Yibraniyeku 8:10 - Mewar Alqawarang

¹⁰ Wonji alqawar nu̱ke nga ma shiran ndu̱ nduki nu̱ Israila mbu̱ qaandiku nu̱ke a ɓari, nga Zhinkir gwaanji kya ɓalar nang. Ngga sa bibitiku ɓang nu̱ mbu̱ kwaari ɓaanda, ngga bu̱lan mbu̱ memu̱na wora. Ngga kha ma Maghamndi ɓaanda, tu̱ kha ma nduki ɓang ku.

Yibraniyeku 8:10 ပူးပေါင်းရင်းမြစ်များ

Matta 22:32

‘Nga ke Maghamndi ɓu̱ Yibram, Maghamndi ɓu̱ Yishaku, ndu̱ Maghamndi ɓu̱ Nyagham.’ Chin Maghamndi ɓu̱ mu̱tiku ɓa, ɗya Maghamndi ɓu̱ nu̱ nyifiriku.”

Romeku 11:27

Nang ke alqawar ɓang ndu̱ wora, sarchi nu̱ke ngga daki solar ɓaanda ɓara.”

1 Korintiyeku 6:16

Nun zu̱n za aaki gontaki varan ndu̱ man mu̱nggu̱l wa kha ma man var da ku ɓa goma? Ai, a nje bu̱laran za, “Wor rapndang ka kha ma man var da ku.”

2 Korintiyeku 3:3

Tun wut nu̱ ɗyine tun ke lagarkati nu̱ ɗa viki she Masiya, nu̱ke tlu̱nar ɓaarem saki tun kha wanang. Yang lagarkati nang nu̱ bu̱la ndu̱ ɗye bu̱la ɓa, bu̱la ndu̱ Jiimbi shakhshakhndi nu̱ nyifi. Nu̱ bu̱lan ɗyine ndogdi nu̱ka shiki bu̱lar nu̱ ɗyinan ɓa, yang bu̱lan mbu̱ memu̱na nduki.

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

Yibraniyeku 11:16

Yang sakya memu̱na wor nu̱ ɗyine ghai nu̱ dukki mbaari, nang ke mbu̱ viɗi, nang ke ɗyi nu̱ saki nu̱ kha ye Magham ma ɗye kawa ku̱ qa nda za Maghamndi ɓaanda ɓa. Ku̱me wa daasa ghai ye wor shwat.

Yaqub 1:18

Magham shimki ku̱ kha rem ku̱nshe ɓalar ɓaran zhirekandi ma ku̱ duk mi ɗyiku nyin du̱ngki ndu̱ zhaaji.

Yaqub 1:21

Ku̱me nang, wos ma kap ɗye shir malkandi nu̱ solari ndu̱ pooni mu̱narku gha, tun dlu̱ ɓalar nu̱ kaɓki nu̱ mbu̱ memu̱na nu nu̱ka vu̱rki ɗanar ye nu ndu̱ ɓu̱tokh memu̱na.

1 Biturus 1:23

Jiwa tun wa gwa mewar khari. Yang mewar nyifi ɓaanu nang tun gwa she pooni nu̱ke wa ka mu̱t ɓa, tun gwa she pooni nu̱ke nu̱ka shi mu̱t ɓa. Kha nu nu̱ ku̱nshe ɓalar ɓu̱ Magham nu̱ke nyifiri a si yang nu̱ka shi mu̱ti ɓa.

1 Biturus 2:9

Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.