Yibraniyeku 6:9 - Mewar Alqawarang

⁹ Raptaku, aa nu̱ke chem a pooni ɓalar nang, chem wa maita nu̱ ɗyine ɓaanu tun wa dlu̱ barke nu̱ dukki mbaari qu̱rse ɗanar ɓaanu.

Yibraniyeku 6:9 ပူးပေါင်းရင်းမြစ်များ

Markus 16:16

Njif nu̱ maitaki, tu̱ shi baptisme, ka gwa ɗanari. Yang njif nu̱ke nu̱ maita ɓa, ka kuma nda.

Tlu̱nar ɓu̱ Pudeku 11:18

Nu̱ Yakhudeku nu̱ mbu Yesu kwang tu̱kki wanang, nu̱ gwa ɗye zu̱ ku ɓa, tu̱ kuna Magham ku, a zu̱ran ku za, “Alapa Magham wa daasa njiv nggooti ndu̱ gwar nyifiri ye nduki nu̱ke ɗya Yakhudeku ɓa.”

Tlu̱nar ɓu̱ Pudeku 20:21

Nga wu Yakhudeku ndu̱ Gu̱rik ku ku̱ nggoɗ ku mbe solar ɓaanda, ta gaɓ nu̱ she Magham, tu̱ maita Zhinerem gwaanji Yesu.

1 Korintiyeku 10:14

Ku̱me nang raptaku ndolakandi, shakh ma ɗyinonu ndu̱ ghaari ghai ye mu̱lu̱mku.

2 Korintiyeku 12:19

Bai tun ka taman za chem a shibkya ɗyinerem gume nu. Wanang ɓa, chem a ɓalar wa nu̱ Masiya shimki zu̱ mi gume Magham. Nyeezaku, zu̱n ma nu̱ ɗyine aa chem shikya nu̱m, chem a shiran ma shaata nu.

2 Korintiyeku 7:1

Nu̱ke wa shi alqawar ɗyiku nang yerem kap, nyeezaku, ku̱ shakh mi ɗyinerem ndu̱ ɗyiku nu̱ke ka saki tu̱ man vaarem ndu̱ memu̱na rem kha zopan. Bu ku̱ khar viti ɓaarem kha shakhshakh nyeedlan nu̱ sawar Magham.

2 Korintiyeku 7:10

Jiwa su̱bu̱rti mbi nu̱ Magham njigki ku̱ gwaarem, wa ka nggoɗ nduku, tu̱ gaɓ nu̱ she Magham, tu̱ gwa ɗanar ku̱nshe nang. Yang nu̱ zhin ɓu̱ kor varan nu̱ gana ɓa. Su̱bu̱rti mbi nu̱ larji a ɓa ki si wa ka shi tlaghar mu̱ti.

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

Yibraniyeku 10:34

Jiwa tun wa na zhiyaye ɓu̱ nduki nu̱ke a nje khiiran zhaaru̱m, tun wa kasha sarchi nu̱ lawaki ɗyin kha nu ɓara, ku̱me tun wa zu̱n nu̱ ɗyine gu̱nar nu̱ dukki mbaari a nje kha nu nu̱ke ɓu̱ shi woɗa ɓa.

Yibraniyeku 10:39

Yang ɓaarem chem a mbu̱ nduki nu̱ ka gaɓki nu̱ gana ma ku̱ su̱ya ɓa, ɓaarem chem a mbu̱ nduki nu̱ka maitaki tu̱ gwa ɗanari.

Yibraniyeku 2:3

Chem ka lawa kikimndana mbu̱ chem wa zhang ɗanar gwaanji nang gha? Ɗanar gwaanji nang Zhinkir gwaanji ndu̱ ɗyinan nggaki su̱ zu̱ran. Nduki nu̱ tu̱kki ɓalar ɓaranang wa wut yerem za shwat ɗya zhire.

Yibraniyeku 5:9

Ma nu̱ khaki nyeedlan, tu̱ kha ma dlu̱dlarsi ɗanar nu̱ke woɗa su̱ ɓa ye nduki nu̱ke a mbu su̱quran kap.

Yibraniyeku 6:10

Magham ɗya nu̱ song shir zhire ɓa. Ɓu̱ mona tlu̱narku nun shiki nu̱ ndolar nun wutki yenda sarchi nu̱ke tun a shaata nu̱ mbu Yesu ku ɓa, ba wa nu̱ke tun a ɗyin shiran ma ɓar meeni.

1 Biturus 2:11

Raptaku nu̱ke nga ndolaran, nu̱ke tun a shikya khar runggu mbu̱ larji nang, maa kha nu fan ɓa, nga khutonu, shakh ma ɗyinonu ndu̱ ɗye shir malkandi nu̱ melakh ɓu̱ nduku, ɗye shir nang a wute ndu̱ jiimbonu.

2 Bitu̱rus 3:1

Raptaku nu̱ke nga ndolaran, leendang nang ke lagarkati ɓang nu̱ rap nang ru̱kki ye nu. Yang mbu̱ lagarkati ɓang ku rapndi nang nga bu̱la ɗyiku nu̱ke ka saki nu tun mbu Magham ndu̱ memu̱nar da.

1 Yokhana 2:7

Tun raptaku nu̱ke nga ndolaran, nga bu̱lar nang ma vu̱r nga bibiti nggur ye nu ɓa. Ai, ɗya ba bibiti nu̱ zhu nu̱ vu̱rki ye nu gumapaali. Yang bibiti nu̱ zhu nang ɗya ba bibiti nun woɗaki tu̱ktan.

Yakhuda 1:3

Raptaku nu̱ke nga ndolaran, aa nu̱ke nga kasha bu̱laran ye nu ɗyine ɗanar ɓaarem nang. Yang qu̱rsan tang na wa ku̱s ku̱ bu̱la nga ye nu tang khutonu ku̱ shi nu wute maɗyi, ku̱me ɓalar maito ɓaarem nu̱ Magham saki nu̱ mbu̱ khar nu̱ mburi nda ku, sar kaada ye kharki.