14 Pʉarĩ́mena ñañarõ netõré wáatoaa mée. Máata apeyé ñañaré atiadacu.
Yʉʉ ĩñawʉ̃ sũcã. Apeyé merẽã bauré bayiró ʉcʉanérere ʉ̃mʉã́sepʉ ĩñawʉ̃. Siete ángelea niiwã. Cʉ̃́ã siete ñañaré tiitúadarere cʉoádara niiwã. Teeména Cõãmacʉ̃ bayiró cúare tiiádare petiádacu.
Yʉʉ ĩñawʉ̃ sũcã. Cáapacʉ ʉ̃mʉã́sepʉ wʉʉrí ĩñawʉ̃. Bayiró bʉsʉrómena wedesewi: —Bóaneõrã niiãdacua atibʉ́reco macãrã, dʉsarépawʉ bʉsʉri. Ĩtĩã́rã ángelea teepawʉre putiádara dʉsaáya ména, jĩĩwĩ.
Ñañarõ netõsʉguére wáaa mée. Pʉaró dʉsaa ména.