Yibraniyeku 6:2 - Mewar Alqawarang

² Kom ndu̱ shogar ɗyine baptisme, ndu̱ nu̱ sar khar barke, ndu̱ nu̱ jiiri ɓu̱ mu̱tiku, ndu̱ kumar fu̱ɗar wuri.

Yibraniyeku 6:2 ပူးပေါင်းရင်းမြစ်များ

Matta 28:19

Ku̱me nang mbu̱ tun wa ɗi tun a ze nduki nu̱ larji kap ku̱ mburi nga, tun a shi baptisme ye wora mbu̱ dlu̱m Zhinkiri, ndu̱ ɓu̱ Woyang ndu̱ ɓu̱ Jiimbi Shakhshakhndi.

Matta 3:14

Tu̱ Yokhana shim nggu̱tli nda tu̱ ze nda za, “Nga nu̱ke ngaa gang shi na baptisme ya, yang to ɗa ɓa sha tu̱k?”

Markus 16:16

Njif nu̱ maitaki, tu̱ shi baptisme, ka gwa ɗanari. Yang njif nu̱ke nu̱ maita ɓa, ka kuma nda.

Markus 7:4

Mbu̱ aa gaɓ ku goma, nu̱ka zu̱m ɗye zu̱m ku dong ɓa kope wa shi wurti ku. Ɓeena me ghai kwa nje khang tu̱k nu̱ka mbuki ku wa shiɓti du̱ɓaku ndu̱ kayangku, ndu̱ duuli nu̱ shiki ndu̱ vi.

Markus 7:8

“Tun wa zhang wopar nu̱ Magham zu̱ki gha, tun a khutlo me ghai ɓu̱ nduki. Wa shiɓti kayangku, ndu̱ ɗyekhtiku, ndu̱ ɓeena ɗyiku khang nun kaa shiki.”

Luka 11:38

Tu̱ Parisyang shi lazham ɗyi nu̱ saki Yesu nu̱ shiɓ kharan nu̱gha me ku̱ nggaasi zu̱mndi ɗye zu̱mnda ɓa.

Luka 12:50

Baptisme a nje nu̱ke nga buran, yang nga damtaran ɗyinan kope wa woɗa.

Luka 14:14

Mbu̱ ta shi wanang to ka gwa barka, ku̱me nduki nang ɓu̱ ɗu̱ma ɓi ro ɓa, yang Magham ɗyenda ka ɓa ɓiiki ro fu̱ɗar wuri, nang ke fu̱ɗar nu̱ke Magham ka nakhaki nduki nu̱ jeembu ku mbe mu̱ti.”

Luka 3:16

Tu̱ Yokhana ze wor kap za, “Ɓang baptismyang ngaa shiran ye nu ndu̱ ɗyim, yang njif nggur nu̱ dukki nga gwaari a nje a ɓari. Njifang, aa zo paghamndi ɓaran nang gama kwatlan yenda nu̱ gha ɓa. Ka ɓa shi baptisme ye nu ndu̱ Jiimbi shakhshakhndi ndu̱ ɓai.

Yokhana 1:33

Aa nga, nang zu̱n nda ɓa yang Magham nu̱ ɗa ru̱kki nga ma baptisme ndu̱ ɗyimang zu̱ki ya. A za, ‘Kap njif nang naki Jiimbi a shurti tu̱ yang lu̱b nu̱ ɗyine nda, chin ke njif nu̱ke ka ɓa shiki baptisme ndu̱ Jiimbi shakhshakhndang.’

Yokhana 5:29

tu̱ ɗa vi ɓar ku. Nduki nu̱ shiki ɗyi mbarkandi ka ji ku tu̱ gwa nyifiri, yang nduki nu̱ tlu̱naki ɗyi malkandi ku, ka ji tu̱ kuma wora.

Tlu̱nar ɓu̱ Pudeku 10:47

“Nduk a nje nu̱ke ka nggu̱tlki ku̱ shi baptisme nu̱ ɗyim ye ndukiku nang mu? Wa dlu̱ Jiimbi shakhshakhndi ku ba wa nyem dlu̱kyang.”

Tlu̱nar ɓu̱ Pudeku 13:3

Qu̱rse wa shi zhumti ndu̱ bararku, tu̱ sa khar barke ye wor tu̱ shi khar mu̱ndi ye wora.

