Yibraniyeku 6:18 - Mewar Alqawarang

¹⁸ Yang ɗo, ɗyiku a nje rap nu̱ke nu̱ka shi paata ɓa, yang ɓu̱ shi tu̱ Magham shi song zhire ɗyinan ɓa. Nu̱ke ɗyinang ɗya ɗye par du̱mbu̱r ye memu̱narem maɗyi, chem nyem ɗaki ku̱me gwami chem khuɓ maitwang, chem ka gwa par du̱mbu̱r maɗyi.

Yibraniyeku 6:18 ပူးပေါင်းရင်းမြစ်များ

Matta 24:35

Maa viɗi ndu̱ maa vu̱ghai ka woɗa yang ɓalar ɓang ɓu̱ pasha aa koɗom ɓa.

Matta 3:7

Yang nu̱ Yokhana naki Pariseku ndu̱ Sadukeku khang a ɓar she nda ma ku̱ shi baptisme ye wora, tu̱ ze wor za, “Tun ye ghu̱ɓtiku! Kya wuuki nu za ɗa nu shokhnar ɓu̱ Magham nu̱ke a ɓara na?

Luka 2:25

Yang ku̱maandi nggur a nje Urshalima dlu̱man za Simiyon, ɗya nu̱ jeembu ndu̱ komkomi ghaari ghai ye Magham. A bu ɓar ɓu̱ Masiya ma du̱ng memu̱na Israila, Jiimbi shakhshakhndang nje ɗyine nda.

Romeku 15:5

Bu ku̱ Magham nu̱ka vu̱rki sar memu̱na mbe kaɗanyi ndu̱ par du̱mbu̱r sa tun dlu̱ yen sarchi nu̱ke tun a da ɗyin saari Masiya Yesu.

Romeku 3:25

Magham wa vu̱r Yesu tu̱ kha ma sadke nu̱ daki shipiti solar ɓaarem ɓara nu̱ ku̱nshe maitar tom ɓaran nu̱ mbu̱ɗki. Magham shi wanang ma wut ɗyi toropndi nyin shiki ku̱me wa gu̱n memu̱naran, tu̱ njig solarku nu̱ nduki shiki zhu nu̱ kuma wor ɓa.

Romeku 3:4

Fu̱n ɗo! Ɓu̱ nggu̱tl sar da ɓa! Magham ka kha ma nu̱ zhire aakochi, aa nduki kap wa kha ma nu̱ wollo ku. Ba wa nu̱ke a nje bu̱laran za, “Ɓalar ɓa ɗya zhire aakochi shwat, aa gume kuma to ke nu̱ zhire.”

Romeku 5:5

Yang sar memu̱nar nang ɓu̱ kha bam sar da ɓa, ku̱me Magham wa wuuta ndolar ɓaran yerem nu̱ mbu̱ memu̱narem nu̱ ku̱nshe Jiimbi shakhshakhndi nu̱ vu̱rki yerem.

Filipiyeku 2:1

Mbu̱ke khar viti ɓaanu mbe Masiya a pa du̱mbu̱r ye nu, mbu ndolar ɓaran a du̱ng memu̱na nu, mbu tun a khar ndu̱ yen mbe Jiimba, mbu tun a ndola yen tun a tu̱k zhiyaye ɓu̱ yen.

Kolosiyeku 1:23

Mbu̱ tun zu̱m guma mbu̱ maito ɓaanu, tun ching gha shaanggu̱ɗang tun shi dlu̱dlarsi. Ku̱ njig nu tu̱ ɗyi nggur yakhta nu tun njig sar memu̱nar nun gwaki sarchi nun tu̱kki Labar mbarkandi nang ɓa. Chin Labar mbarkandi nu̱ wopaki ye aaki mbu̱ larji nang, nga Bulus khaki ma maavi ɓu̱ labar mbarkandi nang.

Kolosiyeku 1:27

Ɗyi nu̱ Magham daasaki chin ke ku̱ nduki ɓaran zu̱n ɗyi tukakandi ku ɓaran, chin gu̱nar ndu̱ zhaaji tukakandi nu̱ke a kha nda ku̱me nduki kap. Yang ɗyi tukakandi nang a wutan za tun ka gwa me ɓaanu sar memu̱nar mbu̱ zhaaji ɓu̱ Masiya.

Kolosiyeku 1:5

Maito ndu̱ ndolar nun wutki nang tun shi ku̱me tun a sa memu̱na nu nu̱ ɗyine ɗyi mbarkandi ku nu̱ke a nje du̱ngdan gha mbu̱ viɗi ku̱me tunu. Nang ke Labar mbarkandi nu̱ zu̱ki ye nu gumapaali, chin ɓalar zhire nun tu̱kkyang.

