Yibraniyeku 8:13 - Mewar Alqawarang

¹³ Nu̱ ku̱nshe qar alqawarang, “Mewakandang” wa gaɓ ndu̱ nu̱ gumapaalyang tu̱ kha gu̱maran ɗo. Yang tu̱k ɗyin zhu, nu̱ gu̱maki tu̱k, ka su̱ya ɓu̱ shoɓ ɓa.

Yibraniyeku 8:13 ပူးပေါင်းရင်းမြစ်များ

Matta 24:35

Maa viɗi ndu̱ maa vu̱ghai ka woɗa yang ɓalar ɓang ɓu̱ pasha aa koɗom ɓa.

Luka 22:20

Tu̱ gaɓ tu̱k tu̱ da ɗyekhti ɗyim ye qu̱far anapang gaanje wa woɗa zu̱m ɗye zu̱mndi mbu̱ virkirang ba wa nu̱ shiki gumapaalyang. Tu̱ zu̱ tu̱k za, “Na ɗya shipar meewar alqawar mbu̱ tom ɓang nu̱ke a ma mbu̱ti ku̱me tunu.

1 Korintiyeku 13:8

Ndola nu̱ ka shi woɗa ɓa. (Ma nu̱ke zu̱r ɓalar ɓu̱ Magham ye nduki a si ka tu̱ɓi,) ma nu̱ke me ghiindiku a si ka woɗa, ma nu̱ke zu̱ndi a si ka peeta.

2 Korintiyeku 3:6

Nang ke ɗyi nu̱ saki chem kha ma nu̱ tlu̱nar ku ɓu̱ mewar alqawarang, nu̱ ku̱nshe bibitiku nu̱ bu̱lakyang ɓa, yang nu̱ ku̱nshe Jiimba. Chin bibiti bu̱lakandi nang chin ke nu̱ ɓar ndu̱ mu̱ti, yang Jiimbyang ke nu̱ vu̱r nyifiri.

2 Korintiyeku 5:17

Jiwa mbu̱ nduk a mbe Masiya, ɗya mewar nduku, geema ɗyiku wa peeta, leendang aa nu̱m wa kha mewaran.

Yibraniyeku 1:11

Ka su̱ya ku, yang ɓaa ba ta nje kap ɓaanda ka gu̱ma tu̱ nggumku wa luku.

Yibraniyeku 12:24

Tun a ɓakya she Yesu nu̱ daasaki mewar alqawar chele ɓu̱ Magham ndu̱ nduki ɓaran, kom tu̱ batl tom nu̱ka shiki ɓalar mbarkandi tu̱ duk tom ɓu̱ Khabila.

Yibraniyeku 7:22

Yesu wa kha ma nu̱ wuti alqawar nu̱ dukki mbaari nu̱ ku̱nshe ku̱mndar nang shwat.

Yibraniyeku 8:6

Yang leendang wa vu̱r tlu̱nar kuru nu̱ dukki ɓaanda mbaari ye Yesu, ba nu̱ke alqawar nu̱ Yesu chingki nu̱ chele ɓu̱ Magham ndu̱ nduki. Alqawar taɗakandi nang wa duk mbaari ku̱me shir nda nu̱ ɗyine alqawar mbarkandi.

Yibraniyeku 8:8

Yang Magham wa na zop ɓu̱ nduki ɓaran nu̱ zu̱ki za, “Nga zu̱ran ye nu, sarchi a nje a ɓari, nu̱ke ngga daasaki alqawar mewakandi ndu̱ nduki Israila ndu̱ Yakhuda.

Yibraniyeku 9:15

Ku̱me nang Masiya khaki ma nu̱ chingndi nu̱ chele ɓu̱ mewar alqawar ɓu̱ Magham ndu̱ nduki, ma ku̱ nduki nu̱ qaki wor dlu̱ ɗye mbu̱ ge nu̱ke woɗa su̱ ɓa nu̱ Magham shiki alqawaran. Ɗyi nang kha wanang ku̱me mu̱ti wa shi nu̱ka lawaki nduki ɓar mbe solarku nu̱ shiki sarchi alqawar nu̱ gumapaalyang.