1 Korintoslylar 1:18 - Мукаддес Китап

¹⁸ Хеләкчилик ёлундан барян адамлар үчин хач барадакы хабар акмаклыкдыр. Эмма биз, ягны гутулыш ёлундан барянлар үчин бу хабар Худайың гудратыдыр.

Mukaddes Kitap

¹⁸ Heläkçilik ýolundan barýan adamlar üçin haç baradaky habar akmaklykdyr. Emma biz, ýagny gutulyş ýolundan barýanlar üçin bu habar Hudaýyň gudratydyr.

1 Korintoslylar 1:18 ပူးပေါင်းရင်းမြစ်များ

Resul 13:41

„Середиң, эй, масгаралайҗылар, хайрана галып, ёк болуң! Сизиң гүнлериңизде этҗек ишими эшидениңизде, гулагыңыза ынанмарсыңыз“».

Resul 17:18

Бирнәче эпикур ве стоик таглыматчылар хем Павлус билен җеделлешдилер. Кәбири: «Бу яңра нәме дийҗек боляр?» дийсе, кәбири: «Ол кесеки худайлар барада вагыз эдйәр» диййәрди. Олар Павлус Исаның Хош Хабарыны ве дирелишини вагыз эдйәндиги үчин шейле диййәрдилер.

Resul 17:32

Олар Павлусың өлүмден дирелиш барадакы вагзыны эшиденлеринде, кәбирлери оны масгара этди, кәбирлери болса: «Бу хакда сени ене диңләрис» дийдилер.

Resul 2:47

Худая алкыш окап, бүтин ил ичинде хорматланылярдылар. Худай хем халас боланларың саныны гүнсайын көпелдйәрди.

Rimliler 1:16

Мен бу Хош Хабары вагыз этмекден утанмаярын, себәби ол Худайың гүйҗүдир. Худай бу Хош Хабар аркалы хер бир иман эдени: илки билен яхудылары, соңра яхуды дәллери халас эдйәр.

1 Korintoslylar 1:21

Худай дүнйә өз акылына даянып, Оңа акыл етирип билмез диен карар гелди. Шоңа гөрә-де, акмак сайылян хабарымыз аркалы Худай иман эдйәнлери халас этмеги йүрегине дүвди.

1 Korintoslylar 15:2

Сизе вагыз эден Хош Хабарымы гайым тутсаңыз, ол аркалы халас боларсыңыз. Тутмасаңыз, бидерек ере иман этдигиңиз болар.

1 Korintoslylar 2:14

Мукаддес Руха эермейән ынсан Худайың Рухундан болан затлара дүшүнмейәр. Ол булары акмаклык сайяр. Чүнки Мукаддес Рухуң пикирлерине диңе Оңа эерйәнлер дүшүнйәндирлер.

1 Korintoslylar 2:2

Мен сизиң араңыздакам, Иса Месихден ве Онуң хача чүйленмегинден башга әхли зады унутмагы йүрегиме дүвүпдим.

1 Korintoslylar 3:19

Чүнки бу дүнйәниң даналыгы Худайың назарында акмаклыкдыр. Мукаддес Язгыларда: «Худай акыллысыраяны өз хилесинде тутяр» дийип язылгыдыр.

1 Korintoslylar 4:10

Биз Месихе болан иманымызың хатырасына акмакдырыс, сиз болса Месихиң саясында пайхаслысыңыз! Биз эҗиз, сиз болса гүйчлүсиңиз! Сиз ат-абрайлы, биз болса биабрайдырыс!

2 Korintoslylar 10:4

Бизиң сөвеш ярагларымыз ынсан яраглары дәл-де, Худайың гүйчли ярагларыдыр. Биз олар билен галалары йыкып, хер ялан пикири пуҗа чыкарярыс.

2 Korintoslylar 4:3

Эгер бизиң вагыз эдйән Хош Хабарымыз перделенен болса, ол хеләкчилик ёлундан барянлар үчин перделидир.

2 Salonikliler 2:10

Ол хер хили яманлыклар билен хеләкчилик ёлуна дүшенлери алдава салар. Чүнки олар хакыкаты сөймеги ве шол аркалы халас болмагы рет этдилер.

Еврейлер 12:2

Гелиң, гөзүмизи иманымызың гөзбашы ве кәмиллешдириҗиси Иса дикелиң. Ол гелҗекдәки шатлыга говушмак үчин, масгарачылыгы хич сайып, хачдакы өлүме дөз гелди ве Худайың тагтының сагында отурды.

Еврейлер 4:12

Худайың сөзи җанлы хем тәсирлидир, хер бир ики йүзли гылычдан кесгирдир. Ол җан билен рухы, богунлар билен йилиги икә бөлйәндир. Калбыңдакы әхли пикирлери ве ниетлери аян эдйәндир.