Marcos 7:6 - Cõãmacʉ̃ mecʉ̃ã wedesei

⁶ Jesús cʉ̃́ãrẽ yʉʉyigʉ: —Mʉ́ã basocá ĩñahẽrõpʉ ñañaré tiirá niiã. Teero tiirá, tiiditórepira niiã. Isaías mʉ́ã mecʉ̃tígã tiirére diamacʉ̃́rã jóasʉguerigʉ niiwĩ. Cʉ̃ʉ̃ jóariguere ãñurõ tʉoádacu mʉ́ã: Ãniã basocá ʉseromena dícʉ yʉʉre padeoóya. Cʉ̃́ã tʉgueñarepe noopʉ́ niirõ niicu.

Marcos 7:6 ပူးပေါင်းရင်းမြစ်များ

Juan 15:24

Cʉ̃́ã pʉtopʉre pee ĩñaña manirére tiiẽ́ñomiwʉ̃. Yʉʉ tiiẽ́ñohẽri siro niiãtã, wapa cʉoríbocua. Cʉ̃́ã yʉʉ tiiríguere ĩñawã. Teeré ĩñapacara, yʉʉre ĩñatutiwa. Teero biiri yʉʉ Pacʉcãrẽ ĩñatutiwa.

Juan 5:42

Yʉʉ mʉ́ãrẽ ĩñamasĩã. Mʉ́ã Cõãmacʉ̃rẽ maĩría.

Hechos 28:25

Cãmerĩ́ wedesetoa, sĩcãrĩbíro wãcũri, wáajõãwã. Cʉ̃́ã wáaadari sʉguerogã, Pablo jĩĩwĩ: —Profeta Isaías mʉ́ã ñecʉ̃sʉ̃mʉãrẽ jóariguere tʉoyá. Diamacʉ̃́ maquẽrẽ Espíritu Santo biiro cʉ̃ʉ̃rẽ jóari tiirígʉ niiwĩ:

2Timoteo 3:5

Jesuré padeorá tiiróbiro baupacára, Cõãmacʉ̃ cʉ̃ʉ̃ tutuaremena cʉ̃́ãrẽ wasorí boorícua. Cʉ̃́ãnomena bapacʉtiãmarijãña.

Tito 1:16

Cʉ̃́ã “Cõãmacʉ̃rẽ masĩã” jĩĩpacara, marĩ cʉ̃́ã tiirére ĩñarĩpereja, Cõãmacʉ̃rẽ masĩhẽrã tiiróbiro tiiíya. Cʉ̃́ã ñañanetõjõãrã, Cõãmacʉ̃ dutirére netõnʉcã́rã, ãñurére tiimasĩ́hẽrã niiĩya.