Yokhana 1:44 - Mewar Alqawarang

⁴⁴ Filibus ɗya khuzi Besaida, ghai ɓaanda da ndu̱ Andu̱rawus ndu̱ Biturus.

Yokhana 1:44 ပူးပေါင်းရင်းမြစ်များ

Matta 10:3

Kom ndu̱ Filibus, ndu̱ Bartilomi, ndu̱ Toma, ndu̱ Matta nu̱ dlu̱r zhaanggali, ndu̱ Yaqub yi ɓu̱ Alfawus, ndu̱ Tadiyus,

Matta 11:21

“Tun ɗye zhiyaye, Korazin! Tun ɗye zhiyaye, Besaida! Ku̱me ɗye lazhamku nu̱ shiki mbe nu, mbu̱ke shi mbu̱ ghai Taya ndu̱ Sidon, tu̱ga wa nggoɗ ku ɗau tu̱ sa ngguzur ku tu̱ ghar pu̱zhiti ye vaanda ku̱me nar tu̱ɓti ɓaanda.

Markus 3:18

Kom ndu̱ Andu̱rawus ndu̱ Filibus, ndu̱ Bartilomi, ndu̱ Matta, ndu̱ Toma, ndu̱ Yaqub yi ɓu̱ Alfawus ndu̱ Tadiyus, ndu̱ Siman ye Kanana,

Markus 6:45

Fan ndu̱ fan tu̱ Yesu ze nu̱ mburi nda kwa za ku̱ vi nu̱ mbu̱ du̱mbu̱l ɗyim tu̱ peeta ku maa yir Besaida kaabu shi nji khar mu̱ndi ye tabar ndukyang.

Markus 8:22

Tu̱ Yesu ɗu̱ mbu̱ ghai Besaida, tu̱ yang ɗa ɓa ndu̱ pugum nggur yenda tu̱ khuti nda ku za ku̱ su̱ɓa nda ku̱ shaana.

Luka 10:13

“Tun ɗye zhiyaye tun Korazin ndu̱ Besaida! Ku̱me ɗye lazhamku nu̱ shiki mbe nu, aa shi mbu̱ ghai Taya ndu̱ Sidon kap nu̱ maatli ɓaanda, tu̱ga wa nggoɗ ku ɗau, tu̱ sa ngguzurku su̱yen ndu̱ ghaari pu̱zhiti ye ɗyin wora, ma wuɗ dambu̱rti ɓaanda.

Luka 6:14

Siman nu̱ Yesu kaa qaki nda Biturus, ndu̱ Andu̱rawus khachin Biturus, ndu̱ Yaqub, ndu̱ Yokhana, ndu̱ Filibus, ndu̱ Bartilomi.

Luka 9:10

Nu̱ pudekwang a gaɓ ki ye maa yirang, tu̱ zu̱ ɗyi nu̱ wora shiki ye Yesu kap, tu̱ yang Yesu qa wor nu̱ konggol mbu̱ gaari nggur Besaida.

Yokhana 1:43

Ɗaatlu̱maaran tu̱k Yesu a shim yir Galili tu̱ gwa Filibus tu̱ ze nda za, “A mburi nga.”

Yokhana 1:45

Tu̱ Filibus gwa Nataniyel tu̱ ze nda za, “Chem wa gwa njif nu̱ Musa bu̱laki labar ɓaran mbu̱ taurete ndu̱ lagarkatiku ɓu̱ annabikwang, chin ke Yesu khuzi Nazaret, Yi ɓu̱ Yusufu.”

Yokhana 1:46

Tu̱ Nataniyel tlogha za, “Nazaret! Ɗyi mbarkandi kaɗa vi Nazaret shoɗa?” Tu̱ Filibus ze nda za, “A ɓo to ɗa na.”

Yokhana 1:48

Tu̱ Nataniyel zham Yesu za, “To zu̱ndi nga kikimndana?” Tu̱ tlogha yenda za, “Nga na ro sarchi nu̱ke ta su̱ qu̱far sugarang me ku̱ Filibus qa ro.”

Yokhana 12:21

Tu̱ ɗa ɓa she Filibus, nduk Besaida nu̱ke a mbu̱ dlar ghai Galili, tu̱ ze nda ku za, “Ku̱man, chem a shim ɓalar ndu̱ Yesu.”

Yokhana 12:22

Tu̱ Filibus ɗu̱ tu̱ ɗa ze Andu̱rawus, tu̱ ku̱lɓu̱r ɓaanda ɗu̱ ku tu̱ ɗa ze Yesu.

Yokhana 6:5

Tu̱ Yesu da ɗyinan nu̱ viɗi, tu̱ na nduki khang a ɓar ku she nda, tu̱ ze Filibus za, “Chem ka masa ɗye zu̱mndi nu̱ke nduki nang ka zu̱mki tu̱ gama wor fu̱na?”

Yokhana 6:7

Tu̱ Filibus tlogha yenda za, “Na aa mu̱zhindi ɓi nu̱ tlu̱nar me qaandi won rap ɓu̱ masa ɗye zu̱mndi nu̱ke aaki chele ɓaanda ka gwaki tu̱ san me ɓa.”

Tlu̱nar ɓu̱ Pudeku 1:13

Nu̱ khu̱lki ku mbu̱ ghayang, tu̱ dlan ye maa khar ɓaanda mbu̱ dangkalyang. Nduki nu̱ke a ye maaranang ɗya Biturus ndu̱ Yokhana, ndu̱ Yaqub, ndu̱ Andu̱rawus, ndu̱ Filibus, ndu̱ Toma, ndu̱ Bartilomi, ndu̱ Matta, ndu̱ Yaqub yi ɓu̱ Alfawus. Kom ndu̱ Siman nu̱ka qaki nda za nu̱ zhiri ghai ɓaran, ndu̱ Yakhuda yi ɓu̱ Yaqub.