Tlu̱nar ɓu̱ Pudeku 16:15

Nu̱ shiki baptisme yenda ndu̱ nduki nu̱ mbu̱ rafti ɓaran, tu̱ khuɗ wor za, “Mbu̱ tun wa maita nu̱ ɗyine nga maita Zhinkir gwaanji, a ɓa ma tun zhur nu̱ kaa ɓanga.” Tu̱ padla remi chem tlogha yenda.

Tlu̱nar ɓu̱ Pudeku 16:33

Ba mbu̱ virkirang tu̱ da wor tu̱ shiɓ ruɓarku nu̱ke a ve wor nu̱gha. Fan ndu̱ fan tu̱ shi baptisme yenda su̱yen ndu̱ nduki nu̱ mbu̱ rafti ɓaran.

Tlu̱nar ɓu̱ Pudeku 17:18

Wanang tu̱k, tu̱ Abikuriyeku ndu̱ Su̱tokiyeku nu̱ shiki zu̱ndi shi keele ndu̱ chin. Tu̱ ɓeenan chele ɓaanda zu̱ za, “Woɗye nu̱ khang ɓalar nang a zu̱kya nu̱ma?” Ɓeenan za, “Ba wa a shikya waazu ɓu̱ pooni maghamndiku nggur zum nu̱ke a nje khaarem fan ɓa.” Zu̱ wanang ku ku̱me Bulus a zu̱kya Labar Mbarkandi ɓu̱ Yesu, ndu̱ jiiri mbe mu̱ti.

Tlu̱nar ɓu̱ Pudeku 2:38

Tu̱ Biturus ze wor za, “Nggoɗ ma, tu̱ shi baptisme ye aaki chele ɓaanu mbu̱ dlu̱m Yesu Masiya ma ku̱ ndu̱m solar ɓaanu ye nu, tun ka dlu̱ Jiimbi shakhshakhndi mu̱nki.

Tlu̱nar ɓu̱ Pudeku 2:41

Tu̱ Biturus shi baptisme ye nduki nu̱ dlu̱ki ɓalarang, tu̱ gwa shaatar nduki nu̱ khu̱lki du̱pu kunung ye fu̱ɗaranang.

Tlu̱nar ɓu̱ Pudeku 23:6

Nu̱ Bulus daki mban za ɓeeni ndukyang ɗya Saduke ku, yang ɓeenan ɗya Parise ku, tu̱ da su̱quran nu̱ viɗi mbu̱ tabar dle gume ɓu̱ Yakhudekwang a za, “Nyeezaku, ai, nga Parise woi ɓu̱ Parise. Yang wonji a kuma nga ku̱me sar memu̱nar nang shiki nu̱ ɗyine jiiri mbe mu̱ti.”

Tlu̱nar ɓu̱ Pudeku 24:15

Nga sa memu̱nara ye Magham ba wa nu̱ke ndukiku nang a shiran nu̱ ɗyine ka ɓa ji ndu̱ mu̱tiku, nu̱ dambi ku ndu̱ nduki nu̱ke ɗya nu̱ dambi ku ɓa kap.

Tlu̱nar ɓu̱ Pudeku 24:21

Bai tu̱k ku̱ shi ɓalarku ɗyine ɗyinang zu̱ki sarchi nu̱ chingki nga gha gume wor nang zu̱ki nga za, ‘A kuma nga meeni gume nu ku̱me ɓalar jiiri mbe mu̱ti.’ ”

Tlu̱nar ɓu̱ Pudeku 24:25

Ye sarchi nang tu̱ Bulus shi ɓalar ɗyine tlu̱nar dambi, ndu̱ dukti du̱mbu̱r ɓu̱ shimndi ɓu̱ man va, ndu̱ kumar nu̱ke a ɓar fu̱ɗar wuri. Tu̱kti ɗyikunang tu̱ Feliks tu̱k sawa, tu̱ ze Bulus za, “Leendang goɓu. Mbu̱ nga gwa sarchi ngga ɓa qa ro.”

Tlu̱nar ɓu̱ Pudeku 26:8

Nu̱m saki tu̱ kha nggamaala she nu mbu̱ Magham ka ji ndu̱ mu̱tikwang na?

