Yibraniyeku 6:4 - Mewar Alqawarang

⁴ Jiwa ka shi shar ku̱ nduki nu̱ gwaki yarang ɓalar ɓu̱ Magham, ndu̱ nduki nu̱ darki vu̱rti ɓu̱ Magham nu̱ mbu̱ viɗi, ndu̱ nduki nu̱ gwaki me ɓaanda mbe Jiimbi shakhshakhndi.

Yibraniyeku 6:4 ပူးပေါင်းရင်းမြစ်များ

Matta 12:45

kaa gaɓ tu̱ ɗa qa khu̱kheetiku nggur wor mut nu̱ dukki nda ndu̱ maatli, ku̱ ɗa ɓa ku tu̱ khan nje. Gana fan, khar viti ɓu̱ njifang ka duk nu̱ guma maatli. Nduki nu̱ qaandi virkir meeni ka ɓa kha maatlin ku ba wanang.”

Matta 5:13

“Tun ke dleeri ɓu̱ larji. Yang mbu̱ dleeru wa mbu̱t mu̱ndi ɓaran, nduk ka gaɓ ndu̱ mu̱ndi ɓaranang kikimndana? Boota si tu̱k ɓa, buka ku̱ wos gha tu̱ nduki khatl nu̱ mbu̱ saari wora.

Yokhana 15:6

Kap njif nu̱ke nu̱ khan mbya ɓa, a shipa bu̱n qu̱far nu̱ ɗatlki tu̱ mbuk gha tu̱ ghwari. Nduki ka taba poonan tu̱ gu̱n ɓai nu̱ si, tu̱ va wor nu̱ gha.

Yokhana 3:27

Tu̱ Yokhana tlogha za, “Nduk a nje nu̱ke ka gwaki aa nu̱m ɓa kope a vu̱r yenda viɗi.

Yokhana 4:10

Tu̱ Yesu tlogha yenda za, “Mbu̱ ta zu̱n vu̱rti ɓu̱ Magham, ndu̱ njif nu̱ khuɗki ɗyim kha nang, tu̱ga ta khuti nda ka vu̱r ɗyim nu̱ka vu̱rki nyifiri yoro.”

Yokhana 6:32

Kom tu̱ Yesu tlogha ye wor za, “Zhire, nga zu̱ran ye nu, ɗya Musa vu̱rki ɗye zu̱mndi na shurki viɗang ye wor ɓa, Zhinkir ɓang ke nu̱ vu̱rti ɗye zu̱mndi yelndi na viki viɗi.

Tlu̱nar ɓu̱ Pudeku 10:45

Tu̱ Yakhudeku nu̱ mbu Yesu ku nu̱ dlaki su̱ wor na ɓa ki su̱yen ndu̱ Biturus shi lazham, ku̱me Magham wa vu̱r Jiimbi ɓaran ye nduki nu̱ke ɗya Yakhudeku ɓa tu̱k.

Tlu̱nar ɓu̱ Pudeku 11:17

Yang nu̱ke Magham wa vu̱r ye wor ba wa nu̱ vu̱rki yerem sarchi nyem maitaki Zhinerem gwaanji Yesu Masiyang, nga ki ɗo, nu̱ke ngga nggu̱tlki Maghamang?”

Tlu̱nar ɓu̱ Pudeku 15:8

Yang Magham nu̱ zu̱nki memu̱na aaki, tu̱ wuɗ za chin wa dlu̱ wor nu̱ ku̱nshe Jiimbi shakhshakhndi nu̱ vu̱rki ye wor ba wa nu̱ vu̱rki yerem.

Tlu̱nar ɓu̱ Pudeku 8:20

Tu̱ yang Biturus tlogha yenda za, “Ku̱ mu̱zhindi ɓaa su̱ya su̱yen ndu̱ to, ku̱me ta taman za to ka gwa vu̱rti ɓu̱ Magham ndu̱ mu̱zhin!

Romeku 1:11

Jiwa nga shim na nu maɗyi, ma ku̱ vu̱r nga mu̱nkir nggur nu̱ mbe jiimba nu̱ke ka paki du̱mbu̱r ye nu.

