Yibraniyeku 7:26 - Mewar Alqawarang

²⁶ Chem a gangkya pooni gorkir kuru nang. Chin shakhshakh, waare zop, shibtan, wa wakanda nu̱ konggol tu̱ njig nu̱ solarku, tu̱ da nda nu̱ viɗi ɗyine aa nu̱m kap.

Yibraniyeku 7:26 ပူးပေါင်းရင်းမြစ်များ

Matta 27:18

Ku̱me Bilatus wa zu̱n za a ɓa ku ndu̱ Yesu ku̱me zhiri.

Markus 16:19

Qu̱rse Yesu wa woɗa ɓalarang ye wora, tu̱ daa nda tu̱ ɗu̱ ndu̱ chin viɗi. Tu̱ kha gha yin bu̱n zu̱ma ɓu̱ Magham.

Luka 1:35

Tu̱ nu̱ ru̱ktang ze nda za, “Jiimbi shakhshakhndi ɓu̱ Magham ka shur nu̱ ɗyinoro, zalale ɓu̱ Magham nu̱ viɗi ka lu̱pa ro. Ku̱me nang, woyang ka kha shakhshakh, ka qa nda Yi ɓu̱ Magham.

Luka 23:22

Tu̱ Bilatus gaɓ tu̱ shi ɓalar ye wor nu̱ kunungan za, “Ku̱ kaatli nda gha ku̱me nu̱ma? Njif nang shi kya nyi pooni zopa? Nu̱ shi ɗye tlagha ɓa. Ku̱me nang ngga shi kya ba kurpi yenda tang ngga nda gha.”

Luka 23:41

Yang kumar nu̱ shiki yeremang wa shi torop, ku̱me chem a za kya ɓu̱r ɓu̱ ɗyi nyem shiki. Yang ɓu̱ njif nang nu̱ shi zop nggur aa da ɓa.”

Luka 23:47

Nu̱ gorkir ɓu̱ sojeku nu̱ke a nje, naki ɗyi nu̱ ɗatlkyang, tu̱ gor dlu̱m Magham, a zu̱ran za, “Njif nang ɗya nu̱ jeembu shwat.”

Luka 24:26

Alapa nu̱ ku̱s ku̱ Masiya Kuji Datkandi ɓu̱ Magham za bonyeku nang kom ku̱ Magham vu̱r zhaaji ɓaran yenda ɓa goma?”

Luka 24:46

Tu̱ ze wor tu̱k za, “Bu̱laran wanang mbu̱ Lagarkatikwang za wa ku̱s ku̱ Masiya za bonye, tu̱ yang ji mbe mu̱ti ye fu̱ɗar nu̱ kunung.

Yokhana 14:30

Ngam shi ɓala khang ye nu leendang tu̱k ɓa, ku̱me nu̱ kwaaɗar larji nang a nje a ɓari, yang zalale nje kha nda ɗyina ɓa.

Yokhana 8:29

Njif nu̱ ɗa ru̱kki ngang a nje su̱yen ndu̱ nga, nu̱ njigti nga ɗyenda ɓa, ku̱me nga shikya ɗyi nu̱ke a shimndan aakochi.”

Tlu̱nar ɓu̱ Pudeku 3:14

Yang tun zhang nduk Shakhshakhndi, nu̱ shir ɗyi Toropndi gha, tun khuɗ za ku̱ ngga kya nu̱ tlaghar mu̱ti ye nu gha.

Tlu̱nar ɓu̱ Pudeku 4:27

“Jiwa Kuji Khiridus ndu̱ Puntus Bilatus wa gonta ɗyin wor ndu̱ Israileku ndu̱ nduki nu̱ke ɗya Israileku ɓa mbu̱ ghai nang, a kare ku ndu̱ maavi ɓaa Shakhshakhndi Yesu, no gaɓki ndu̱ chin ma Masiya.

2 Korintiyeku 5:21

Masiya nu̱ shi sola sar da ɓa, yang tu̱ Magham gaɓ ndu̱ chin ma sadke sola ku̱me chemi. Nang ke ɗyi nu̱ saki chem kha ma nu̱ jeembu she Magham mbe Masiya.

Yibraniyeku 1:3

Chin ke yarang ɓu̱ zhaaji ɓu̱ Magham ndu̱ shipar ɓu̱ Magham shiku̱tku̱t. A khar da ndu̱ Magham. Chin khubki aa nu̱m nu̱ ku̱nshe ɓalar ɓaran nu̱ke zalale a si. Qu̱rse nu̱ shiɓki solarku nu̱ gha, tu̱ khan mbu̱ viɗi ɗyin bu̱n zu̱ma ɓu̱ Nu̱ Zhaaji kap.

