Yibraniyeku 9:15 - Mewar Alqawarang

¹⁵ Ku̱me nang Masiya khaki ma nu̱ chingndi nu̱ chele ɓu̱ mewar alqawar ɓu̱ Magham ndu̱ nduki, ma ku̱ nduki nu̱ qaki wor dlu̱ ɗye mbu̱ ge nu̱ke woɗa su̱ ɓa nu̱ Magham shiki alqawaran. Ɗyi nang kha wanang ku̱me mu̱ti wa shi nu̱ka lawaki nduki ɓar mbe solarku nu̱ shiki sarchi alqawar nu̱ gumapaalyang.

Yibraniyeku 9:15 ပူးပေါင်းရင်းမြစ်များ

Matta 19:29

Yang tu̱k, kap njif nu̱ njigki raftiku, aa khachinku khuzuku, aa khachin nusuku, aa ku̱maandi ɓaran, aa mankir ɓaran, aa qusonggi ɓaran, aa damku ɓaran, ku̱me dlu̱ma. Ka gwa dukti ɓu̱ nang sar won, yang tu̱k tu̱ gwa nyifiri nu̱ke ɓu̱ shi woɗa ɓa.

Matta 22:3

Tu̱ ru̱k maaviku ɓaran ku̱ ɗa qa nduki nyin qaki wor ma nggar zu̱mndi ɓu̱rtang, yang nduki nu̱ qaki wora nu̱ ɗa ɓa ku ɓa.

Matta 25:34

“Kom kujirang ka ze wor nu̱ ve bu̱n zu̱mang za, ‘A ɓa ma, tun nu̱ zhinkir ɓang shiki barke ye nu! Dlu̱ ma kwaaɗar nu̱ Magham daasaki ye nu ma ji ɗyin sarchi nu̱ shiki larji.

Matta 25:36

Ɗye sa khara ɓa, tun vu̱r ya. Vara mu̱n ɓa, tun shi qaandi ya. Ngaa zhaaru̱m, tun wa ɗu̱ ma nggu̱ti nga.’

Markus 10:17

Nu̱ Yesu ku̱ski njiv maa yir varan, tu̱ njif nggur a ɓa ɗyin ɗa tu̱ kurum gha gume nda, tu̱ zham nda za, “Maalu̱m mbarkandi, shwat ngga shikya nu̱m ma gwa nga nyifi nu̱ke ɓu̱ shi woɗa ɓa?”

Luka 18:18

Tu̱ gorkir ɓu̱ Yakhudeku nggur zham Yesu za, “Maalu̱m mbarkandi, ngga shi kya nu̱m ma gwa nga nyifi nu̱ke ɓu̱ shi woɗa ɓa?”

Luka 22:20

Tu̱ gaɓ tu̱k tu̱ da ɗyekhti ɗyim ye qu̱far anapang gaanje wa woɗa zu̱m ɗye zu̱mndi mbu̱ virkirang ba wa nu̱ shiki gumapaalyang. Tu̱ zu̱ tu̱k za, “Na ɗya shipar meewar alqawar mbu̱ tom ɓang nu̱ke a ma mbu̱ti ku̱me tunu.

Yokhana 10:28

Nga vu̱r nyifi ye wor nu̱ke ɓu̱ shi woɗa ɓa, ɓu̱ dar mu̱t ku ɓa, yang nduk a nje nu̱ke ka lawaki wor ɓar mbu̱ khara ɓa.

Tlu̱nar ɓu̱ Pudeku 20:32

“Yang leendang, nga sa nun mbu̱ khar Magham. Bu ku̱ ɓalar mu̱nkir ɓaran khutlo nu, chin ka du̱nki nu, tu̱ vu̱r me shakhti ɗye mbu̱ ge ɓaanu ye nu su̱yen ndu̱ nduki nu̱ wakaki var wora.

Romeku 5:10

Nang ɗo, mbu̱ ye sarchi nu̱ke chem a kare ndu̱ Magham, chem gwaki somtar ndu̱ chin nu̱ ku̱nshe mu̱ti ɓu̱ Yi ɓaran. Leendang nu̱ gaɓki ndu̱ chem ma raptan ɗa, ai ka ɗana rem nu̱ ku̱nshe khar viti ɓu̱ Yi ɓaranang.

Romeku 5:6

Jiwa ba ye sarchi nu̱ khaki torop, mbu̱ sarchi nu̱ke chem ku̱naki shaata vaarem, tu̱ Masiya mu̱t ku̱me chem, chem nu̱ke ɗye shir ɓaarem nu̱ kha torop ndu̱ shimndi ɓu̱ Magham ɓa.