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

2 Korintiyeku 4:6

Jiwa Magham nu̱ zu̱ki za, “Ku̱ yarang shi mbu̱ zhum maari,” chin saki yarang ɓaran ku̱ shi mbu̱ memu̱narem, ma ku̱ shi yarang ye nduki ku̱ zu̱n ku za nduk ka na zhaaji ɓu̱ Magham nu̱ ku̱nshe Masiya.

Galatiyeku 3:2

Yang ɓa, bu shi nga zhamndi ye nu kaada. Shwat Jiimbi shakhshakhndi a ɓa ye nu ku̱me tun a mbu Bibitang mu, yang ku̱me tun wa maita ɓalar nun tu̱kki?

Galatiyeku 3:5

Magham nu̱ vu̱rki Jiimbi ɓaran ye nu, tu̱ shi ɗye lazhamku chele ɓanwang ɗa, shi ku̱me tun a mbu Bibiti mu, yang ku̱me maitar nun shiki sarchi nun tu̱kki ɓalar ɓu̱ Masiya mu?

Afiseku 1:18

Nga barar tu̱k ku̱ Magham vu̱r dar mbu̱ tun ye nu ma ku̱ zu̱n nu nu̱m ke sar memu̱nar nu̱ qaki nu̱ kandi, tun zu̱n zhaaji ɓu̱ gu̱nar shakhti ɗye mbu̱ ge ɓu̱ nduki ɓu̱ Magham.

Afiseku 2:8

Ai, mu̱nkir ɓu̱ Magham saki tun gwa ɗanar nu̱ ku̱nshe maito ɓaanu. Tun shiki ɓa, ɗya mu̱nkir ɓu̱ Magham.

Afiseku 3:7

Wa gaɓ ndu̱ nga tu̱k ma nu̱ tlu̱nar Labar mbarkandi nang. Yang tlu̱nar nang ɗya vu̱rti ɓu̱ Magham ya, nu̱ vu̱rki ya nu̱ ku̱nshe mu̱nkir ɓaran, nang ke zalale nu̱ke a tlu̱nar mbya.

Afiseku 4:7

Yang wa shi vu̱rti mu̱nkir ye aa nyi nduk da chele ɓaarem nu̱ ku̱nshe khang ɗyi nu̱ Masiya vu̱rki.

1 Timoti 4:14

Ku̱ njig na vu̱rti nu̱ke a mbe ro no gwaki nu̱ ku̱nshe ɗyi nu̱ Magham zu̱ki sarchi nu̱ nduk kudaandikwang saki khar barke yorang ɓa.

2 Timoti 2:25

Kom ku̱ wu nduki nu̱ke a kare ndu̱ shogar ɓaran mbe ɓu̱tokh memu̱na, bai Magham ka vu̱r maa ye wor tu̱ nggoɗ ku tu̱ zu̱n zhire.

2 Timoti 4:14

Alekhzanda nu̱ ɓu̱dlang wa shi ɗyi malkandi ya maɗyi. Zhinkir gwaanji ka dli gaɗe ni yenda ku̱me ɗyi nyin shiki.

Yibraniyeku 10:32

Kor ma nu̱ ɗyine ɗau fara sarchi nun naki yarang ɓu̱ Magham, tun wa gu̱n memu̱na nu maɗyi, tun a wute mbu̱ bonyeku.

Yibraniyeku 2:4

Kom Magham wa shaata wut saidu ɓaran nu̱ ɗyine ɓaanda nu̱ shikyang, nu̱ ku̱nshe ɗye saiduku, ndu̱ ɗyiku nu̱ke nduk nu̱ su̱n nu̱ naran ɓa. Kom ndu̱ ɗye lazhamku zum zum, ndu̱ vu̱rtiku nu̱ shakki nu̱ ku̱nshe Jiimbi shakhshakhndi wa nu̱ shimki.

1 Yokhana 5:16

Mbu̱ njif nggur wa na mu̱dlen a solar nu̱ke nu̱ khu̱l ye mu̱ti ɓa, ku̱ njif nang shi barar ye njif nu̱ke a solarang. Magham ka vu̱r nyifi ye nu̱ solar nang ku̱me barar nang. Nga ɓalar nang ye nduki nu̱ke solar ɓaanda nu̱ khu̱l ye mu̱ti ɓa, solar a nje nu̱ka khu̱lki ye mu̱ti, nang zu̱ nga za ku̱ nduk shi barar ye pooni nang ɓa.