Yibraniyeku 7:6 - Mewar Alqawarang

⁶ Yang ɓu̱ Melkizedek, aa nu̱ke nu̱ kha da ndu̱ wor ɓa, tu̱ dlu̱ zake kha Yibram, tu̱ sa barke ye chin Yibram nu̱ Magham shiki alqawarang yenda.

Yibraniyeku 7:6 ပူးပေါင်းရင်းမြစ်များ

Tlu̱nar ɓu̱ Pudeku 3:25

Yang Magham shi ɓalarku nu̱ ku̱nshe annabikwang ku̱me tun qusonggi ɓaanda, tun ka zu̱mki boote shakhti ɗye mbu̱ ge alqawar nu̱ Magham shiki ye zhikannu. Nu̱ zu̱ki ye Yibram za, ‘Nu̱ ku̱nshe pooni ɓaaro nduki nu̱ larji kap ka gwaki barke.’

Romeku 4:13

Alqawar nu̱ shiki ye Yibram ndu̱ zhikankirku ɓaran nu̱ gana za ka zu̱m ɗye mbu̱ ge larji ku, Ai, shi nu̱ ku̱nshe Bibitang ɓa, shi alqawarang nu̱ ku̱nshe dambi nu̱ke nduk ka gwaki nu̱ ku̱nshe maito.

Romeku 9:4

nduki nang wor ke Israileku. Ɗya nduki nu̱ Magham gaɓki ndu̱ wor ma qusonggi ɓaran, tu̱ wut zhaaji ɓaran ye wora. Tu̱ shi alqawar ndu̱ wora, tu̱ vu̱r Bibitang ye wora. Tu̱ wut njiv ghaari ghai mbu̱ kib ɓaran ye wora, tu̱ shi ɓeeni alqawarku ye wora.

Galatiyeku 3:16

Wanang tu̱k, Magham wa ching ndu̱ alqawar gha chele ɓaran ndu̱ Yibram ndu̱ pooni ɓaran tu̱k. Lagarkatang nu̱ zu̱ za, “Ndu̱ pooniku” ɓaran ɓa, ma ku̱ taman mi za wor khang. Zu̱ za, “pooni ɓaaro” nduk kaada, chin ke Masiya.

Yibraniyeku 11:13

Nduki nang kap mu̱t mbe maito ɓaanda. Yang nu̱ dlu̱ ɗyi nu̱ Magham shiki alqawaranang ɓa dong, tu̱ na ɗyi nu̱ke a ɓakh, wa tu̱k mu̱ndi naran ku, tu̱ saida ku nu̱ ɗyine wora khar runggu, wor qusa larji nang ɓa.

Yibraniyeku 11:17

Maito saki Yibram, sarchi nu̱ buuki nda, tu̱ vu̱r Yishaku ɓar ma dla sadke. Nang wa wut nu̱ ɗyine chin nu̱ dlu̱ki alqawarang wa daasa ma vu̱r nji woi ɓaran kaada fengtu̱lengndang ɓara.

Yibraniyeku 7:1

Jiwa Melkizedek wa shi kuji Salem, ndu̱ kuru ɓu̱ Maghamndi nu̱ dukki aaki zhaaji. Gama ndu̱ Yibram sarchi nu̱ Yibram a gaɓki qu̱rse wa zu̱m loobo ɗyine kujiku nggur nu̱ shiki dakhlar ndu̱ wora. Nu̱ Yibram gamaki ndu̱ Melkizedek, tu̱ Melkizedek sa barke yenda,

Yibraniyeku 7:7

Njif nu̱ saki barke ye nduk wa duk nu̱ dlu̱r barkyang gwaari shwat.