Romeku 5:8

Yang Magham wa wut ndolar ɓaran maɗyikandi yerem, ma nu̱ke ye sarchi nu̱ke chem a mbu̱ solar ɓaarem, Masiya mu̱tki ku̱me chem.

Romeku 6:23

Jiwa ɗye ɓi ɓu̱ sola chin ke mu̱ɗi, yang vu̱rti ɓu̱ Magham chin ke nyifi nu̱ke ɓu̱ shi woɗa ɓa, nu̱ ku̱nshe Masiya Yesu Zhinerem gwaanji.

Romeku 8:28

Chem wa zu̱n nu̱ ɗyine mbu̱ aa nu̱m kap Magham wa ka tlu̱na ɗyi mbarkandi ye nduki nu̱ke a ndola nda, nang ke nduki nu̱ qaki ma ku̱ shi shimndi ɓaran.

Romeku 8:30

Yang nduki nu̱ Magham bu̱laki nu̱ ve worang, wor ke nduki nu̱ qaki. Nduki nu̱ qakyang, wor ke nduki nu̱ gaɓki ndu̱ wor tu̱ kha waare sola gume nda. Nduki nu̱ khaki waare solar gume ndang, wor ke nduki nu̱ vu̱rki zhaaji ye wora.

Romeku 9:24

Chem ke nduki nang, yang chem nu̱ Magham qaki, mbu̱ Yakhudeku ɗyenda ɓa, nduki nu̱ke ɗya Yakhudeku ɓa a mban tu̱k.

2 Korintiyeku 3:6

Nang ke ɗyi nu̱ saki chem kha ma nu̱ tlu̱nar ku ɓu̱ mewar alqawarang, nu̱ ku̱nshe bibitiku nu̱ bu̱lakyang ɓa, yang nu̱ ku̱nshe Jiimba. Chin bibiti bu̱lakandi nang chin ke nu̱ ɓar ndu̱ mu̱ti, yang Jiimbyang ke nu̱ vu̱r nyifiri.

Galatiyeku 3:20

Yang nduk ka gang nu̱ viri nu̱ tala, mbu̱ke ɓalarang a chele ɓu̱ nduki rap, yang Magham kaada.

Afiseku 1:7

Mbe nda chem wa gwa dli ɗyin nu̱ ku̱nshe tom ɓaran, nang ke yaapar solar ɓaarem nu̱ shiki yerem. Yang shi nang yerem ku̱me khang mu̱nkir ɓaran

2 Tasalonikeku 2:14

Qa nu nu̱ ku̱nshe Labar mbarkandi nyem vu̱rki yenwang, ma ku̱ gwa nu me ɓaanu mbu̱ zhaaji ɓu̱ Zhinerem gwaanji Yesu Masiya.

1 Timoti 2:5

Jiwa Magham kaada, nduk kaada tu̱k ke nu̱ chingndi nu̱ chele ɓu̱ nduk ndu̱ Magham, nang ke khuski nang Masiya Yesu.

2 Timoti 2:10

Yang nga gu̱n memu̱nara ndu̱ aa nu̱m ku̱me nduki datkandi, ku̱ gwa ɗanar ku nu̱ ku̱nshe Masiya Yesu, tu̱ gwa viri nu̱ mbu̱ zhaaji nu̱ke nu̱ka shi woɗa ɓa.

Titus 1:2

Maito nu̱ zu̱ndi nu̱ke dlaran ve sar memu̱na ye nyifi nu̱ke nu̱ka shi woɗa ɓa. Magham nu̱ke nu̱ka shi wollo ɓa shiki alqawar nang kaabu nggarsi sarchi.

Titus 3:7

Shi wanangang ma ku̱ gwa mi khar waare zop gume Magham nu̱ ku̱nshe mu̱nkir ɓaran, chem zu̱m ɗye mbu̱ ge nyifiri nu̱ke nu̱ka shi woɗa ɓa nu̱ke memu̱na rem saran ɗyinan.

Yibraniyeku 10:34

Jiwa tun wa na zhiyaye ɓu̱ nduki nu̱ke a nje khiiran zhaaru̱m, tun wa kasha sarchi nu̱ lawaki ɗyin kha nu ɓara, ku̱me tun wa zu̱n nu̱ ɗyine gu̱nar nu̱ dukki mbaari a nje kha nu nu̱ke ɓu̱ shi woɗa ɓa.

Yibraniyeku 10:36

Wa shipa tun gu̱n memu̱na nu, ku̱me shir wanang ka sa tun shi shimndi ɓu̱ Magham, qu̱rsan tun gwa ɗyi nu̱ shiki alqawaranang.