Tlu̱nar ɓu̱ Pudeku 4:2

Tu̱ shokhna ku ku̱me nu̱ mbu Yesu kwang a shogaran ye nduki za mu̱tiku ka ɓa ji ndu̱ nyifiri ba wa nu̱ Yesu jiiki mbe mu̱ti.

Tlu̱nar ɓu̱ Pudeku 6:6

Ta ɓa ndu̱ ndukiku nang gume Pudekwang, tu̱ shi barar ye wor tu̱ sa khar barke ye wora.

Romeku 2:16

Ku̱me nang, ba wa nu̱ Labar mbarkandi nu̱ke nga waazu ɓaran nang zu̱ki, ka ɓa kha wanang Fu̱ɗar nu̱ke Magham, nu̱ ku̱nshe Yesu Masiya ka ɓa kumaki ɗyiku nu̱ke a nje tukaran mbu̱ kwaari ɓu̱ nduki.

1 Korintiyeku 10:2

Wa shi baptisme ye wor mbu̱ ku̱zapti ndu̱ gaawu gwaanjang tu̱ kha ma nu̱ mbu Musa ku.

1 Korintiyeku 12:13

Ku̱me shi baptismyang yerem kap mbu̱ Jiimbi da ndu̱ man var da, aa to Yakhude nduku, aa to Khelene, aa to maava, aa to ye ghai, kap ɓaarem chem za mbu̱ Jiimbi dandi nang.

2 Korintiyeku 5:10

Jiwa wa ku̱s ku̱ ching mi nu̱ gume du̱ku̱l kumar ɓu̱ Masiya kap ɓaarem, ma ku̱ kuma rem. Aaki ka dlu̱ ɗye ɓi ɓaran ba wa nu̱ tlu̱naki sarchi nu̱ke a mbu̱ man var nu̱ larji nang, aa mbarkandi aa malkandi.

Filipiyeku 3:21

Chin ke nu̱ zalale sar aa nu̱m kap nu̱ mbu̱ bu̱nan. Ka nggoɗ man vaarem ndu̱mkandi nang nu̱gha nu̱ ku̱nshe zalale ɓaranang, tu̱ gaɓ ndu̱ wor tu̱ kha wa man varan nu̱ zhaaji nang.

Kolosiyeku 2:12

Baptisme nu̱ shiki ye nwang, pakya nu gha su̱yen ndu̱ Masiya. Tu̱ ji nu̱ tun ɓar su̱yen ndu̱ Chin nu̱ ku̱nshe baptismyang tu̱k, nu̱ ku̱nshe maito ɓaanu mbe zalale ɓu̱ Magham nu̱ jiiki ndu̱ chin ɓar mbe mu̱ti.

2 Timoti 2:18

ku̱me wa ngga njiv zhire ku gha a zu̱ran ku za, ai, Magham wa woɗa ji ndu̱ nduki ɓar mbe mu̱ti, a tlagha maito ɓu̱ ɓeeni nduki.

Yibraniyeku 11:35

Tu̱ nusuku dlu̱ mu̱tiku ɓaanda nu̱ jiiki ku mbe mu̱ti. Tu̱ vu̱r bonye ye ɓeeni ndukiku, tu̱ yang zhang ku̱ ngga wor gha, ku̱me a shim ku̱ ɓa ji ndu̱ wor ɓar mbe mu̱ti mbe khar nu̱ dukki mbaari.

Yibraniyeku 9:10

Yang ɗyiku nang ɗya ɓalar zu̱mndi ndu̱ zari, ndu̱ shibtiku zum zum. Ɗyiku nang ɗya bibitiku ɓu̱ nduku nu̱ shiki me ku̱ sarchi ɓu̱ mewar ɗyiku a ɓa.

2 Bitu̱rus 3:7

Nu̱ ku̱nshe ɓalar ɓu̱ Magham tu̱k, maa viɗi ndu̱ maa vu̱ghai nu̱ke chem a naran leendangang, a bu ku su̱ya wor ɓar ndu̱ ɓai. Magham njig nang ma ɓar ye sarchi nu̱ke a ma kuma nu̱ song sawar nda, tu̱ su̱ya wor nu̱gha.