Yibraniyeku 9:9 - Mewar Alqawarang

⁹ Ɗyinang a wutkya ɗyi nggur yerem meeni. Vu̱rtiku ndu̱ sadkeku nu̱ka vu̱rki ku ɓu̱ ɗu̱ma shiɓ memu̱na nduki nu̱ke a ghar ghai nang nu̱gha tu̱ kha waare sola ku ɓa.

Yibraniyeku 9:9 ပူးပေါင်းရင်းမြစ်များ

Romeku 5:14

Yang kap ndu̱ nang, mu̱ti wa shi kwaaɗar ɗyine nduki ji ɗyin sarchi ɓu̱ Adamu ma yir sarchi ɓu̱ Musa. Tu̱ sola shi zalale tu̱k ɗyine nduki nu̱ke solar ɓaanda zhangkya mbu Bibitang gha, wa nu̱ Adamu shikyang ɓa. Yang Adamu a khar wa shipar ɓu̱ njif nggur nu̱ke a ɓar ndu̱ vu̱rti ɓu̱ Magham.

Galatiyeku 3:21

Yang ɗa, Bibitang a zhang yen ndu̱ alqawar ɓu̱ Maghamang mu? Ɗyen wanang shwat ɓa! Mbu̱ tu̱ga aa ɓa ndu̱ Bibiti nu̱ka vu̱rki nyifiri ye nduki, tu̱ga nduk ka gwa dambi ɓu̱ Magham nu̱ ku̱nshe mbu Bibitang.

Yibraniyeku 10:11

Aa nyi kuru wa ka ching gha aa nyi fu̱ɗa a tlu̱nar kuru ɓaran, yang pooni vu̱rti sadke nu̱ka shiki tu̱ gaɓ tu̱ nggu̱rang nu̱ka shiɓ sola ɓa.

Yibraniyeku 11:19

Yibram wa shi kwaari nu̱ ɗyine Magham ka ɗu̱ma ji ndu̱ mu̱ti. Chem ka ɗu̱ma zu̱ ye mbu ɓalar nang, nyem za dlu̱ Yishaku ɓar mbe mu̱ti.

Yibraniyeku 5:1

Ka dat aa nyi gorkir ɓu̱ kuru ku chele ɓu̱ khuzuku ma ku̱ shi tlu̱nar ye ɓeeni nduki, chin ka chingki me ɓaanda ɗyine ɗyiku nu̱ke ɓu̱ Magham. Chin ke nu̱ vu̱r vu̱rtiku ndu̱ dlar sadkeku ku̱me solarku.

Yibraniyeku 7:11

Mbu̱ tu̱ga nduk ka kha nyeedlan ku̱me khar ɓaran ma kuru nu̱ me sham ɓu̱ Lawi (ma nu̱ke a vu̱r bibitang ye ndukyang ku̱men). Nu̱m saki ma ku̱ kuru nggur a ɓa chin na ɓa ki mbu̱ dulbu ɓu̱ Melkizedek nu̱ khaki zum ndu̱ ɓu̱ Kharuna na?

Yibraniyeku 8:4

Mbu̱ a nje mbu̱ larji nang tu̱ga nu̱ kha ma kuru sar da ɓa, ku̱me kuruku a nje zhu nu̱ke a zoɓa vu̱rtiku wa nu̱ Bibitang zu̱ki.

Yibraniyeku 9:24

Jiwa Masiya nu̱ vikya nu̱ mbu̱ Kib shakhshakhndi nu̱ nduk du̱nki ɓa, ɗya ba zhire shipar ɓu̱ nu̱ viɗang. Masiya vikya nu̱ mbu̱ viɗi, ma ku̱ ɗu̱ nji gume Magham ku̱me chem.

1 Biturus 3:21

Yang ɗyim nang a khar wa baptisme nu̱ka ɗanaki nu. Tun yang tun wa gwa ɗanar nu̱ ku̱nshe ɗyim baptismyang. Yang ɗanar nyem gwaki nang chem gwa ku̱me shiɓti ru̱gnar ɓar ve vaarem ɓa. Chem gwa ɗanarang ku̱me alqawar chele ɓaarem nu̱ Magham ndu̱ memu̱nar mbarkandi, kom ndu̱ jiiri ɓu̱ Yesu Masiya ɓar mbe mu̱ti.