Yokhana 12:48 - Mewar Alqawarang

⁴⁸ Njif nu̱ zhangki nga gha, yang nu̱ dlu̱ shogar ɓang tu̱k zu̱m ɓa, nu̱ kuma nda nje, ɓalar nang zu̱ki, chin ka kumaki nda fu̱ɗar wuri.

Yokhana 12:48 ပူးပေါင်းရင်းမြစ်များ

Matta 10:15

Zhire nga zu̱ran ye nu, fu̱ɗar wuri, ka duk ndu̱ tu̱kti zhiyaye ɓu̱ Sodom ndu̱ Gomora ye nduki nu̱ mbu̱ ghai nang.

Matta 21:42

Tu̱ Yesu ze wor za, “Alapa nun na bu̱laran mbu̱ lagarkati ɓu̱ Maghamang ɓa goma? A nje bu̱laran za, ‘Ndogdi ni nu̱ du̱ndiku zhangki ghang, chin khaki ma ndogdi nu̱ dukki boote mbu̱ du̱ndang kap. Na ɗya shir ɓu̱ Magham, yang tu̱k a khar ɗye lazham ye nar ɓaarem.’

Matta 25:31

“Sarchi nu̱ke Yi ɓu̱ Nduk kaɗa gaɓki mbu̱ zhaaji ɓaran ndu̱ nu̱ ru̱ktiku ɓu̱ Magham kap, ka khan ɗyine zhakhɗye kwaaɗar ɓaran nu̱ke zhaajya si.

Markus 12:10

Alapa, nun nggu̱t ye chiti ɓalar ɓu̱ Maghamang ɓa goma? A nje bu̱laran za, “Ndogdi ni nu̱ du̱ndikwang zhangki gha, chin gaɓki ma ndogdi nu̱ dukki aa nyi ndooga boote mbu̱ du̱ndang.”

Markus 16:16

Njif nu̱ maitaki, tu̱ shi baptisme, ka gwa ɗanari. Yang njif nu̱ke nu̱ maita ɓa, ka kuma nda.

Markus 8:31

Tu̱ Yesu nggaasi shogar ye wor ɗyine varan za, “Yi ɓu̱ nduk kaa za bonye zum zum, tu̱ dle gume ɓu̱ nduki, ndu̱ kuruku rututundi ndu̱ Maalu̱m Taurete ku zhang nda. Tu̱ tlagha nda nu̱ gha, yang ye qaandi nu̱ kunung kaa ji mbe mu̱ti.”

Luka 10:16

“Kap njif nu̱ tu̱kki nu, a tu̱k kya nga. Kap njif nu̱ zhangki nu gha yang, zhang kya nga. Aaki nu̱ zhangki nga yang, zhang kya Magham nu̱ ɗa ru̱kki ngang.”

Luka 17:25

Yang Yi ɓu̱ Nduk ka za bonye zum zum dong, tu̱ nduki nu̱ qaandi virkir meeni wuɗ zhangndi yenda.

Luka 20:17

Tu̱ Yesu nja yitan nu̱ mbu̱ ɓaanda, kom tu̱ shi zhamndi za, “Yang ɓa, nu̱m kya mbu̱ ɓalar ɓu̱ Magham bu̱lakandang na? Nu̱ zu̱ki za, ‘Ndogdi ni nu̱ du̱ndikwang zhangki gha, chin khaki ma ndogdi nu̱ dukki ndu̱ boota mbu̱ du̱ndang.’

Luka 7:30

Yang Pariseku ndu̱ nu̱ zu̱ndi Taurete kwa wa zhang ɗyi nu̱ Magham shimki wor si, ma nu̱ke wa zhang baptisme ɓu̱ Yokhana gha ku.

Luka 9:22

tu̱ ze wor tu̱k za, “Yi ɓu̱ nduku a ma za bonye maɗyikandi ku̱me nduk kudaandi ɓu̱ Yakhudeku ndu̱ kuruku rututundi ndu̱ nu̱ shogar Taurete ye nduki. Ka wuɗ zhangndi yenda, tu̱ tlagha nda, yang ye fu̱ɗar nu̱ kunung ka ji mbe mu̱ti.”

Luka 9:26

Aaki kawaki nga ndu̱ ɓalar ɓanga, nga Yi ɓu̱ nduk ngga ɓa tu̱k kawar ɓaran mbu̱ ngaa gaɓ mbu̱ zhaaji ɓanga ndu̱ zhaaji ɓu̱ Zhinkir ɓanga ndu̱ ɓu̱ nu̱ ru̱ktiku shakhshakhndi ɓu̱ Magham.

Yokhana 11:24

Tu̱ Marta tlogha yenda za, “Nga zu̱n ka ji sarchi jiiri ɓu̱ mu̱tiku fu̱ɗar wuri.”

Yokhana 5:45

“Taman nu za ngga da zhaano ɓaanu nu̱ she Zhinkirang ɓa. Nu̱ dar zhaano ɓaanu a nje, chin ke Musa, chin nu̱ke tun a tamandan za ka shaata nwang.

