Yibraniyeku 9:11 - Mewar Alqawarang

¹¹ Masiya ɗya gorkir ɓu̱ kuruku, nu̱ ɗa ɓa ki ndu̱ ɗyiku mbarkandi nu̱ke a nje khaarem leendang. Wa vi nu̱ mbu̱ shekhɗekh nu̱ dukki ndu̱ gwaari, tu̱ duk ndu̱ mbaari tu̱k, yang ɗya nduk shiki ɓa, ku̱me a mbu̱ du̱ngndi nang ɓa.

Yibraniyeku 9:11 ပူးပေါင်းရင်းမြစ်များ

Matta 11:3

ndu̱ zhamndi za, “To ke njif nu̱ke a ɓara mu, yang nggu̱t mi njiv ɓu̱ njif nggur zum mu?”

Matta 2:6

‘To Baitalami mbu̱ dlar ghai Yakhudiya, to ghai koɗommandi chele ghai kwaaɗarku ɓu̱ Yakhudiya ɓa. Ku̱me to ke maa nu̱ke ka ɓa khaki gorkir nu̱ kwaaɗari, njif nu̱ke a ma khutlo ndukiku ɓang Israila.’ ”

Markus 14:58

“Chem wa tu̱kki a zu̱ran za, chin ka gu̱ɗa Rafti ɓu̱ Magham nu̱ nduki du̱nki nang nu̱gha. Chin du̱n nggur nu̱ke ɗya nduk du̱nki ɓa, mbu̱ qaandi kunung ɗyenda.”

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 4:25

Tu̱ nokhzang zu̱ za, “Nga zu̱n za Masiya (nu̱ka qaki nda Ku̱ristos) a ɓari. Mbu̱ aa ɓa, ka zu̱ su̱ aa nu̱m yerem.”

Tlu̱nar ɓu̱ Pudeku 7:48

“Yang kap ndu̱ nang, Magham nu̱ viɗi nu̱ka khan mbu̱ raftiku nu̱ nduk du̱nki ɓa. Ba wa nu̱ annabyang zu̱ki za,

2 Korintiyeku 4:18

Ku̱me nyem sa yiterem nu̱ ɗyine ɗyi nu̱ke nduki a naran ndu̱ ye yiti wor ɓa, chem a sa kya yiterem nu̱ ɗyine ɗyi nu̱ke nu̱ka shi na ɓa. Ku̱me ɗyi nu̱ke nduki a naranang, ka woɗa ɗau, yang ɗyi nu̱ke nu̱ka shi na ɓa ndang nu̱ka shi woɗa ɓa.

2 Korintiyeku 5:1

Jiwa chem wa zu̱n mbu̱ wa gu̱ɗa shekhɗekh nu̱ke chem kharan mban nang nu̱gha, nang ke man vaarem nu̱ke chem a boote si mbu̱ khar viti ɓaarem mbu̱ larji nang, Magham nu̱ ɗyinan ka shiki rafti yerem mbu̱ viɗi. Yang nu̱ke rafti nang ɗya nduk du̱nki ɓa, ka kha ba a nje aakochi ɓu̱ gu̱ɗa ɓa.

Kolosiyeku 2:11

Tun wa gwa mewar dlarsi mbe nda, yang ɗya pooni dlarsi nu̱ke nduk ka shiki ndu̱ kharan ɓa, ɗya pooni dlarsi nu̱ke Masiya shiki ye nu, nu̱ fetki ɗye shir malkandi ɓaanu nu̱ manva ɓara.

Yibraniyeku 10:1

Bibitang ɗya jiimbi ɗyiku mbarkandi nu̱ke a ɓar gana, chin ke jenggu̱reng ɗyikwang ɓa. Nang ke ɗyi nu̱ saki maatar vu̱rti sadkyang nu̱ka shiki sonyi nu̱ sonyiri ɓu̱ sa wor tu̱ kha torop mbu̱ ghaari ghai ɓaanda ɓa.

Yibraniyeku 12:27

Ɓalar nu̱ zu̱ki za, “sar da tu̱k,” nang wa wut nu̱ ɗyine ka da ɗyi nu̱ yakhtakyang ɓara, nang ke, ka da ɗyiku nu̱ du̱ngki ɓara, ma ku̱ ɗyiku nu̱ke ɓu̱ shi yakhta ɓa kha gha.

Yibraniyeku 13:14

Ku̱me ghai a nje larji nang nu̱ke za ɓu̱ shi woɗa ɓa ɓa, yang ɓaarem chem sakya yiterem ye ghai nu̱ke a ɓari.

Yibraniyeku 2:17

Nang ke ɗyi nu̱ saki tu̱ gaɓ ndu̱ chin tu̱ kha wa nyeezan ve aa nyi njiva. Ma ku̱ kha ma kuru gwaanji ɓu̱ Magham. Nu̱ shir zhire, nu̱ nar zhiyaye tu̱k mbu̱ tlu̱nar nu̱ke a shiran ye Magham. Ma ku̱ kha nji ma sadke nu̱ dlaki quran ma da shipiti taɗar solar ɓu̱ nduki ye ɗyinan.

Yibraniyeku 3:1

Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

Yibraniyeku 4:15

Jiwa chin gorkir kuru ɓaaremang ɗya njif nu̱ damtaki ndu̱ tu̱ɓti ɓaarem. Ku̱me wa gwa buuriku ve aa nyi njiv nu̱ buuki rem, yang nu̱ shi sola ɓa.

Yibraniyeku 7:1

Jiwa Melkizedek wa shi kuji Salem, ndu̱ kuru ɓu̱ Maghamndi nu̱ dukki aaki zhaaji. Gama ndu̱ Yibram sarchi nu̱ Yibram a gaɓki qu̱rse wa zu̱m loobo ɗyine kujiku nggur nu̱ shiki dakhlar ndu̱ wora. Nu̱ Yibram gamaki ndu̱ Melkizedek, tu̱ Melkizedek sa barke yenda,

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

2 Yokhana 1:7

Nu̱ lambar nduki khang a vi ku, tu̱ lakhtan aa fu̱n mbu̱ larji. Nu̱ maita ku za Yesu Masiya a ɓa mbu̱ larji mbu̱ manva ɓa. Kap nu̱ pooni shogar nang wor ke nu̱ lamba ndu̱ nu̱ zhangndi Masiya.