Yibraniyeku 11:13

Nduki nang kap mu̱t mbe maito ɓaanda. Yang nu̱ dlu̱ ɗyi nu̱ Magham shiki alqawaranang ɓa dong, tu̱ na ɗyi nu̱ke a ɓakh, wa tu̱k mu̱ndi naran ku, tu̱ saida ku nu̱ ɗyine wora khar runggu, wor qusa larji nang ɓa.

Yibraniyeku 12:24

Tun a ɓakya she Yesu nu̱ daasaki mewar alqawar chele ɓu̱ Magham ndu̱ nduki ɓaran, kom tu̱ batl tom nu̱ka shiki ɓalar mbarkandi tu̱ duk tom ɓu̱ Khabila.

Yibraniyeku 13:20

Ku̱ Magham nu̱ qaandi memu̱na, nu̱ke nu̱ ku̱nshe tom alqawar nu̱ke koɗokh si ɓa jiiki ndu̱ Zhinerem gwaanji Yesu ɓar mbe mu̱ti. Chin ke nu̱ khutlo gwaanji ɓu̱ shapir ɓu̱ ndu̱ɓangkwang,

Yibraniyeku 2:14

Yang nu̱ke qusonggi nang ɗya dlu ndu̱ tom, tu̱ kha wa wor tu̱k nu̱ daki man var nu̱ke ɗya dlu ndu̱ tom tu̱ kha man var wor wayen. Shi wanang ma ku̱ tlagha nji njif nu̱ke zalale mu̱ɗi a mbu̱ kharan, chin ke Sheɗan, nu̱ ku̱nshe mu̱ti ɓaran nu̱ shiki.

Yibraniyeku 3:1

Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

Yibraniyeku 6:13

Ye sarchi nu̱ Magham shiki alqawar ye Yibram, shi alqawar nang nu̱ ku̱mndari. Yang ku̱mnda ndu̱ dlu̱man nu̱ke tun a nje nu̱ dukki nda gwaari nu̱ke ka ku̱mndaki su̱ ɓa.

Yibraniyeku 6:15

Qu̱rse Yibram wa gu̱n memu̱naran ndu̱ kaɗanyi maɗyi, wa dlu̱ ɗyi nu̱ shiki alqawaran yendang.

Yibraniyeku 7:22

Yesu wa kha ma nu̱ wuti alqawar nu̱ dukki mbaari nu̱ ku̱nshe ku̱mndar nang shwat.

Yibraniyeku 8:13

Nu̱ ku̱nshe qar alqawarang, “Mewakandang” wa gaɓ ndu̱ nu̱ gumapaalyang tu̱ kha gu̱maran ɗo. Yang tu̱k ɗyin zhu, nu̱ gu̱maki tu̱k, ka su̱ya ɓu̱ shoɓ ɓa.

Yibraniyeku 9:12

Vi nu̱ mbu̱ Maa Nu̱ Dukki ndu̱ Shakhshakhndi nang sar kaada ye kharki. Nu̱ vi ndu̱ tom ɓu̱ gunoku ɓa yang tom ɓu̱ ye dleeku ɓa. Vikya ndu̱ tom ɓaran, nu̱ ɗa gwaki ɗanar yerem koɗokhsi ɓa.

Yibraniyeku 9:16

Mbu̱ njif nggur wa shi alqawar nggur ɗyine shakhti ɗye mbu̱ ge ɓaran me ku̱ mu̱ɗi, wa ku̱s ku̱ nduk zu̱n za shwat njif nu̱ shiki alqawar nang wa mu̱t dong kom tu̱ shi boote ndu̱ ɗyi nu̱ alqawarang zu̱ki.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

Yaqub 1:12

Njif nu̱ gu̱nki memu̱naran mbu̱ bonye ɓaran ɗya nu̱ barka, ku̱me ka gwa ɗye ɓi nu̱ nyifi nu̱ke ɓu̱ shi woɗa ɓa nu̱ Magham shiki alqawaran ye kap nduki nu̱ke a ndola nda.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

1 Biturus 5:10

Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.

1 Yokhana 2:25

Nang ke alqawar nu̱ Woyang shiki yerem, chin ke nyifi nu̱ke nu̱ka shi woɗa ɓa.

Ɗyin mbu̱ tukari 5:9

Tu̱ qa mewar taazi ku, a zu̱ran ku za, “Ta khu̱l ma ku̱ dlu̱ na lagarkati ɗyikhlakandang to qu̱n yitu̱m ɓaran kwang nu̱gha. Jiwa wa tlagha nu̱gha zhu, yang nu̱ ku̱nshe tom ɓaaro ta dli ɗyin nduki ye Magham mbe aa nyi me sham, ndu̱ me ghin, ndu̱ me ghai, ndu̱ aa nyi nduki.