Yokhana 6:39

Yang njif nu̱ ɗa ru̱kki ngang nu̱ shim ku̱ mbu̱ɗ nga da chele nduki nyin vu̱rki ya ɓa, a shim nakha nga wor fu̱ɗar wuri.

Yokhana 8:47

Njif ɓu̱ Magham wa ka tu̱k ɗyi nu̱ke Magham a zu̱ran. Yang nun gwa dlu̱mndonu ye ɗyi nu̱ke Magham a zu̱ran ɓa ku̱me tun ɓu̱ Magham ɓa.”

Tlu̱nar ɓu̱ Pudeku 17:31

Ku̱me wa sa sarchi nu̱ke chin ka kumaki larji mbe zhire nu̱ ku̱nshe njif nggur nyin datki. Magham wa wut zhire ni shwat nu̱ daki nda nu̱ viɗi nu̱ nyifiri mbe mu̱ti.”

Tlu̱nar ɓu̱ Pudeku 3:23

Njif nu̱ke nu̱ tu̱k annabi nang ɓa, ka su̱ya nda nu̱ gha chele nduki ɓu̱ Magham.’

Romeku 2:16

Ku̱me nang, ba wa nu̱ Labar mbarkandi nu̱ke nga waazu ɓaran nang zu̱ki, ka ɓa kha wanang Fu̱ɗar nu̱ke Magham, nu̱ ku̱nshe Yesu Masiya ka ɓa kumaki ɗyiku nu̱ke a nje tukaran mbu̱ kwaari ɓu̱ nduki.

2 Korintiyeku 4:3

Mbu̱ Labar mbarkandi nu̱ke chem a woparan nang wa kha tukaran, kha tukaran ye nduki nu̱ke a ɗyin njiv su̱yari.

2 Tasalonikeku 1:8

Ma vu̱r bonye ye nduki nu̱ zhangki zu̱ndi Magham, kom ndu̱ nduki nu̱ zhangki mbu Labar mbarkandi ɓu̱ Zhinerem gwaanji Yesu gha.

Yibraniyeku 10:25

Ku̱ laada mi tabar ɓaarem ma ghaari ghai ye Magham, wa nu̱ ɓeenan ku su̱nki ndu̱ shiran ɓa. Me ɓu̱ nang ki mi pa du̱mbu̱r ye yen, chem shaata shir wanang nu̱ si ku̱me tun a naran nu̱ ɗyine Fu̱ɗar nang wa shi bing ɓari.

Yibraniyeku 12:25

Ku̱r ma vaanu ɗo zhang nu njif nu̱ke a ɓalarang gha ɓa. Zu̱n man gha nu̱ ɗyine, mbu̱ nduki nu̱ zhangki nduki nu̱ wuki wor mbu̱ larji nang nu̱ lawa ku ɓa, chem ɗa! Chem ka lawa mbu̱ khar njif nu̱ke a wurerem mbu̱ viɗi kikimndana?

Yibraniyeku 2:3

Chem ka lawa kikimndana mbu̱ chem wa zhang ɗanar gwaanji nang gha? Ɗanar gwaanji nang Zhinkir gwaanji ndu̱ ɗyinan nggaki su̱ zu̱ran. Nduki nu̱ tu̱kki ɓalar ɓaranang wa wut yerem za shwat ɗya zhire.

Yibraniyeku 4:12

Ɓalar ɓu̱ Magham nyifi si yang a tlu̱na shwat, me nang nyamnyam wa duk aa nyi kaskar nu̱ke men rap. Wa ka vi nu̱ mbe nduku, tu̱ mber chele ɓu̱ jiimbi nduku ndu̱ nyifiri ɓaran, tu̱ vi chele ɓu̱ mebarku ndu̱ ɓolgo. Wa ka kuma kwaari ɓu̱ nduku ndu̱ ɗyi nu̱ ku̱rki mbu̱ memu̱naran.

1 Biturus 1:5

Tun nu̱ke nu̱ ku̱nshe maito ɓaanu zalale ɓu̱ Magham a khutloro nu. A shim ku̱ khu̱l nu ma gwa nu ɗanar nu̱ daasaki, ma ku̱ wuti nda ye dalangi ye lauɗar su̱ qaandi virkirku.

2 Bitu̱rus 3:3

Gumapaali, zu̱n ma nu̱ ɗyine, ye lauɗar su̱ qaandi virkirku nduki nu̱ ɓalar ndu̱mndi ku ka ɗa vi a ɓalar ndu̱mndi ku. A mbu ɗyiku malkandi nu̱ wor shimki.

2 Bitu̱rus 3:7

Nu̱ ku̱nshe ɓalar ɓu̱ Magham tu̱k, maa viɗi ndu̱ maa vu̱ghai nu̱ke chem a naran leendangang, a bu ku su̱ya wor ɓar ndu̱ ɓai. Magham njig nang ma ɓar ye sarchi nu̱ke a ma kuma nu̱ song sawar nda, tu̱ su̱ya wor nu̱gha.