1 Korintoslylar 3:5 - Мукаддес Китап

⁵ Аполло ким? Павлус ким? Булар сизиң Иса Месихе иман гетирмегиңизе ярдам берен хызматчылар ахырын. Реббиң беллейши ялы, бизиң херимиз өз ишимизи ерине етирдик.

Mukaddes Kitap

⁵ Apollo kim? Pawlus kim? Bular siziň Isa Mesihe iman getirmegiňize ýardam beren hyzmatçylar ahyryn. Rebbiň belleýşi ýaly, biziň herimiz öz işimizi ýerine ýetirdik.

1 Korintoslylar 3:5 ပူးပေါင်းရင်းမြစ်များ

Matta 25:15

Бу адам оларың херсиниң башарныгына лайык: бирине – бәш, бейлекисине – ики, башга бирине бир чувал алтын-күмүш берип, ёла рована боляр.

Luka 1:2

Шол вакалары бизе илкибашдан гөзлери билен гөрен шаятлар ве Худайың Хош Хабарының хызматчылары етирди.

Ёханна 3:27

Яхя олара шейле җогап берди: «Гөкден берилмесе, ынсан хич зат эдип билмез.

Resul 18:24

Шол вагт Аполло атлы бир яхуды Эфесе гелди. Онуң аслы исгендериялыды. Гепе чепер Аполло Мукаддес Язгылары өрән говы билйәрди.

Resul 19:1

Аполло Коринтосдака, Павлус дүзлүклериң үсти билен Эфесе гелди. Бу ерде бирнәче иманлы доганлары тапды.

Rimliler 15:16

мени Иса Месихиң хызматкәри хөкмүнде башга миллетлериң арасына иберди. Мен олара Хош Хабары вагыз эдип, өз руханылык борҗумы берҗай эдйәрин. Шейдип, бу миллетлер Мукаддес Рух аркалы Худайың мукаддес халкы ве Онуң халаян садакасы болар.

1 Korintoslylar 12:28

Худай йыгнага илки билен ресуллары, соңра пыгамберлери, үчүнҗи эдип өвредиҗилери белледи. Соңра гудрат гөркезйәнлери ве шыпа берйәнлери, ярдам берйәнлери ве доландырянлары, соңра нәмәлим диллерде гүрлейәнлери белледи.

1 Korintoslylar 16:12

Инди болса доганымыз Аполло барада: мен оңа доганлар билен билеликде сизиң яныңыза гитмеги үчин көп ялбардым. Йөне онуң эдил шу пурсат гитмәге мейли ёк. Ол яныңыза аматлы вагт тапанда барар.

1 Korintoslylar 3:10

Мен Худайың өзүме берен мерхемети аркалы уссат бинагәр кимин ымаратың бинядыны тутдум. Башга бири болса бинаны гуряр. Йөне хер кес өз гуряны бабатда үнсли болмалыдыр.

1 Korintoslylar 3:22

Павлус-да, Аполло-да, Петрус-да, дүнйә-де, яшайыш-да, өлүм-де, шу вагт ве гелеҗек-де – хемме зат сизиңкидир.

1 Korintoslylar 3:7

Шунлукда, экен-де, суваран-да хичдир. Диңе өсдүрйән Худай әхмиетлидир.

1 Korintoslylar 9:17

Эгер мен муны өзүм сайлан болсадым, онда сылага тамакин болардым. Эмма муны маңа Худай буюрды.

2 Korintoslylar 11:23

Месихиң хызматкәрлерими? Акмаклыга салып шуны диййәрин: мен олардан-да артыкдырын! Мен олардан көп зәхмет чекдим, зынданлара-да олардан көп дүшдүм. Енҗилмекде-де олардан көп урлуп-енҗилдим. Олара гараныңда аҗал билен хас көп гезек йүзбе-йүз болдум.

2 Korintoslylar 3:3

Месихиң хаты сизсиңиз. Бу месе-мәлим зат. Бу хатымыз хызматымызың нетиҗесидир. Биз оны сыя билен дәл-де, дири Худайың Рухуның гүйҗи аркалы яздык. Ол ясы даш бөлеклерине дәл-де, ынсан йүрегине языландыр.

2 Korintoslylar 3:6

Ол бизе тәзе әхтиң хызматчылары болмак укыбыны берди. Бу әхт язылан Канун аркалы дәл-де, Мукаддес Рух аркалы беркидилендир. Чүнки язылан Канун өлүме хөкүм эдйәр, Мукаддес Рух болса яшайыш берйәр.

2 Korintoslylar 4:1

Худай мерхемет эдип, бизе бу хызматы ынанды. Шонуң үчин-де, рухдан дүшмейәрис.

2 Korintoslylar 4:5

Биз өзүмиз барада дәл-де, Иса Месихиң Ребдиги барада вагыз эдйәрис. Өзүмизи болса Исаның хатырасына сизиң гулларыңыз дийип хасаплаярыс.

2 Korintoslylar 4:7

Биз хазыналары өзүнде саклаян тоюн күйзелер киминдирис. Шонуң үчин-де, бу аҗайып гудратың бизден дәл-де, Худайдандыгы әшгәрдир.

2 Korintoslylar 5:18

Буларың бары Худайдандыр. Ол Иса Месих аркалы бизи Өзи билен ярашдырып, бизе ярашдырма хызматыны табшырды.

2 Korintoslylar 6:1

Биз Худайың ишдешлери хөкмүнде сизе ялбарярыс: Ондан алан мерхеметиңизи харламаң.

2 Korintoslylar 6:4

Терсине, әхли затда өзүмизи Худайың хакыкы хызматчылары хөкмүнде әшгәр эдйәрис. Биз мушакгатлара, мәтәчликлере, чыкгынсыз ягдайлара,

Efesliler 3:7

Мен Худайың бейик гудраты ве пешгеш берен мерхемети аркалы Хош Хабарың хызматчысы болдум.

Колосиялылар 1:23

Элбетде, сиз эшиден Хош Хабарыңызың берен умыдында сарсман, иманда көк уруп, берк дурмалысыңыз. Бу Хош Хабар ер йүзүндәки хер бир ынсана ыглан эдилди. Мен Павлус бу Хош Хабарың хызматчысы болдум.

Колосиялылар 1:25

Сизиң бәхбидиңиз үчин Худайың маңа берен табшырыгына гөрә, мен бу иманлылар йыгнагының хызматкәри болдум. Бу табшырык Худайың сөзүни, ягны гечен асырлардан ве несиллерден гизлин сакланан, эмма инди Онуң халкына аян эдилен сыры долы әшгәр этмекден ыбаратдыр.

1 Timoteos 1:12

Мен Реббимиз Иса Месихиң маңа гуҗур-гайрат берендиги үчин шүкүр эдйәрин. Ол мени садык сайып, Өзүне хызмат этмәге белледи.

1 Petrus 4:10

Худай сизиң хер бириңизе дүрли рухы пешгешлер берди. Олары бири-бириңизе хызмат этмек үчин уланың.