Yibraniyeku 7:16 - Mewar Alqawarang

¹⁶ Yang kuru nang nu̱ ɗa ɓa nu̱ ku̱nshe mburi me ghai tom me sham ɓa, a ɓa nu̱ ku̱nshe zalale nyifi nu̱ke nu̱ka shi su̱ya ɓa.

Yibraniyeku 7:16 ပူးပေါင်းရင်းမြစ်များ

Romeku 7:14

Chem wa zu̱n nu̱ ɗyine Bibitang ɗya ɗyin mbu̱ jiimba. Yang ɗye shir ɓang ɗya ɓu̱ nduku, nga maavi ɓu̱ sola.

Galatiyeku 4:3

Chem ba wanang tu̱k, chem a khar wa qusongga pichichi chem maaviku nu̱ke a mbu shogar ku ɓu̱ nduki nu̱ larji nang.

Galatiyeku 4:9

Yang nu̱ke tun wa zu̱n Magham leendang, “Aa nu̱ke ɗya Magham zu̱nki nu” Shi kikimndi tun a gaɓ ma mbu̱ shogarku ɓu̱ nduki nu̱ larji nang nu̱ke khukhutan kwang na? Ai, a khar ɗye zhiyaye ku. Nu̱m saki tun a shim gaɓ nu tun kha ma maavi ɓaanda tu̱ka?

Kolosiyeku 2:14

Tu̱ pasha kudum malkandi bu̱lakandi ɗyinerem nu̱ gha, kom ndu̱ bibiti nu̱ke a si, tu̱ pasha wor nu̱gha guma da, nu̱ ku̱nshe kaatlan gha me qu̱far kaatli.

Kolosiyeku 2:20

Nu̱ke tun wa mu̱t su̱yen ndu̱ Masiya, tun wa shakh ndu̱ khu̱kheetiku malkandi nu̱ larji nang, nu̱m saki tun ki khar ɓaanu wa tun ɓu̱ larji ma ɓar meenang na? Nu̱m saki tun ki mbu bibitiku nu̱ke nduki a vu̱rtan ye nu

Yibraniyeku 10:1

Bibitang ɗya jiimbi ɗyiku mbarkandi nu̱ke a ɓar gana, chin ke jenggu̱reng ɗyikwang ɓa. Nang ke ɗyi nu̱ saki maatar vu̱rti sadkyang nu̱ka shiki sonyi nu̱ sonyiri ɓu̱ sa wor tu̱ kha torop mbu̱ ghaari ghai ɓaanda ɓa.

Yibraniyeku 7:15

Ɓalar nang a vi ye dalang maɗyi sarchi nu̱ kuru nggur zum a viki, nu̱ khaki wa Melkizedek.

Yibraniyeku 7:17

Ku̱me wa saida nda za, “To kuru nu̱ke lauɗarsi su̱ ɓa, mbe shipar ɓu̱ Melkizedek.”

Yibraniyeku 7:21

Yang ɓaran kha ma kurwang su̱yen ndu̱ ku̱mndar nu̱ Magham shiki za, “Zhinkir gwaanji wa woɗa ku̱mndari, yang ɓu̱ nggoɗ ɓalar ɓaran ɓa, ‘To kuru nu̱ke nu̱ka shi lauɗa ɓa.’ ”

Yibraniyeku 7:28

Jiwa bibitang ka datkya gorkir kuruku chele ɓu̱ nduki nu̱ka tu̱ɓki. Yang ku̱mndar na ɓa ki qu̱rse Bibitang, datki Yi ɓaran nu̱ khaki nyeedlan koɗokhsi ɓa.

Yibraniyeku 7:3

Yang Melkizedek zhinki kha nda ɓa manki kha nda ɓa, yang nu̱ nduk zu̱n dlu̱dlarsan zum ɓa. Fu̱ɗar nu̱ khaki nda nje ɓa yang fu̱ɗar mu̱ti ɓaran a nje ɓa. Wa nu̱ke Yi ɓu̱ Magham ɗya kuru nu̱ke koɗokh venda ɓa, wanang tu̱k Melkizedek ɗya kuru nu̱ke koɗokh venda zum ɓa.

Yibraniyeku 9:14

yang tom ɓu̱ Masiya ɗa? Chin nu̱ke beeko ve nda ɓa, nu̱ vu̱rki ɗyinan ye Magham nu̱ ku̱nshe Jiimbi nu̱ke koɗokhsi ɓa. Ai, shiɓ memu̱narem nu̱gha chem njig konyiku ɓu̱ memu̱narem nu̱ke boota su̱ ɓa nu̱ka daki rem ye mu̱ti, ma ku̱ gharmi ghai ye Maghamndi nu̱ nyifiri.

Ɗyin mbu̱ tukari 1:18

Nga ke Nu̱ Nyifiri! Nga mu̱ɗi, yang wonji ɗo leendang, nga nje ndu̱ nyifiri koɗokhsi ɓa aakochi, ɗye qu̱ndi ɓu̱ mu̱ɗi ndu̱ nu̱ maa khar ɓu̱ mu̱ti a nje khara.