Yibraniyeku 9:28 - Mewar Alqawarang

²⁸ wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

Yibraniyeku 9:28 ပူးပေါင်းရင်းမြစ်များ

Matta 20:28

Wanang ni, Yi ɓu̱ Nduk na ɓa ku̱ nduki shi tlu̱nar maava yenda ɓa, a ɓa kya ma tlu̱na, kom ku̱ vu̱r nyifi ɓaran ma ɗanar nduki khang.”

Matta 25:31

“Sarchi nu̱ke Yi ɓu̱ Nduk kaɗa gaɓki mbu̱ zhaaji ɓaran ndu̱ nu̱ ru̱ktiku ɓu̱ Magham kap, ka khan ɗyine zhakhɗye kwaaɗar ɓaran nu̱ke zhaajya si.

Matta 26:28

Ku̱me nang ɗya tom ɓanga, nu̱ nyedli alqawar nu̱ke a ma mbu̱ti ku̱me nduki khang ma ndu̱m sola.

Yokhana 14:3

Mbu̱ nga ɗi tang a daasa maa ye nu, ngga ɗa gaɓ tang ɗu̱ ndu̱ tun ye maa nu̱ke nga si, ku̱me kha nu gha sha.

Tlu̱nar ɓu̱ Pudeku 1:11

Tu̱ nduki rapndang zu̱ za, “Nduki nu̱ Galili, nu̱m saki tun ching gha fan tun a nggu̱t maa viɗang na? Ba chin Yesu nu̱ daki nda ɓar she nu ma yir viɗ nang kaɗa gaɓ ba wa nun naki yir ɓaran.”

Romeku 3:25

Magham wa vu̱r Yesu tu̱ kha ma sadke nu̱ daki shipiti solar ɓaarem ɓara nu̱ ku̱nshe maitar tom ɓaran nu̱ mbu̱ɗki. Magham shi wanang ma wut ɗyi toropndi nyin shiki ku̱me wa gu̱n memu̱naran, tu̱ njig solarku nu̱ nduki shiki zhu nu̱ kuma wor ɓa.

Romeku 5:15

Yang vu̱rti ɓu̱ Magham nu̱ ɗa ɓa ki nu̱ ku̱nshe njif nu̱ke a ɓar nang, wa ngga yen maɗyi ndu̱ solar nu̱ Adamu shiki. Nu̱ke solar nu̱ nduk kaada shiki nang a ɓa ndu̱ mu̱ti ye nduki khang. Wanang tu̱k, mu̱nkir ɓu̱ Magham ndu̱ vu̱rti nu̱ ɗa ɓa ki nu̱ ku̱nshe nduk kaada, nang ke Yesu Masiya nu̱ vu̱rki barke gwaanji ye nduki khangndi nang wa duk naandang ɓakh maɗyi.

Romeku 6:10

Yang mu̱ti nu̱ shikyang, mu̱t ba sar kaada ye kharki ma ku̱ zha zalale ɓu̱ sola nu̱gha, nu̱ jiiki ndu̱ nyifiri yang ji ma ku̱ shi khar su̱yen ndu̱ Magham.

Romeku 8:23

Yang du̱ngdikwang ɗyenda kya tlu̱rtang ɓa, chem ndu̱ vaarem chem a shiran tu̱k. Chem nyem gwaki Jiimbi shakhshakhndi nu̱ke chin ke vu̱rti nu̱ gumapaali nu̱ vu̱rki yeremang, chem a tlu̱rti mbu̱ nyifi ɓaarem, chem a ku̱rsaran wa nu̱m gom. Ma ku̱ Magham gaɓ ndu̱ chem ma qusonggi ɓaran parakhndi, tu̱ dli ɗyin man vaarem nang.

Romeku 8:3

Jiwa Magham wa shi ɗyi nu̱ke Bibitang nu̱ ɗu̱ma shiran ɓa ku̱me tu̱ɓti ɓu̱ nduku mbe ɗye shir ɓaran. Magham a ru̱kkya Yi ɓaran mbu̱ shipar ɓu̱ man vaarem nu̱ka shiki solar nang, ma ku̱ kha ma sadke ku̱me solar ɓaarem, tu̱ gu̱ɗa zalale ɓu̱ sola nu̱ gha mbu̱ man va.

1 Korintiyeku 1:7

Ku̱me nang, nun laada gwa aa nyi barka sarchi nu̱ke tun zu̱ki yitonu tun a bu gaɓti ɓu̱ Zhinerem gwaanji Yesu Masiya ɓa.

1 Korintiyeku 15:54

Sarchi nu̱ke manvar nu̱ka mu̱tlkyang mbu̱mki tu̱ kha nu̱ka mu̱tl ɓa, man var nu̱ka mu̱tki nang tu̱ kha nu̱ka mu̱t ɓa. Ɓalar nu̱ke a nje bu̱laran nang ka ɓaa khan si ye sarchi ni, nu̱ zu̱ki za, “Wa ɗu̱ka mu̱ti ɓara, wa ra nda.

1 Tasalonikeku 1:10

tun bu ɓar ɓu̱ Yi ɓaran nu̱ke a ɓar mbu̱ viɗi. Magham wa ji ndu̱ Yi ɓaran ɓar mbe mu̱ti, chin ke, Yesu nu̱ke a ma lawa rem ɓar mbe shokhnar nu̱ke a ɓar nang.

