1 Korintoslylar 15:4 - Мукаддес Китап

⁴ Ол җайланып, Мукаддес Язгылара гөрә хем үчүленҗи гүн дийленде дирелди.

Mukaddes Kitap

⁴ Ol jaýlanyp, Mukaddes Ýazgylara görä hem üçülenji gün diýlende direldi.

1 Korintoslylar 15:4 ပူးပေါင်းရင်းမြစ်များ

Zebur 16:8

Гора мени гөзүң гөреҗи ялы; маңа хүҗүм эдйән эрбет адамдан, дашымы гуршаян ганым душмандан Өз ганатларыңың астында гизле Сен мени.

Zebur 2:7

Патыша: «Мен Реббиң перманыны ыглан эдейин» диййәр. «Сен Мениң оглумсың, – дийди Ол маңа – бу гүн Атаң болдум Мен.

Hoşeýa 6:2

Ики гүнден соңра бизи дирелдер, Хас такыгы – үчүнҗи гүни Ол бизи аяга галдырар. Онуң хузурында яшарыш.

Matta 12:40

Юнусың үч гиҗе-гүндиз балыгың гарнында галышы ялы, Ынсан Оглы-да үч гиҗе-гүндиз ериң багрында галар.

Matta 16:21

Шондан соң Иса шәгиртлерине Өзүниң Иерусалиме гитмелидиги, яшулуларың, ёлбашчы руханыларың, Төврат мугаллымларың элинден көп гөргүлер гөрмелидиги, өлдүрилмелидиги ве үчүленҗи гүн дирелмелидиги хакында дүшүндирмәге башлады.

Matta 20:19

Оны кемситсинлер, гамчыласынлар ве хача чүйлесинлер дийип, кесеки миллетлере табшырарлар, эмма Ол үчүленҗи гүн дирелер» дийди.

Mark 9:31

Ол шәгиртлерине: «Ынсан Оглы ынсанларың элине берлер, Оны өлдүрерлер, йөне өлдүренлеринден үч гүнден соң, Ол дирелер» дийди.

Luka 24:26

Месих бу гөргүлери гөрүп, Өз шөхратына гирмели дәлмиди?» дийди.

Luka 24:46

Иса олара: «Месих гөрги гөрер ве үчүленҗи гүн өлүмден дирелер дийип языландыр.

Luka 9:22

Онсоң Иса сөзүни довам эдип: «Ынсан Оглы көп гөрги гөрмели, яшулулар, ёлбашчы руханылар ве Төврат мугаллымлары тарапындан рет эдилмели, өлдүрилмели ве үчүленҗи гүн дирелмелидир» дийди.

Ёханна 19:38

Онсоң Исаның шәгирди болан, йөне яхудылардан горкуп, муны яшырып йөрен ариматиялы Юсуп Онуң җеседини хачдан дүшүрип алмага Пилатдан ругсат сорады. Пилат оңа ругсат берди. Ол барып, Исаның җеседини хачдан дүшүрип алды.

Resul 1:3

Иса эҗир чекип өленден соң, энчеме ынандырыҗы делиллер аркалы ресуллара дирелендигини аян этди. Ол кырк гүнүң довамында олара гөрнүп, Худайың Шалыгы барада гүррүң берди.

Resul 17:31

Чүнки Худай Өз беллән Ынсаны аркалы дүнйәни адалатлы хөкүм этҗек гүнүни белледи. Оны өлүмден дирелтмек билен Оны белләндигини әхли ынсанлара субут этди».

Rimliler 6:4

Хава, биз сува чүмдүрилиш аркалы Месих билен өлүп, җайландык. Шоңа гөрә-де, Атаның шөхратлы гудраты аркалы Месихиң өлүмден дирелиши ялы, биз хем тәзе яшайша эе болуп билерис.

Колосиялылар 2:12

Сиз чүмдүрилиш аркалы Месих билен биле җайландыңыз ве Оны өлүмден дирелден Худайың гудратына иман эдип, Месих билен бирликде дирелдиңиз.

Еврейлер 13:20

Ислегини амала ашырмагымыз үчин, гой, парахатлык берйән Худай бизи әхли герекли затлар билен үпҗүн этсин. Ол Реббимиз Исаны эбедилик әхт баглашян ганы аркалы өлүмден дирелтди ве Оны Өз халкының бейик Чопаны эдип белледи. Гой, Худай Өзүни хошнут эдйән ишлери этмегимиз үчин, Иса Месих аркалы бизи кәмиллешдирсин. Иса Месихе бакы шан-шөхрат болсун! Омын.

1 Petrus 1:11

Оларың калбындакы Месихиң Рухы Онуң чекмели эҗирлери ве эҗирлерден соңкы шан-шөхраты барада овалдан әшгәр этди. Олар буларың нәхили ве нәвагт болҗакдыгы барада Мукаддес Рухуң нәме гөркезйәндигини аңламага чалышдылар.