1 Tasalonikeku 1:10

tun bu ɓar ɓu̱ Yi ɓaran nu̱ke a ɓar mbu̱ viɗi. Magham wa ji ndu̱ Yi ɓaran ɓar mbe mu̱ti, chin ke, Yesu nu̱ke a ma lawa rem ɓar mbe shokhnar nu̱ke a ɓar nang.

1 Timoti 1:1

Lagarkati nang a vi she Bulus pude ɓu̱ Masiya Yesu ba wa nu̱ Magham nu̱ ɗana rem ndu̱ Masiya Yesu ɗye sar memu̱narem kumaki,

1 Timoti 6:12

Shi dakhlar maito mbarkandi. To dlu̱ ɗye ɓi nu̱ nyifiri nu̱ke nu̱ka shi woɗa ɓa, ku̱me qa ma nang, sarchi nu̱ke to shiki saidu mbarkandi gume saiduku khangndang.

2 Timoti 2:13

Mbu̱ nyem ka shi zhire ɓa, chin ɗya nu̱ zhire, ku̱me ɗo ɓu̱ keela ɗyinan ɓa.

Titus 1:2

Maito nu̱ zu̱ndi nu̱ke dlaran ve sar memu̱na ye nyifi nu̱ke nu̱ka shi woɗa ɓa. Magham nu̱ke nu̱ka shi wollo ɓa shiki alqawar nang kaabu nggarsi sarchi.

Yibraniyeku 11:7

Ɗya maito saki tu̱ Nukhu mbu zu̱r ɓu̱ Magham tu̱ kwaɗa du̱mbu̱l ɗyimi ma ɗana rafti ɓaran, qu̱rse Magham wa wuri nda nu̱ ɗyine ɗyiku nu̱ke nu̱ nduk na dong ɓa. Nang saki tu̱ larji gwa kumari, tu̱ chin yang gwa ɗye mbu̱ ge dambi nu̱ ka gwaki nu̱ ku̱nshe maito.

Yibraniyeku 3:11

Tang shi shokhna tang ku̱mnda nga za, ‘Ɓu̱ vi nu̱ mbu̱ maasi ɓang ku sar da ɓa.’ ”

Yibraniyeku 3:6

Yang Masiya ɗya nu̱ zhire mbe khar ɓaran Yi ɓu̱ Magham ɗyine nduki ɓu̱ Magham. Chem ke nduki ɓaran mbu̱ chem wa zu̱m guma ndu̱ shokhku̱rokh memu̱na, chem a sa memu̱narem su̱yen ndu̱ wakhti ɗyine ɗyiku nu̱ke chem a bu ɓar ɓaanda.

Yibraniyeku 6:17

Wanang tu̱k, nu̱ Magham shimki ku̱ wut nji ye nduki nu̱ke a ma zu̱m ɗye mbu̱ ge alqawarang nu̱ ɗyine, shwat ɗyi nyin daki ye memu̱naran ɓu̱ shi paata ɓa. Wut zhire ɓu̱ alqawar nang nu̱ ku̱nshe ku̱mndar nu̱ shiki.

Yibraniyeku 7:19

(Jiwa bibitang ɓu̱ ɗu̱ma sa ɗyi nggur tu̱ kha nyeedlan ɓa). Nang ke ɗyi nu̱ saki tu̱ daasa ɗyi nu̱ dukki mbaari nu̱ke chem ka saki memu̱na rem nu̱ ɗyinan ma ku̱ song mi nu̱ bing ndu̱ Magham.

Yibraniyeku 7:21

Yang ɓaran kha ma kurwang su̱yen ndu̱ ku̱mndar nu̱ Magham shiki za, “Zhinkir gwaanji wa woɗa ku̱mndari, yang ɓu̱ nggoɗ ɓalar ɓaran ɓa, ‘To kuru nu̱ke nu̱ka shi lauɗa ɓa.’ ”

1 Yokhana 1:10

Mbu̱ chem wa zu̱ nyem za nyem shi sola ɓa, chem wa gaɓ ndu̱ chin ma nu̱ wollo, yang ɓalar ɓaran a nje mbu̱ memu̱narem ɓa.

1 Yokhana 5:10

Aaki maitaki Yi ɓu̱ Magham, saidu nu̱ ɗa viki she Magham nang a nje mbu̱ memu̱naran. Yang kap njif nu̱ke nu̱ maita Magham ɓa, wa gaɓ ndu̱ Magham ma nu̱ wollo, nu̱ke wa zhang maita saidu nu̱ Magham shiki ɗyine Yi ɓaran.