклы болса, онда биз олардан-да көп хаклыдырыс! Йөне биз бу хакымыздан пейдаланмадык. Терсине, Месихиң Хош Хабарының яйрамагына пәсгел бермеҗек болуп, әхли зада чыдаярыс.

1 Korintoslylar 9:14

Реб Хош Хабары вагыз эдйәнлериң-де Хош Хабардан экленмегини буйрандыр.

1 Korintoslylar 9:16

Мен Хош Хабары вагыз эдйәним билен магтанмага хаклыдырын өйдемок: муны этмек борҗумдыр. Эгер мен Хош Хабары вагыз этмесем, вай, мениң халыма!

1 Korintoslylar 9:18

Онда сылагым нәмедир? Хош Хабары хич бир муздсуз вагыз эдип, онуң маңа берйән хак-хукугындан пейдаланмазлык мениң үчин сылагдыр.

1 Korintoslylar 9:23

Мен буларың барыны Хош Хабарың ак паталарына шәрик болуп билерим ялы, Хош Хабарың хатырасына эдйәрин.

2 Korintoslylar 4:5

Биз өзүмиз барада дәл-де, Иса Месихиң Ребдиги барада вагыз эдйәрис. Өзүмизи болса Исаның хатырасына сизиң гулларыңыз дийип хасаплаярыс.

Галатялылар 3:24

Шунлукда, биз иман аркалы акланып билер ялы, Мукаддес Канун Месих гелйәнчә, бизиң тербиечимиз болды.

Галатялылар 3:25

Биз инди Иса Месихе иман эдйәрис. Шонуң үчин-де, биз мундан бейләк Кануның гөзегчилигинде дәлдирис.

Галатялылар 4:19

Эй, эзиз балаларым! Сиз тә Иса Месихиң хәсиетлерине долы эе болянчаңыз, мен ене-де сизиң үчин догурма бургуларыны чекйән ялы болярын.

2 Timoteos 4:3

Чүнки адамларың сагдын таглыматы диңләси гелмеҗек заманасы гелер. Шонда олар өз хөвеслерине ярашыклы, гулакларына-да якымлы сөзлери айтҗак өвредиҗилери гөзләрлер.

Titus 1:4

Эй, Титус, иманымызың бир боландыгы үчин, мен сени хакыкы оглум сайярын. Гой, Атамыз Худайың ве Халасгәримиз Иса Месихиң мерхемети ве парахатлыгы саңа яр болсун!

Filimun 1:19

Мен, Павлус, муны өз элим билен язярын: мен Онесимиң бергисини берерин. Йөне сен хем халас болмагыңа мениң ярдам берендигими унутма!

Ýakup 1:18

Яраданларының арасында Онуң сайлан халкы болмагымыз үчин, Худай хакыкат сөзи аркалы бизе тәзе яшайыш бермеги карар этди.

1 Petrus 1:23

Сиз вагтлайын тохумдан дәл-де, эйсем, эбеди тохумдан, ягны Худайың дири хем бакы галян сөзи аркалы тәзеден догулдыңыз.