2 Tasalonikeku 2:1

Nyeezaku, viɗ ɗyine ɓalar gaɓti ɓu̱ Zhinerem gwaanji Yesu Masiya, ndu̱ taba rem nu̱ke a ma shiran nu̱ she nda. Chem a khutonu,

2 Timoti 4:8

Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

Yibraniyeku 1:14

Yang shwat ɗa, nu̱ ru̱ktiku ɓu̱ Magham ɗya jiimbiku nu̱ tlu̱nar ku ma shaata nduki nu̱ke a ma zu̱m ɗye mbu̱ ge ɗanar ɓa goma?

Yibraniyeku 10:10

Mbe shimndi ɓu̱ Magham wa gaɓ ndu̱ chem ma nduki ɓaran shakhshakhndi nu̱ ku̱nshe sadke nu̱ Yesu Masiya vu̱rki man varan sar kaada ye kharki.

Yibraniyeku 12:14

Shi ma ɗyi nu̱ke tun ka ɗu̱maki ma ku̱ kha nu mu̱n ndu̱ aaki, tun kha shakhshakh, ku̱me nduk a nje nu̱ke ka naki Magham waare khar shakhshakhndi ɓa.

Yibraniyeku 2:3

Chem ka lawa kikimndana mbu̱ chem wa zhang ɗanar gwaanji nang gha? Ɗanar gwaanji nang Zhinkir gwaanji ndu̱ ɗyinan nggaki su̱ zu̱ran. Nduki nu̱ tu̱kki ɓalar ɓaranang wa wut yerem za shwat ɗya zhire.

Yibraniyeku 4:15

Jiwa chin gorkir kuru ɓaaremang ɗya njif nu̱ damtaki ndu̱ tu̱ɓti ɓaarem. Ku̱me wa gwa buuriku ve aa nyi njiv nu̱ buuki rem, yang nu̱ shi sola ɓa.

Yibraniyeku 5:9

Ma nu̱ khaki nyeedlan, tu̱ kha ma dlu̱dlarsi ɗanar nu̱ke woɗa su̱ ɓa ye nduki nu̱ke a mbu su̱quran kap.

Yibraniyeku 7:27

Nu̱ kha wa gorkir kuruku naandangang ɓa. Nu̱ ka vu̱r dlu sadke aa nyi ɗatli ma da da ɓa, ku̱me nu̱ka vu̱r sadkyang ku̱me solar ɓaran kom tu̱ vu̱r ku̱me solar ɓu̱ nduki ɓa. Vu̱r sadke ɓaran sar kaada ye kharki, sarchi nu̱ vu̱rki ɗyinan.

Yibraniyeku 9:25

Yang vi nu̱ mbu̱ viɗang ma ki nji vu̱r ɗyinan aakochi, wa nu̱ke gorkir ɓu̱ kuruku ka viki nu̱ mbu̱ Kib Nu̱ Dukki ndu̱ Shakhshakhang, aa nyi sonyi ndu̱ tom nu̱ke ɗya ɓaran ɓaandang ɓa.

1 Biturus 2:24

Chem shiki sola, yang chin daki solarku ɓaaremang ye ɗyinan sarchi nu̱ katlki nda gha me qu̱fari. Shi wanangang ma ku̱ shakh mi ndu̱ solarku ɓaarem nu̱ ku̱nshe mu̱ti ɓaran, shem khar ɓaarem ndu̱ dambi. Ruɓar nu̱ shiki yenda saki tun shaana.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

2 Bitu̱rus 3:12

Tun shi khar ɓaanu tun a kasha ɓar ɓu̱ fu̱ɗar ɓu̱ Magham. Tun shim ku̱ fu̱ɗar nang a ɓa ɗau, nang ke, fu̱ɗar nu̱ke maa viɗi ka ɓa vaki mbu̱ ɓai. Ɗyiku nu̱ shiki mu̱na viɗi ndu̱ maa vu̱ghai sang, ka yela ku tu̱ su̱ya mbu̱ ɓaiyang.

1 Yokhana 3:2

Raptaku nu̱ke nga ndolaran, leendang chem qusonggi ɓu̱ Magham. Nu̱ wut ɗyi nu̱ke chem ka khaki gana fan dong ɓa. Yang chem wa zu̱n nu̱ ɗyine mbu̱ Masiya a gaɓi chem ka kha wa chin, ku̱me chem ka na nda wa nu̱ke a si.

1 Yokhana 3:5

Tun wa zu̱n nu̱ ɗyine Yesu a ɓa ma ku̱ da nji solarku ɓaarem ɓara, yang sola nje mbe nda ɓa.

Yakhuda 1:21

Ku̱ kha man mbe ndolar ɓu̱ Magham, tun a bu ɓar ɓu̱ Zhinerem gwaanji Yesu Masiya nu̱ke mbu̱ ɗaanar ɓaran ka ɗu̱ ndu̱ tun mbu̱ nyifi nu̱ke nu̱ka shi woɗa ɓa.

Ɗyin mbu̱ tukari 1:7

Nggu̱ɗu, a nja ɓar mbu̱ ku̱zapti, yang aa nyi yiti ka na nda, kap nu̱ nduki nu̱ zhokhki ndang. Nduki nu̱ larji kap yang ka shi yaaɓarku ku̱me chin. Ku̱ kha wanang shwat! Amin.