Yibraniyeku 12:2

Ghar mi yiterem nu̱ she Yesu nu̱ke chin ke dlu̱dlarsi maito ɓaarem, chin ka saki tu̱ maito ɓaarem kha nyeedlan. Chin nu̱ke ku̱me ɓong memu̱nar nu̱ saki nu̱ gume nda, tu̱ gu̱n memu̱naran ndu̱ kaatli nu̱ katlki nda gha ɗyine qu̱far kaatlang nu̱ da nang ma ɗye kawa ɓa. Yang leendang a nje kharan ɗyin bu̱n zu̱ma ɓu̱ zhakhɗye kwaaɗar ɓu̱ Magham.

Yibraniyeku 2:10

Magham du̱ngki aa nu̱m, chin kya nggu̱t aa nu̱m tu̱k. Ku̱me nang, mbu̱ Magham a ma sa qusonggi ɓaran khang ku̱ gwa zhaaji, ka sa tu̱ Yesu kha nyeedlan nu̱ ku̱nshe bonye nu̱ zaki.

Yibraniyeku 2:17

Nang ke ɗyi nu̱ saki tu̱ gaɓ ndu̱ chin tu̱ kha wa nyeezan ve aa nyi njiva. Ma ku̱ kha ma kuru gwaanji ɓu̱ Magham. Nu̱ shir zhire, nu̱ nar zhiyaye tu̱k mbu̱ tlu̱nar nu̱ke a shiran ye Magham. Ma ku̱ kha nji ma sadke nu̱ dlaki quran ma da shipiti taɗar solar ɓu̱ nduki ye ɗyinan.

Yibraniyeku 3:1

Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

Yibraniyeku 7:11

Mbu̱ tu̱ga nduk ka kha nyeedlan ku̱me khar ɓaran ma kuru nu̱ me sham ɓu̱ Lawi (ma nu̱ke a vu̱r bibitang ye ndukyang ku̱men). Nu̱m saki ma ku̱ kuru nggur a ɓa chin na ɓa ki mbu̱ dulbu ɓu̱ Melkizedek nu̱ khaki zum ndu̱ ɓu̱ Kharuna na?

Yibraniyeku 8:1

Kap ɗyi nu̱ke chem a zu̱ran nang chin ke gorkir kuru a nje khaarem nu̱ke a nje kharan bu̱n zu̱ma ɓu̱ zhakhɗye kwaaɗar ɓu̱ Nu̱ Gorkirang far viɗi.

Yibraniyeku 9:14

yang tom ɓu̱ Masiya ɗa? Chin nu̱ke beeko ve nda ɓa, nu̱ vu̱rki ɗyinan ye Magham nu̱ ku̱nshe Jiimbi nu̱ke koɗokhsi ɓa. Ai, shiɓ memu̱narem nu̱gha chem njig konyiku ɓu̱ memu̱narem nu̱ke boota su̱ ɓa nu̱ka daki rem ye mu̱ti, ma ku̱ gharmi ghai ye Maghamndi nu̱ nyifiri.

1 Biturus 1:19

Dli ɗyinonu ndu̱ tom ɓu̱ Masiya nu̱ke zhaaji a si, wa kha wa ye gamndi nu̱ sadke, nu̱ke me chiɓi nje ve nda ɓa yang beeko ɓa.

1 Biturus 2:22

“Sar da nu̱ shi zop ɓa, nu̱ shi wollo sar da ɓa.”

1 Biturus 3:22

Masiya wa ɗu̱ viɗi. A nje ɗyin bu̱n zu̱ma ɓu̱ Magham, ye maa nu̱ saki nu̱ ru̱ktiku ɓu̱ Magham, ndu̱ nu̱ kwaaɗarku, ndu̱ nu̱ zalaleku nu̱ mbu̱ bu̱nan.

1 Yokhana 2:2

Chin ke sadke yaapar solar ɓaarem yerem, yang ɓaarem ɗyenda ɓa, ndu̱ solarku ɓu̱ larji gumada.

1 Yokhana 3:5

Tun wa zu̱n nu̱ ɗyine Yesu a ɓa ma ku̱ da nji solarku ɓaarem ɓara, yang sola nje mbe nda ɓa.

Ɗyin mbu̱ tukari 3:7

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Filadelfiya no za, Wonji ɓalar na ɓa ki she njif shakhshakhndi nu̱ zhire. Chin nu̱ke a ku̱s ɗye qu̱ndi kwaaɗar ɓu̱ Kuji Dauda, nu̱ke mbu̱ wa qu̱n tunu nu̱gha nduk a nje nu̱ke ka zaki nu̱ gha ɓa, mbu̱ yang wa za nu̱ gha, nu̱ qu̱ndan nu̱gha nje ɓa.