Apocalipsis 18:8 - Cõãmacʉ̃ mecʉ̃ã wedesei

⁸ Teero jĩĩré wapa wãcũña manirṍ sicabʉrecora ate cʉ̃́ãrẽ ñañaré wáaadacu: Basocá diajõããdacua; ãpẽrã́ boorituaadacua; jʉabóare wáaadacu. Pecamemena sóecõãnoãdacu. Cõãmacʉ̃ marĩ Õpʉ̃ cʉ̃́ãrẽ diamacʉ̃́ wapa tiigʉ́dʉ tutuanetõjõãgʉ̃ niiĩ, jĩĩwĩ.

Apocalipsis 18:8 ပူးပေါင်းရင်းမြစ်များ

1 Corintios 10:22

Marĩ Õpʉ̃rẽ doeri tiidʉgáricu. Cʉ̃ʉ̃ marĩmena cúari, marĩ cʉ̃ʉ̃mena sĩcãrĩbíricu; tutuagʉ niiqui.

Apocalipsis 11:17

biiro jĩĩpeowa: —Cõãmacʉ̃ ʉ̃sã Õpʉ̃, mʉʉ tutuanetõjõãgʉ̃, niirucujãgʉ̃, too sʉgueropʉ niirigʉ niiã. Mʉʉ tutuanetõjõãremena dutinʉcãã. Teero tiirá, mʉʉrẽ ʉsenire ticoa.

Apocalipsis 17:16

Pʉamóquẽñerã õpãrã́ mʉʉ ĩñaãrira quiogʉ́ petimena ñañagṍrẽ ĩñatutiadacua. Cooyere ẽmapetijã, sutimanígõ pʉtʉári tiiádacua. Cooya õpʉ̃ʉ̃rẽ yaaadacua; cõãrĩrẽ́ sóecõãjããdacua.

Apocalipsis 17:18

Numiṍ mʉʉ ĩñaãrigo “tiimacã ʉpʉtí niirí macã” jĩĩdʉgaro tiia. Tiimacã õpʉ̃ atibʉ́reco macãrã õpãrãrẽ́ dutigʉ́ niigʉ̃daqui, jĩĩwĩ.

Apocalipsis 18:17

Wãcũña manirṍ ate wapapacáre ditipetijõãã, jĩĩãdacua. Niipetira doorépawʉ waatúra, teepawʉmena wáanetõrã, teepawʉpʉ paderá, niipetira día pairímaapʉ wáarepawʉre paderá yoaropʉ pʉtʉápasajeaadacua.

Apocalipsis 18:19

Bayiró bóaneõre ẽñorã́, cʉ̃́ãye dupupápʉ ditare maapéoadacua. Uti, bayiró bʉsʉrómena jĩĩãdacua: —Ade, ade, ʉpʉtí niimiri macã ñañanetõjõãrõ wáajãã. Tiimacã maquẽ niyerumena niipetira día pairímaapʉ wáarepawʉ cʉorá ãñurõ wapatámiãwãrã. Wãcũña manirṍ tiimacã ditijõãã, jĩĩãdacua.

Apocalipsis 19:3

Jĩĩnemowã sũcã: —Cõãmacʉ̃rẽ ʉsenire ticoa. Tiimacã õme buserucujããdacu, jĩĩwã.