Apocalipsis 19:6 - Cõãmacʉ̃ mecʉ̃ã wedesei

⁶ Yʉʉ tʉowʉ́ sũcã. Paʉ wedesera tiiróbiro tʉowʉ́. Oco pairó õmasãnʉcõrõbiro bʉsʉwa. Bʉpo bayiró páaro tiiróbiro bʉsʉwa. Biiro jĩĩwã: Cõãmacʉ̃rẽ ʉsenire ticoa. Cõãmacʉ̃ marĩ Õpʉ̃ tutuanetõjõãgʉ̃ dutinʉcãĩ.

Apocalipsis 19:6 ပူးပေါင်းရင်းမြစ်များ

Mateo 6:13

Jĩĩcõãsãrenorẽ cãmotáya. Ʉ̃sãrẽ ñañarõ wáari jĩĩgʉ̃, netõnéña. Mʉʉ sĩcʉ̃rã dutirucugʉdacu. Tutuanetõjõãgʉ̃ niiã. Mʉʉ sĩcʉ̃rã ʉsenipeogʉno niirucujãña. Teerora niiãrõ.

Apocalipsis 1:15

Dʉpori asipóapĩrĩ sipioárebiro asiyáwʉ. Cʉ̃ʉ̃ wedesere oco pairó õmasãnʉcõrõbiro bʉsʉwʉ.

Apocalipsis 1:8

“Yʉʉrá niisʉguegʉ, niitugʉ niiã”, jĩĩwĩ Cõãmacʉ̃ marĩ Õpʉ̃ niipetire tutuare cʉogʉ́. Cʉ̃ʉ̃ atitóre niirucujãgʉ̃, too sʉgueropʉ niirigʉ, too síropʉ atigʉdʉ niiĩ.

Apocalipsis 12:10

Teero wáaari siro, ʉ̃mʉã́sepʉ wedeseri tʉowʉ́. Bayiró bʉsʉrómena jĩĩwĩ: —Marĩrẽ netõnére jeatoaa. Cõãmacʉ̃ tutuare, cʉ̃ʉ̃ marĩ Õpʉ̃ niiré jeatoaa. Cʉ̃ʉ̃ beserigʉ Cristo dutiadarocã jeatoaa. Marĩ menamacãrã Cõãmacʉ̃rẽ padeoráre wedesãrigʉ ʉ̃mʉã́sepʉ niimiãrigʉ cõãdioconoãwĩ. Cʉ̃ʉ̃ bʉ́recori, ñamirĩ́ ʉ̃sãyagʉ Cõãmacʉ̃ ĩñacoropʉ cʉ̃́ãrẽ wedesãrucuwi.

Apocalipsis 14:2

Ʉ̃mʉã́sepʉ bʉsʉri tʉowʉ́. Oco pairó õmasãnʉcõrõbiro, bʉpo bayiró páarobiro bʉsʉwʉ. Paʉ bʉ́apʉ̃tẽrã cʉ̃́ãyere bʉ́apʉ̃tẽrẽ tiiróbiro bʉsʉwʉ.

Apocalipsis 19:1

Too síro yʉʉ tʉowʉ́ sũcã. Paʉ ʉ̃mʉã́sepʉ niirã́ bayiró bʉsʉrómena wedeseri tʉowʉ́: Cõãmacʉ̃rẽ ʉsenire ticoa. Marĩyagʉ Cõãmacʉ̃ marĩrẽ netõnégʉ̃ niiĩ. Niipetirere dutimasĩgʉ̃, tutuanetõjõãgʉ̃ niiĩ.

Apocalipsis 19:4

Veinticuatro bʉtoá dutirá, bapari catirá Cõãmacʉ̃ tiipĩrõpʉ duigʉ́re padeorá, ñicãcoberimena jeacũmuwã. Biiro jĩĩwã: —Teerora wáaaro. Cõãmacʉ̃rẽ ʉsenire ticoa, jĩĩwã.

Apocalipsis 21:22

Tiimacãpʉre Cõãmacʉ̃wiire ĩñariwʉ. Cõãmacʉ̃ marĩ Õpʉ̃ tutuanetõjõãgʉ̃rã, Corderora Cõãmacʉ̃wii niijãrã tiiwá.

Apocalipsis 4:5

Tiipĩrõpʉre bʉpo wã́ãyore bauwʉ́. Bʉsʉré, bʉpo páare bʉsʉwitiwʉ. Tiipĩrõ díamacʉ̃ siete sĩãwócore tuturi jʉ̃ʉ̃nucũwʉ̃. Teetuturi Espíritu Santo siete tutuare cʉoré niiã.

Apocalipsis 6:1

Yʉʉ ĩñawʉ̃ sũcã. Cordero tiitũnu siete pirabiature cʉorítũnurẽ jõãnʉcã́wĩ. Niisʉguerore pãnecojãwĩ. Sĩcʉ̃ bapari catirá menamacʉ̃ wedeserere tʉowʉ́. Bʉpo páari bʉsʉré tiiróbiro wedesewi: —Atiya, jĩĩwĩ.

Apocalipsis 8:5

Tee tiiári siro, ángele sóepeoro maquẽ nitĩ asiyárere sitiaãñúre sóerigapʉ néesãdadowi. Tiigaré atibʉ́recopʉ déediocowi. Cʉ̃ʉ̃ déediocori, bʉpo páare, bʉsʉré, bʉpo wã́ãyore wáawʉ. Dita cãmeñawʉ̃.