1 Korintoslylar 1:20 - Мукаддес Китап

²⁰ Ханы дана киши? Төврады өвредйән ханы? Бу дөврүң алымы ханы? Эйсем Худай дүнйә даналыгының акмаклыкдыгыны гөркезмедими?

Mukaddes Kitap

²⁰ Hany dana kişi? Töwrady öwredýän hany? Bu döwrüň alymy hany? Eýsem Hudaý dünýä danalygynyň akmaklykdygyny görkezmedimi?

1 Korintoslylar 1:20 ပူးပေါင်းရင်းမြစ်များ

2 Şamuwel 15:31

«Ахытопел Абшаломың янында – дилдүвшүге гатнашанларың арасында» дийип, Давуда хабар бердилер. Давут: «Я Реб, Ахытопелиң маслахатларыны пуҗа чыкармагыңы дилейәрин» дийди.

2 Şamuwel 16:23

Шол дөвүрде Ахытопелиң берйән маслахаты Худайдан соралан маслахат хасап эдилерди. Ахытопелиң әхли маслахаты Давут билен Абшаломың икиси үчинем шейледи.

2 Şamuwel 17:14

Абшалом билен әхли ысрайыллар: «Арк уругындан болан Хушайың маслахаты Ахытопелиң маслахатындан говы» дийдилер. Себәби Реб Абшаломы хеләкчилиге дучар этмек үчин, Ахытопелиң оңат маслахатыны пуҗа чыкармак карарына гелипди.

2 Şamuwel 17:23

Өз маслахатының ер тутмандыгыны гөрен Ахытопел эшегини гаңңалады-да, өз галасына, өйүне гитди. Барып, машгаласына весъет эденден соң болса өзүни асды. Оны какасының губры гойлан гүммезде җайладылар.

Eýýup 12:17

Ол хөкүмдарлары кемсидип, казылары акмаклара өвүрйәр.

Eýýup 12:20

Ынамлы маслахатчылары дымдырып, яшулулары акылындан махрум эдйәр.

Eýýup 12:24

Баштутанлары акылындан азашдырып, ёлсуз чөлде ыкдырян-да Олдур.

Işaýa 33:18

Пикириңде өңки ховплы гүнлер барада ойланарсың: «Салгыт топлан ниреде? Пач йыгнан ниреде? Диңлери санан ниреде?»

Işaýa 44:25

галп пыгамберлериң аламатларыны пуҗа чыкарян, палчылары акмак эдйән, акылдарлара зарба берип, билйәнлерини самсыклыга өвүрйән,

Işaýa 53:1

Бизиң хабарымыза ким ынанды? Реббиң гүйч-гудраты киме аян болды?

Ýermeýa 10:7

Сенден горкмаҗак бармы, эй, миллетлер Шасы?! Чүнки бу диңе Саңа ярашяндыр. Миллетлериң әхли акылдарларының, бар патышалыкларының арасында Сениң ялысы ёкдур.

Matta 13:22

Тикенлигиң арасына дүшен тохум болса сөзи эшидйәр, йөне дүнйәниң гайгылары, баямак хөвеси оны богяр ве сөз хасылсыз галяр.

Ёханна 12:31

Инди бу дүнйә хөкүм чыкарылмалы вагт гелди. Ине, бу дүнйәниң хөкүмдары шейтан ковлуп чыкарылар.

Resul 17:18

Бирнәче эпикур ве стоик таглыматчылар хем Павлус билен җеделлешдилер. Кәбири: «Бу яңра нәме дийҗек боляр?» дийсе, кәбири: «Ол кесеки худайлар барада вагыз эдйәр» диййәрди. Олар Павлус Исаның Хош Хабарыны ве дирелишини вагыз эдйәндиги үчин шейле диййәрдилер.

Rimliler 1:20

Худайың гөзе гөрүнмейән хәсиетлери: эбеди гудраты ве хак Худайдыгы дүнйә ярадылалы бәри Онуң ярадан затларындан месе-мәлим гөрүнйәндир. Шоңа гөрә-де, адамларың: «Худай хакда билмейәрис» диймәге хич тутарыгы ёкдур.

Rimliler 1:22

Олар өзлерини акыллы сайып, акмак болдулар,

1 Korintoslylar 1:19

Чүнки Мукаддес Язгыларда: «Мен даналары даналыкдан махрум эдерин, акыллылары акылдан айрарын» дийип язылгыдыр.

1 Korintoslylar 1:26

Эй, доганлар! Худай сизи чагырманка өзүңизиң ким боландыгыңызы яда салың. Араңызда ынсан нукдайназарындан дана, ыгтыярлы, асылзада сайылянларыңыз көп дәлди.

1 Korintoslylar 1:27

Эмма даналары утандырмак үчин, Худай бу дүнйәниң акмак сайянларыны сайлады. Гүйчлүлерини утандырмак үчин хем бу дүнйәниң эҗиз сайянларыны сайлады.

1 Korintoslylar 1:28

Худай дүнйәниң абрайлы сайянларыны хич этмек үчин, асылсызлары ве әсгерилмейәнлери, ягны хич сайылянлары сайлады.

1 Korintoslylar 11:32

Реб бизи тербиелемек үчин хөкүм эдйәндир. Ол муны бизиң дүнйә билен бирликде хөкүм эдилмезимиз үчин эдйәр.

1 Korintoslylar 2:6

Хава, биз даналыгы кәмиллериң арасында вагыз эдйәрис. Бизиң вагыз эдйән даналыгымыз бу эйямың я-да дүнйәдәки вагтлайын, соңы пуч болян ыгтыярлыларың даналыгы дәлдир.

1 Korintoslylar 2:8

Бу даналыга дүнйә ыгтыярлыларының хич бири дүшүнмеди. Чүнки дүшүнен болсадылар, шөхратлы Ребби хача чүйлемездилер.

1 Korintoslylar 3:18

Гой, хич ким өз-өзүни алдамасын. Эгер кимдир бири өзүни дүнйә өлчегине лайыклыкда дана сайян болса, гой, «акмак» болсун. Шонда ол догрудан-да дана болар.

1 Korintoslylar 3:19

Чүнки бу дүнйәниң даналыгы Худайың назарында акмаклыкдыр. Мукаддес Язгыларда: «Худай акыллысыраяны өз хилесинде тутяр» дийип язылгыдыр.

1 Korintoslylar 6:2

Сиз Худайың халкының бу дүнйә казылык этҗекдигини билмейәрсиңизми? Эгер сиз дүнйә казылык этҗек болсаңыз, хей-де овнук-ушак давалары чөзүп билмерсиңизми?

Ýakup 4:4

Эй, бивепалар, дүнйә билен достлук Худая душман боляндыгыны билмейәрсиңизми? Ким дүнйә билен достлашса, Худая душман боляндыр.