Apocalipsis 16:19 - Cõãmacʉ̃ mecʉ̃ã wedesei

¹⁹ Ʉpʉtí niirí macã itiáropʉ yetinʉcãjõãwʉ̃. Niipetire macãrĩ jṍẽdiwawʉ. Cõãmacʉ̃ ʉpʉtí niirí macã Babilonia macãrãrẽ acabóriwi, “cʉ̃́ãrẽ wapa tiigʉ́da” jĩĩrigʉ niijĩgʉ̃. Cʉ̃́ãmena bayiró cúarigʉ niijĩgʉ̃, bóaneõrõ manirṍ cʉ̃́ãrẽ wapa tiiwí.

Apocalipsis 16:19 ပူးပေါင်းရင်းမြစ်များ

Apocalipsis 11:8

Cʉ̃́ãye õpʉ̃ʉ̃rĩniãrẽ macãcapʉ basocá wáanetõrõpʉ cõãnoãdacu. Tiimacã cʉ̃́ã Õpʉ̃rẽ curusapʉ sĩãrí macã niiã. Tiimacã “Sodoma, Egipto tiiróbiro niiã” jĩĩĩya.

Apocalipsis 17:1

Sĩcʉ̃ siete ángelea siete bapari cʉoríra menamacʉ̃ ati, yʉʉre jĩĩwĩ: —Jãmʉ, díamaarĩ sotoa duigó ʉ̃mʉã́mena ñeeape wapatágore Cõãmacʉ̃ wapa tiiádare maquẽrẽ ẽñomá.

Apocalipsis 17:18

Numiṍ mʉʉ ĩñaãrigo “tiimacã ʉpʉtí niirí macã” jĩĩdʉgaro tiia. Tiimacã õpʉ̃ atibʉ́reco macãrã õpãrãrẽ́ dutigʉ́ niigʉ̃daqui, jĩĩwĩ.

Apocalipsis 17:5

Cooya diapóapʉre wãme jóatunoriro niiwʉ̃: “Yʉʉ Babilonia Ʉpʉtí Niirí Macã niiã; Numiã́ Ʉ̃mʉã́rẽ Ñeeape Wapatára Paco niiã; Ãpẽrãména Ñañarõ Ñeeapera Paco niiã”, jĩĩ jóatunoriro niiwʉ̃. Teewãme “biiro jĩĩdʉgaro tiia” jĩĩmasĩña maniwʉ̃́.

Apocalipsis 18:10

“Marĩcãrẽ ñañarõ tiirí” jĩĩrã, yoaropʉ ĩñaconucũãdacua. Biiro jĩĩãdacua: —Ade, ade, Babilonia ʉpʉtí niimiri macã, “petirícu” jĩĩmiwʉ̃. Wãcũña manirṍ cʉ̃́ã ñañaré tiiré wapa wapa tiiré jeatoaa, jĩĩãdacua.

Apocalipsis 18:2

Bayiró bʉsʉrómena wedesewi: —Babilonia ʉpʉtí niimiri macã petijṍãã. Petijṍãã. Wãtĩã, minipõná booribasoca niirṍ posajõãã. Niipetira wʉʉrá ʉ̃niré yaará niirí macã posajõãã; basocá cʉ̃́ã doorácã niiĩya.

Apocalipsis 18:21

Sĩcʉ̃ ángele tutuagʉ ʉ̃tãquicare néemʉõcowi. Oteréperi yaaréperi wãñiãríquica tiiróbiro bauwʉ́. Tiiquire día pairímaapʉ déecõãñogʉ̃, biiro jĩĩwĩ: —Atiquiré déecõãñorõ tiiróbiro Babilonia ʉpʉtí niimiri macã petijṍããdacu. Ĩñanemoricu sáa.

Apocalipsis 18:5

Cʉ̃́ã ñañaré tiiré pairó peti bʉcʉácu. Teero tiigʉ́, Cõãmacʉ̃ cʉ̃́ã ñañaré tiirére ãñurõ masĩĩ.