1 Corintios 7:30 - Cõãmacʉ̃ mecʉ̃ã wedesei

³⁰ Boorituari basoca boorituahera tiiróbiro niirõ booa. Ʉsenirãcã tʉsahera tiiróbiro niirõ booa. Apeyenó sãĩrã́ cʉ̃́ãye niidoaadarere tiiróbiro tʉgueñarijããrõ.

1 Corintios 7:30 ပူးပေါင်းရင်းမြစ်များ

Lucas 16:25

’Abraham cʉ̃ʉ̃rẽ yʉʉyigʉ: “Yáa wedegʉ, wãcũña: Mʉʉ catigʉ, ãñuré cʉotóaawʉ̃. Lázarope bayiró ñañarõ netõwĩ́. Mecʉ̃tígã cʉ̃ʉ̃ ãnopʉ́re yeeripũna ʉsenire ñeeĩ. Mʉʉpe ñañarõ netõgʉ̃́ tiia.

Lucas 6:21

’Mʉ́ã mecʉ̃tígã jʉabóara ʉseniña. Too síropʉre yapiadacu. ’Mʉ́ã mecʉ̃tígã utirá ʉseniña. Too síropʉre buiádacu.

Lucas 6:25

’Bóaneõrã niiã mʉ́ã yapirá. Too síropʉre jʉabóaadacu. ’Bóaneõrã niiã mʉ́ã ʉseni buirá. Too síropʉre bayiró utiadacu.

Juan 16:22

Coo tiiróbiro mʉ́ã mecʉ̃tígã bóaneõmiã. Too síro yʉʉ mʉ́ãrẽ ĩñagʉ̃da sũcã. Toorá mʉ́ã ʉseninetõjõããdacu. Sĩcʉ̃no mʉ́ã ʉsenirere petirí tiimasĩ́riqui.

1 Corintios 7:29

Yáa wedera, yʉʉ mʉ́ãrẽ ateré wededʉgaga: Atibʉ́reco petiádaro péero dʉsaa. Teero tiirá, mecʉ̃ãmena nʉmocʉtira nʉmomanirã tiiróbiro niirõ booa.

1 Corintios 7:31

Atibʉ́reco maquẽmena ãñurõ netõrã́ tee dícʉre wãcũrijããrõ. Atibʉ́reco maquẽ marĩ ĩñaré ditiwaro tiia.

Apocalipsis 18:7

Tiimacã macãrãpe “ãpẽrã́ nemorṍ ãñunetõnʉcãã” jĩĩmiwã. Cʉ̃́ã teero jĩĩrigue wapa cʉ̃́ã ñañarõ jĩĩriro jeatuaro bayiró pũninorĩ tiiáro. Cʉ̃́ã ʉgaripéa netõnʉcã́rã, noo booró apeyenórẽ wapatíãmajãwã. Cʉ̃́ã teero tiiã́marigue wapa cʉ̃́ã ñañarõ tiiríro jeatuaro bayiró boorituari tiiáro. Tiimacã macãrã wãcũũya: “Ʉ̃sã atiditá õpõ tiiróbiro niiã; wapewio tiiróbiro niiria; boorituaridojããdacu”, jĩĩ wãcũmiya.

Apocalipsis 7:17

Cordero tiipĩrõ decopʉ niigʉ̃́ ovejare tiiróbiro cʉ̃́ãrẽ cotegʉdaqui. Cʉ̃́ãrẽ catiré petihére ticogʉdaqui oveja coterí basocʉ cʉ̃ʉ̃yarare oco witirí copepʉ néewaro tiiróbiro. Cõãmacʉ̃ niipetira cʉ̃́ã yaco ocoré cosegʉ́daqui, jĩĩwĩ.